 ເຂດພໍ່ແມ່ປະຊາຊົນບັນດາເຜົ່າສ່ວນໜ້ອຍໃນແຂວງ ກອນຕູນມີການປ່ຽນແປງແມ່ນຍ້ອນມີນະໂຍບາຍກູ້ຢືມທຶນຢ່າງມີປະສິດທິຜົນ |
ທ່ານ ອາອານຕວ່ານ ຊາວເຜົ່າແຢ໋ຈຽງ ຢູ່ບ້ານ ດັກເວີກ, ຕາແສງ ດັກກະຣອງ ເມືອງ ດັກກະເຣິຍ ແຂວງ ກອນຕູນ ແມ່ນຜູ້ໄດ້ຫຼຸດພົ້ນອອກຈາກຄວາມທຸກຍາກຈາກສອງຝາມືເປົ່າ. 15 ກ່ອນນີ້ຄອບຄົວຂອງທ່ານ ແມ່ນເປົ້າໝາຍຄອບຄົວທຸກຍາກ. ເຖິງວ່າມີເນື້ອທີ່ດິນກວ້າງກໍ່ຕາມ ແຕ່ປູກພຽງແຕ່ມັນ ແລະ ຕັດເອົາເຂົ້າຢູ່ເນື້ອທີໄຮ່ ດັ່ງນັ້ນປີໃດກໍ່ບໍ່ພໍກິນ ຕ້ອງຮັບເຂົ້າສານຊ່ວຍບັນເທົາທຸກຈາກລັດ. ປີ 2013 ສອງຜົວເມຍທ່ານໄດ້ກູ້ຢືມເງິນ 120 ລ້ານດົ່ງ ເພື່ອລົງທຶນປູກກາເຟ ແລະ ຊື້ໝູພັນມາລ້ຽງ,. ຈາກນັ້ນຊີວິດການເປັນຢູ່ຂອງຄອບຄົວໄດ້ຄ່ອຍໆເປັນປົກກະຕິ. ລູກທັງ 5 ຄົນກໍ່ລ້ວນແຕ່ໄດ້ໄປໂຮງຮຽນ, ຄອບຄົວກໍ່ສາມາດປຸກເຮືອນໃໝ່. ປັດຈຸບັນຄອບຄົວຂອງທ່ານ ອາອານຕວ່ານ ໄດ້ກາຍເປັນຄອບຄົວທີ່ຮັ່ງມີຂອງບ້ານ ດັກເວີກ ພ້ອມກັບຟາມປູກກາເຟຫຼາຍກວ່າ 3 ເຮັກຕາ ພ້ອມກັບສະລ້ຽງປາສອງແຫ່ງ. ນອກຈາກນັ້ນທ່ານຍັງລ້ຽງ ໝູແມ່ພັນ ແລະ ໝູຊີ້ນແຕ່ລະປີກໍ່ຂາຍໝູນ້ອຍອອກສູ່ຕະຫຼາດໄດ້ປະມານ 200 ໂຕ ແລະ ຂາຍໝູຊີ້ນໄດ້ 15 ໂຕນ. ທ່ານ ອາອານຕວ່ານ ແບ່ງປັນວ່າ:
“ແຫຼ່ງທຶນຂອງທະນາຄານກະສິກຳ ແລະ ພັດທະນາຊົນນະບົດ ຫວຽດນາມ ຫຼື ອາຣີແບງ ໄດ້ຊ່ວຍເສດຖະກິດຂອງຄອບຄົວຂ້າພະເຈົ້າພັດທະນາ ແລະ ມີລາຍຮັບຕື່ມອີກ. ຕໍ່ຈາກນັ້ນ ຂ້າພະເຈົ້າກໍ່ຢາກກາຍເປັນແບບຢ່າງ ເພື່ອໃຫ້ພໍ່ແມ່ພີ່ນ້ອງປະຕິບັດຕາມຮູບແບບຂອງຄອບຄົວພວກຂ້າພະເຈົ້າ ເພື່ອພ້ອມກັນພັດທະນາເສດຖະກິດ. ດ້ວຍຈຳນວນທຶນທີ່ກູ້ຢືມຈາກທະນາຄານ, ຄອບຄົວຂ້າພະເຈົ້າໄດ້ດຳເນີນທຸລະກິດຢ່າງມີປະສິດທິຜົນ ຊ່ວຍຄອບຄົວມີລາຍຮັບຕື່ມອີກ ພ້ອມທັງຊ່ວຍເຫຼືອພໍ່ແມ່ພີ້ນ້ອງຫຼາຍຄົນໃນບ້ານ”.
ທ່ານ ອາເລຈຸກ ຜູ້ຮອງອຳນວຍການ ອາຣີແບງ ສາຂາເມືອງ ດັກກະເຣິຍ ໃຫ້ຮູ້ວ່າ ປັດຈຸບັນ ຊາວກະສິກອນຢູ່ທັງໝົດ 12 ຕາແສງໃນເມືອງໄດ້ເຂົ້າເຖິງແຫຼ່ງທຶນ ແລະ ນຳໃຊ້ຢ່າງຖືກຕ້ອງຕາມຈຸດປະສົງ ດັ່ງນັ້ນກໍ່ສາມາດເສີມຂະຫຍາຍປະສິດທິຜົນດີທີ່ສຸດ. ທ່ານ ຈຸກ ເວົ້າວ່າ:
“ປະຕິບັດຕາມພາລະກຳຂອງ ອາຣີແບງ ນັ້ນແມ່ນໂຄງການ 3 ປັດໄຈ: ກະສິກຳ, ຊາວກະສິກອນ ແລະ ຊົນນະບົດ. ໄລ່ມາຮອດປັດຈຸບັນ ແຫຼ່ງທຶນຂອງພວກຂ້າພະເຈົ້າ ກໍ່ໄດ້ເຕີບໂຕ ແລະ ໄດ້ລົງທຶນໃຫ້ແກ່ພໍ່ແມ່ພີ້ນ້ອງໃນບໍລິເວນ ພິເສດແມ່ນຊາວເຜົ່າສ່ວນໜ້ອຍ. ປັດຈຸບັນພວກຂ້າພະເຈົ້າກໍ່ໄດ້ເຕີບໂຕທຶນຫຼາຍກວ່າ 856 ຕື້ດົ່ງ ເທົ່າກັບ 34 ລ້ານກວ່າ USA, 90% ຈຳນວນທຶນນີ້ ພວກຂ້າພະເຈົ້າກໍ່ລົງທຶນໃຫ້ແກ່ຊາວກະສິກອນ, ກະສິກຳ ແລະ ຊົນນະບົດ ອັນໄດ້ຊ່ວຍໃຫ້ປະຊາຊົນໃນການປູກຝັງ ແລະ ໄດ້ສ້າງເສດຖະກິດເປັນປົກກະຕິ”.
ທ່ານ ອາກະລັອກ ຊາວເຜົ່າ ເຊດັງ ຢູ່ບ້ານ ດັກຕາງ ຕາແສງ ດັກສູ໊ ເມືອງ ຫງອກໂຮ່ຍ ກໍ່ແມ່ນຕົວແບບໜຶ່ງກ່ຽວກັບການຜະລິດເກັ່ງຂອງເມືອງ ຫງອກໂຮ່ຍ. ກ່ອນນີ້ 15 ປີດ້ວຍແຫຼ່ງທຶນກູ້ຢືມ 500 ລ້ານດົ່ງ ທ່ານໄດ້ລົງທຶນພັດທະນາເນື້ອທີ່ກາເຟ 3 ເຮັກຕາ. ເມື່ອທຳມາຫາກິນໄດ້ຂະຫຍາຍຕົວໄດ້ຂະຫຍາຍຕົວ ທ່ານໄດ້ກູ້ຢືມທຶນຕື່ມອີກ ເພື່ອເປີດກວ້າງເນື້ອທີ່ປູກກາເຟ ຂຶ້ນເປັນ 8 ເຮັກຕາ. ປີກາຍນີ້ທ່ານໄດ້ກ້າຫານກູ້ຢືມທຶນເພື່ອລົງທຶນສ້າງເດີນຕາກກາເຟ ທີ່ມີມູນຄ່າ 2 ຕື້ດົ່ງ. ປັດຈຸບັນເສດຖະກິດຄອບຄົວ ກໍ່ໄດ້ມີຄວາມໝັ້ນຄົງ ເຮືອນຊານໃຫຍ່ໂຕໂອໂຖງ ສາມາດສ້າງວຽກເຮັດງານທຳໃຫ້ແກ່ແຮງງານທ້ອງຖິ່ນກວ່າ 20 ຄົນ. ທ່ານ ອາກະລັອກ ເວົ້າວ່າ:
“ທັງໝົດກໍ່ຍ້ອນມີນະໄຍບາຍຂອງພັກ ແລະ ລັດກ່ຽວກັບການພັດທະນາເສດຖະກິດ ເຂດປະຊາຊົນບັນດາເຜົ່າຢູ່ ເຕິຍງວຽນ ເວົ້າລວມ ເວົ້າສະເພາະແມ່ນພໍ່ແມ່ພີ່ນ້ອງເຜົ່າ ຊູດັງ ຢູ່ຕາແສງ ດັກສູ໊. ເມື່ອກ່ອນນີ້ ຂ້າພະເຈົ້າກໍ່ໄດ້ກູ້ຢືມທຶນ ຈາກທະນາຄານ 500 ລ້ານດົ່ງ ເພື່ອປູກຢາງພາລາ,ເຮັດທາງ,ປູກກາເຟ ຫຼັງຈາກນັ້ນສາມປີ ຂ້າພະເຈົ້າກໍ່ໄດ້ເກັບກູ້ ຈາກນັ້ນຄອບຄົວກໍ່ສາມາດສ້າງເສດຖະກິດເປັນປົກກະຕິ”.
ທ່ານ ນາງ ຮ່າທິແທັງຮວາ ຮອງຜູ້ອຳນວຍການ ອາຣີແບງ ກອນຕູນ ໃຫ້ຮູ້ວ່າ:
“ອາຣີແບງ ສາຂາ ກອນຕູນ ໄດ້ຊີ້ນຳຢ່າງຢ່າງຂ້ຽວຂາດບັນດາທະນາຄານໃນເມືອງຜັນຂະຫຍາຍ ປະຕິບັດນະໂຍບາຍຂອງລັດຢ່າງປະສິດທິຜົນ. ພິເສດຢູ່ບັນດາເມືອງເຂດຫ່າງໄກສອກຫຼີກ ພວກຂ້າພະເຈົ້າໄດ້ຜັນຂະຫຍາຍການຊຳລະໂດຍບໍ່ໄດ້ໃຊ້ເງິນສົດຢູ່ບໍລິເວນຊົນນະບົດ. ຜ່ານນັ້ນໄດ້ປະກອບສ່ວນຫຼຸດຜ່ອນການກູ້ຢືມທຶນແບບບໍ່ຖືກຕ້ອງໃນບໍລິເວນ”.
ພ້ອມກັບການຊ່ວຍປະຊາຊົນໄດ້ເຂົ້າເຖິງແຫຼ່ງທຶນ ອຳນາດການປົກຄອງທ້ອງຖິ່ນຕ່າງໆໃນແຂວງ ກອນຕູມ ຍັງມີບັນດາໂຄງການແນະນຳພໍ່ແມ່ພີ່ນ້ອງນຳໃຊ້ວິທະຍາສາດເຕັກນິກ ເຂົ້າໃນການຜະລິດ ຊ່ວຍປະຊາຊົນປ່ຽນແປງລະດັບຄວາມຮັບຮູ້ກ່ຽວກັບແບບວິທີຜະລິດ ເພື່ອບັນລຸປະສິດທິຜົນດ້ານເສດຖະກິດສູງ.