(vovworld) - ເພີ່ມທະວີການພົວພັນຄູ່ຮ່ວມມືອາຊີ-ເອີລົບ ຮອບດ້ານໃນສະຕະວັດທີ 21. ນີ້ແມ່ນຫົວຂໍ້ຂອງກອງປະຊຸມໂດຍກະຊວງການຕ່າງປະເທດຫວຽດນາມ ຈັດຕັ້ງໃນຕອນເຊົ້າວັນທີ 20/04, ຢູ່ຮ່າໂນ້ຍ. ກອງປະຊຸມແມ່ນເຫດການນອນໃນບັນດາການເຄື່ອນໄຫວສະເຫຼີມສະຫຼອງ 20 ແຫ່ງການຮ່ວມມືໃນຂອບເຂດກອງປະຊຸມອາຊີ - ເອີລົບ (ASEM) ເຊິ່ງຫວຽດນາມ ແມ່ນໜຶ່ງໃນບັນດາສະມາຊິກກໍ່ຕັ້ງ, ພ້ອມທັງເພື່ອກະກ່ຽມໃຫ້ກອງປະຊຸມບັນດາການນຳ ASEM ຄັ້ງທີ 11 ເຊິ່ງຈະຈັດຂຶ້ນຢູ່ມົງກົນ ໃນເດືອນ 07 ຈະມາເຖິງ. ເຂົ້າຮ່ວມ ແລະ ກ່າວຄຳເຫັນທີ່ກອງປະຊຸມ, ທ່ານຮອງນາຍົກລັດຖະມົນຕີ, ລັດຖະມົນຕີວ່າການກະຊວງການຕ່າງປະເທດຫວຽດນາມ ຟ້າມບິ່ງມິງ ຢືນຢັນວ່າ, ດ້ວຍຄວາມໝາຍຮ່ວມມື ແລະ ເຊື່ອມຕໍ່ຢ່າງເລິກເຊິ່ງ, ກ້ວາງຂວາງ, ASEM ພວມນຳຜົນປະໂຫຍດມາໃຫ້ບັນດາປະເທດສະມາຊິກໃນການຮັກສາສັນຕິພາບ, ສະຖຽນລະພາບ, ຄວາມໝັ້ນຄົງ, ການຟື້ນຟູເສດຖະກິດ, ຮັບມືກັບສິ່ງທ້າທາຍທົ່ວໂລກ. ທ່ານຮອງນາຍົກລັດຖະມົນຕີ ຟ້າມບິ່ງມິງ ໃຫ້ຂໍ້ສັງເກດວ່າ.
“ASEM ພວມຢືນຢູ່ຕໍ່ໜ້າຄວາມຕ້ອງການປ່ຽນໃໝ່, ຍົກລະດັບການຮ່ວມມື, ເພື່ອແນໃສ່ຢືນຢັນບົດບາດທີ່ຂາດບໍ່ໄດ້ໃນຄົງປະກອບໂລກຫຼາຍຂົ້ວພວມໄດ້ຮັບການສ້າງຂຶ້ນເປັນຮູບປະທຳ. ນັ້ນແມ່ນຄວາມຮຽກຮ້ອງຕ້ອງການໂດຍພາວະວິໄສຕໍ່ໜ້າບັນດາການຜັນແປຢ່າງບໍ່ຢຸດຢັ້ງຂອງໂລກ ແລະ ພາກພື້ນ. ນັ້ນກໍ່ແມ່ນຄວາມຕ້ອງການພາຍໃນຂອງ ASEM ທີ່ນັບມື້ນັບໄດ້ຮັບການເປີດກວ້າງ ດ້ວຍບັນດາຄວາມສົນໃຈ ແລະ ຜົນປະໂຫຍດຫຼາຍຮູບຫຼາຍແບບກວ່າ. ນີ້ກໍ່ແມ່ນຈຸດເວລາເພື່ອໃຫ້ພວກເຮົາບັນລຸໄດ້ຄວາມເປັນເອກະພາບໃນການຮັບຮູ້ ແລະ ການກະທຳຢ່າງແຂງແຮງກວ່າ ເພື່ອຍົກລະດັບການຮ່ວມມືອາຊີ - ເອີລົບ, ມຸ່ງໄປເຖິງປະຊາຄົມ ASEM ທີ່ຕອບສະນອງຄວາມມຸ່ງມາດປາດຖະໜາຂອງປະຊາຊົນຢູ່ 2 ທະວີບເປັນຢ່າງດີກວ່າ, ເໝາະສົມກັບຄວາມຮຽກຮ້ອງໃນການພັດທະນາ”.
ທີ່ກອງປະຊຸມ, ບັນດາຜູ້ແທນສາກົນ ໄດ້ຕີລາຄາສູງໄລຍະ 20 ປີຜ່ານມາ, ຍາມໃດຫວຽດນາມ ກໍແມ່ນສະມາຊິກທີ່ຂະຫຍັນຂັນເຄື່ອນ ແລະ ມີຄວາມຮັບຜິດຊອບ, ຕັ້ງໜ້າລິເລີມ ແລະ ນຳໜ້າໃນການຊຸກຍູ້, ຜັນຂະຫຍາຍບັນດາຂໍ້ລິເລີມທີ່ແທດຈິງກັບທ້ອງຖິ່ນ, ວິສາຫະກິດ ແລະ ປະຊາຊົນຄື: ຄ້ຳປະກັນດ້ານສະບຽງອາຫານ, ກະສິກຳໝັ້ນຄົງ, ຄຸ້ມຄອງແຫຼ່ງນ້ຳ... ຫວຽດນາມ ຖືເປັນສຳຄັນການຮ່ວມມືໃນ ASEM.