ວາລະປຶກສາຫາລື (ພາບ: VOV) |
ໃນວາລະປຶກສາຫາລື, ມີຜູ້ແທນຫຼາຍທ່ານໄດ້ຕີລາຄາສູງຄວາມສຳຄັນຂອງມະຕິເລກທີ 2573 ໂດຍ ຫວຽດນາມ ນຳສະເໜີໃນອາຍຸການເປັນກຳມະການບໍ່ຖາວອນຂອງສະພາຄວາມໝັ້ນຄົງ ສປຊ ໄລຍະ 2020 – 2021 ວ່າດ້ວຍການ “ປັກປັກຮັກສາພື້ນຖານໂຄງລ່າງທີ່ຈຳເປັນສຳລັບຊີວິດການເປັນຢູ່ຂອງປະຊາຊົນ” ໃນການປົກປັກຮັກສາລະບົບ ແລະ ພື້ນຖານໂຄງລ່າງແຫຼ່ງນ້ຳ. ທ່ານເອກອັກຄະລັດຖະທູດ ຫວຽດນາມ ດັ້ງຮວ່າງຢາງ, ຫົວໜ້າຄະນະຜູ້ຕາງໜ້າ ຫວຽດນາມ ປະຈຳ ສປຊ ໄດ້ເນັ້ນໜັກວ່າ ສະພາບການທຳລາຍບັນດາການບໍລິການ ແລະ ພື້ນຖານໂຄງລ່າງກ່ຽວກັບແຫຼ່ງນ້ຳ ກໍຄືການຈຳກັດການເຂົ້າເຖິງແຫຼ່ງນ້ຳສະອາດໃນການປະທະກັນນັ້ນ ໄດ້ເຮັດໃຫ້ຊີວິດການເປັນຢູ່ຂອງປະຊາຊົນຜູ້ທີ່ບໍ່ມີຄວາມຜິດປະສົບກັບຄວາມຫຍຸ້ງຍາກຫຼາຍຢ່າງ. ພ້ອມດຽວກັນນັ້ນ, ສະພາບມົນລະພິດ ແລະ ຂາດແຄນແຫຼ່ງນ້ຳ ຍັງຮ້າຍແຮງກວ່າການຂາດຄວາມໝັ້ນຄົງດ້ານສະບຽງອາຫານ, ສະພາບການດ້ານສາທາລະນະສຸກ ແລະ ບັງຄັບໃຫ້ປະຊາຊົນຕ້ອງຍົກຍ້າຍອອກຈາກບ່ອນຢູ່ອາໄສຂອງຕົນ.
ຜ່ານນັ້ນ, ຫວຽດນາມ ກໍ່ໄດ້ສະເໜີບາງມາດຕະການເພື່ອແນໃສ່ເພີ່ມທະວີການປົກປັກຮັກສາແຫຼ່ງນ້ຳໃນການປະທະກັນດ້ານປະກອບອາວຸດ. ມະຕິເລກທີ 2573 ໂດຍ ຫວຽດນາມ ນຳສະເໜີ ແມ່ນໜຶ່ງໃນບັນດາຂໍ້ລິເລີ່ມທີ່ສຳຄັນໃນບັນຫານີ້ ແລະ ການປະຕິບັດຕ້ອງໄດ້ຮັບການເພີ່ມທະວີ.
ນັກຂ່າວ VOV ປະຈຳ ອາເມລິກາ