ອະດີດປະທານາທິບໍດີ
Pervez Musharraf
(ພາບ: Reuters)
(vovworld) - ວັນທີ 23/04, ສານນະຄອນ Rawalpindi ຢູ່ປາກິດສຖານ ຮຽກຮ້ອງນຳອະດີດປະທານາທິບໍດີ Pervez Musharraf ເຂົ້າໃນເປົ້າໝາຍການສືບສວນທີ່ກ່ຽວຂ້ອງເຖິງ ການລອບສັງຫານອະດິດນາຍົກລັດຖະມົນຕີ Benazir Bhutto ເມື່ອປີ 2007. ຜູ້ພິພາກສາ Chaudhry Habib ur Rehman ຂອງສານນະຄອນ Rawalpindi ສະເໜີໃຫ້ອົງການສືບສວນສະຫະພັນ (FIA) ເປີດການສືບສວນກ່ຽວກັບການກະທຳຜິດຕ່າງໆທີ່ກ່ຽວຂ້ອງ ຂອງທ່ານ Musharraf ແລະ ຍືນບົດລາຍງານພາຍຫຼັງສຳເລັດການສືບສວນ. ຄາດວ່າ ການພິພາກສາສຳລັບບັນດາການກະທຳຜິດໃນສະຖານໃໝ່ສຳລັບທ່ານ Musharraf ຈະດຳເນີນໃນວັນທີ 03/05 ຈະມາເຖິງ.
ຕາມ FIA ແລ້ວ, ທ່ານ Musharraf ຖືກກ່າວຟ້ອງແມ່ນຂາດຄວາມຮັບຜິດຊອບໃນການຮັບປະກັນຄວາມປອດໄພໃຫ້ແກ່ທ່ານນາງນາຍົກລັດຖະມົນຕີ Bhutto ເມື່ອທ່ານນາງກັບເມືອປະເທດເມື່ອປີ 2007 ພາຍຫຼັງທີ່ອາໄສຢູ່ຕ່າງປະເທດ, ທ່ານນາງ Bhutto ຖືກເສຍຊີວິດໃນເຫດການຍິ່ງປືນ ແລະ ວາງລະເບີດສະຫຼະຊີບຢູ່ນະຄອນ Rawalpindi ໃນຂະນະທີ່ທ່ານພວມພົບປະກັບຂະບວນຜູ້ສະໜັບສະໜູນ. ແຕ່ທ່ານ Musharraf ປະຕິເສດຄຳກ່າວຟ້ອງດັ່ງກ່າວ.