(ພາບ:vneconomy.vn) (VOV)- ສັນຍາສິນເຊື່ອໃຫ້ແກ່ໂຄງການກະຈາຍໄຟຟ້າຢູ່ຫວຽດນາມ ຢ່າງມີປະສິດທິຜົນໄດ້ຮັບການລົງນາມໃນຕອນບ່າຍວັນທີ 8/11, ຢູ່ຮ່າໂນ້ຍ ລະຫວ່າງທະນາຄານໂລກ (WB) ແລະ ບໍລິສັດໃຫ່ຍໄຟຟ້າຫວຽດນາມ. ໂຄງການແມ່ນເພື່ອແນໃສ່ສະໜອງໄຟຟ້າທີ່ມີຄຸນນະພາບດີ ແລະ ເປັນປົກກະຕິໃຫ້ແກ່ຜູ້ນຳໃຊ້ໄຟຟ້າຫວຽດນາມ, ຊ່ວຍຫລຸດຜ່ອນອາຍແກດກໍ່ມົນລະພິດເຮືອນແກ້ວຜ່ານການປັບປຸງປະສິດທິຜົນຕາໜ່າງໄຟຟ້າ ໂດຍມີຍອດຈຳນວນເງິນທັງໝົດແມ່ນ 800 ລ້ານໂດລາສະຫະລັດ. ໂຄງການລວມມີການສ້າງ ແລະ ປັບປຸງຕາໜ່າງກະຈາຍໄຟຟ້າ, ແນະນຳບັນດາເຕັກໂນໂລຊີຕາໜ່າງໄຟຟ້າສະຫຼາດໃນການກະຈາຍໄຟຟ້າ ແລະ ໜູນຊ່ວຍດ້ານເຕັກນິກ, ພາຫະນະເພື່ອສ້າງຄວາມສາມາດໃຫ້ແກ່ກົມດັດສົມໄຟຟ້າຫວຽດນາມ ແລະ ບໍລິສັດໄຟຟ້າ 5 ແຫ່ງ. ທ່ານນາງ Victoria Kwakwa ຜູ້ອຳນວຍການໃຫ່ຍທະນາຄານໂລກ (WB) ປະຈຳຫວຽດນາມ ໃຫ້ຮູ້ວ່າ, ບັນດາບ້ວງເງິນລົງທຶນເພື່ອແນໃສ່ເພີ່ມທະວີປະສິດທິຜົນ ແລະ ຫັນເປັນທັນສະໄໝຕາມໂຄງການກະຈາຍໄຟຟ້າຢູ່ຫວຽດນາມ ຢ່າງມີປະສິດທິຜົນ ຈະປັບປຸງຄວາມເປັນປົກກະຕິຂອງແຫຼ່ງໄຟຟ້າ ແລະ ປະກອບສ່ວນໃຫ້ແກ່ການພັດມະນາເສດຖະກິດ-ສັງຄົມລວມຂອງຫວຽດນາມ. Từ khóa: ກະຈາຍໄຟຟ້າ ທະນາຄານໂລກ ສິນເຊື່ອ
ທ່ານຮອງນາຍົກລັດຖະມົນຕີ ເຈິ່ນຮົ່ງຮ່າ: ສ້າງກຳລັງແຮງແກ່ການພັດທະນາ, ຫັນປ່ຽນໂຄງປະກອບເສດຖະກິດຂອງແຂວງ ຮ່າຕິງ