(vovworld) - ທີ່ກອງປະຊຸມປະຈຳປີກ່ຽວກັບການພັດທະນາດ້ານການທ່ອງທ່ຽວຂອງບັນດາປະເທດຂຶ້ນກັບເຂດອານຸພາກພື້ນແມ່ນ້ຳຂອງ ເປີດກວ້າງ (GMS), ເຊິ່ງດຳເນີນໄປໃນວັນທີ 06/12, ຢູ່ເຂດທ່ອງທ່ຽວ Bokor, ແຂວງ Kampot (ຫ່າງຈາກນະຄອນຫຼວງ ພະນົມເປັນ ໄປທາງທິດຕາເວັນອອກສຽງໃຕ້ 150 ກມ), ທະນາຄານພັດທະນາອາຊີ (ADB) ຕົກລົງໜູນຊ່ວຍ 100 ລ້ານ USD ໃຫ້ແກ່ບັນດາໂຄງການພັດທະນາພື້ນຖານໂຄງລ່າງດ້ານການທ່ອງທ່ຽວຂອງ 3 ປະເທດຂຶ້ນກັບ GMS ແມ່ນກຳປູເຈຍ, ຫວຽດນາມ ແລະ ລາວ.
ບ້ວງເງິນໜູນຊ່ວຍດັ່ງກ່າວຖືກນຳໃຊ້ໃນບັນດາໂຄງການຊຸກຍູ້ການທ່ອງທ່ຽວ, ກໍ່ສ້າງທ່າກໍ່າປັ່ນ, ສ້າງຕັ້ງລະບົບທຳຄວາມສະອາດນ້ຳເສດເຫຼືອຢູ່ບັນດາເຂດທ່ອງທ່ຽວ ແລະ ໜູນຊ່ວຍໂຄງການທ່ອງທ່ຽວຂຽວບົນທະເລ, ສ້າງຮູບແບບທ່ອງທ່ຽວຂຽວ, ສະອາດ ດ້ວຍການເຂົ້າຮ່ວມຂອງປະຊາຊົນທ້ອງຖິ່ນ. ຄຽງຂ້າງນັ້ນ, ADB ກໍ່ໜູນຊ່ວຍກຳປູເຈຍ, ລາວ, ຫວຽດນາມ ຍົກສູງປະສິດທິຜົນການເຄື່ອນໄຫວຮ່ວມມືດ້ານສືສານເຊື່ອມຕໍ່ກັບບັນດາປະເທດໃນ GMS. ປະຈຸບັນ, ແຕ່ລະປີ GMS ໄດ້ຕ້ອນຮັບແຂກທ່ອງທ່ຽວຕ່າງປະເທດປະມານ 40 ລ້ານເທື່ອຄົນ.