 លោក Pham Thien Nghia ប្រធានគណៈកម្មាធិការប្រជាជនខេត្ត Dong Thap ចុះទៅត្រួតពិនិត្យប្រតិបត្តិការផលិតកម្មនៅតាមរោងចក្រក្នុងតំបន់។ (រូបថត៖ congthuong.vn) |
បង្កលក្ខណៈងាយស្រួលដល់ប្រតិបត្តិការផលិតកម្មអាជីវកម្ម
នៅតំបន់ដីសណ្ដទន្លេ Cuu Long ក្រោយពីរយៈពេល៣ខែផ្ដោតសំខាន់ទៅលើការងារ បង្ការទប់ស្កាត់ជម្ងឺរាតត្បាតកូវីដ-១៩ រហូតមកដល់ពេលនេះ ស្ថានភាពជម្ងឺរាតត្បា តត្រូវបានគ្រប់គ្រងជាស្ថាពរនៅតាមខេត្តជាច្រើន។ ក្នុងនោះដោយឡែកខេត្ត Dong Thap នាបច្ចុប្បន្នមានអង្គភាពអាជីវកម្មចំនួនជាង២០០បានបើកប្រតិបត្តិការផលិតកម្ម ឡើងវិញជាបណ្ដើរៗ។ លោក Pham Thien Nghia ប្រធានគណៈកម្មាធិការប្រជាជន ខេត្ត Dong Thap ឲ្យដឹងថា ខេត្តបានបង្កើតក្រុមជំនួយការដើម្បីដោះស្រាយការលំបាក ឲ្យទាន់ពេលវេលាសម្រាប់អង្គភាពអាជីវកម្ម ហើយនឹងមានគោលនយោបាយអាទិភាព ដើម្បីជួយអង្គភាពអាជីវកម្មបើកប្រតិបត្តិការផលិតកម្មឡើងវិញផងដែរ។ Dong Thap ក៏បានកសាងសេណារីយ៉ូមួយចំនួនអំពីការស្ដារសេដ្ឋកិច្ចក្រោយជម្ងឺរាតត្បាត ហើយ សម្របខ្លួនជាជំហានៗនិងរួមរស់ជាមួយជម្ងឺរាតត្បាតកូវីដ-១៩ផងដែរ។ លោក Pham Thien Nghia បានឲ្យដឹងថែមទៀតថា៖
“ខេត្តបានកសាងសេណារីយ៉ូដើម្បីស្ដារ អភិវឌ្ឍសេដ្ឋកិច្ចក្នុងប៉ុន្មានខែចុងឆ្នាំ។ Dong Thap កំពុងផ្ដោតសំខាន់ទៅលើការបង្កលក្ខណៈសម្រាប់អង្គភាពអាជីវកម្ម អនុវត្តន៍ ការស្ដារឡើងវិញតាមការគ្រោងទុក”។
ក៏សំដៅអនុវត្តន៍សេចក្ដីសម្រេចចិត្តលេខ១២៨ដែរ ខេត្ត Lang Son បាននិង កំពុងបង្កលក្ខណៈងាយស្រួលដើម្បីការធ្វើចរាចរណ៍ទំនិញតាមច្រកទ្វារព្រំដែន ប្រព្រឹត្ត ទៅប្រកបដោយសុវត្ថិភាព ឆាប់រហ័ស ធានាបាននូវគោលដៅ២ដើរទន្ទឹមគ្នាដោយ បង្ការទប់ស្កាត់ជម្ងឺរាតត្បាតផង និងស្ដារ អភិវឌ្ឍសេដ្ឋកិច្ចផង។ វរសេនីយ៍ឯក Tran Thi Thu Trang អនុប្រធានការិយាល័យប៉ូលីសគ្រប់គ្រងរដ្ឋបាលអំពីសណ្ដាប់ធ្នាប់សង្គម ចំណុះនគរបាលខេត្ត Lang Son ឲ្យដឹងថា៖
“ការប្រើប្រាស់សូហ្វវ៉ែគ្រប់គ្រងពលរដ្ឋនៅតំបន់កើតជម្ងឺរាតត្បាតដោយឈរលើមូលដ្ឋានទិន្នន័យជាតិអំពីចំនួនប្រជាជន បានជួយសន្សំសម្ចៃពេលវេលា ការចំណាយ ធនធានមនុស្ស ហើយជាពិសេសគឺ ជៀសវាងការប៉ះពាល់គ្នាដោយផ្ទាល់នៅពេល រាយការណ៍ស្ថានភាពសុខភាព និងគ្រប់គ្រងការធ្វើដំណើររបស់ពលរដ្ឋ ព្រមទាំងក៏ ជួយតាមរកស្លាកស្នាមជាបន្ទាន់និងត្រឹមត្រូវនូវករណីនីមួយៗផងដែរ។ ជាខេត្តមួយ ដែលត្រូវបានចាត់ទុកថា ជាមជ្ឈមណ្ឌលនាំចេញដ៏ធំនៃប្រទេសទាំងមូល ការអនុវត្ត សូហ្វវ៉ែនេះ បានជួយយើងខ្ញុំធ្វើបច្ចុប្បន្នកម្មយ៉ាងត្រឹមត្រូវនូវព័ត៌មានរបស់អ្នកបើកបរ រថយន្ត តាមរកស្លាកស្នាមករណី F1 F2 ហើយបានរកឃើញករណីទាំងនោះបាន ទាន់ពេលវេលាដើម្បីធ្វើចត្តាឡីស័ក ធានាសុវត្ថិភាពក្នុងការងារបង្ការទប់ស្កាត់ជម្ងឺ រាតត្បាត”។
ចំពោះក្រសួងគមនាគមន៍និងដឹកជញ្ជូនវិញ ថ្នាក់ដឹកនាំក្រសួងឲ្យដឹងថា នឹង ចេញផ្សាយបទបញ្ញត្តិបន្ថែមទៀតដើម្បីជួយសម្រួលដល់ការធ្វើចរាចរណ៍។ លោក អនុរដ្ឋមន្រ្តី Le Dinh Tho បានបញ្ជាក់ថា៖
“ផ្នែកចរាចរណ៍មានវិស័យស្នូលចំនួន២នោះគឺ ដឹកជញ្ជូនទំនិញនិងដឹកជញ្ជូនអ្នក ដំណើរ។ ការដឹកជញ្ជូនទំនិញនៅតែត្រូវបានថែរក្សាក្នុងអំឡុងពេលប្រយុទ្ធប្រឆាំងនឹង ជម្ងឺរាតត្បាត។ នៅពេលអនុវត្តន៍សេចក្ដីសម្រេចចិត្តលេខ១២៨ យើងបានពិនិត្យមើល ចេញផ្សាយបទបញ្ញត្តិថ្មីឲ្យបានសមស្របនឹងគោលដៅ តម្រូវការ ជាពិសេសគឺបទ បញ្ញត្តិថ្មីនៃក្រសួងសុខាភិបាល។ យើងបានចេញផ្សាយបទបញ្ញត្តិស្ដីពីការដឹកជញ្ជូន តាមផ្លូវគោក ផ្លូវអាកាស ផ្លូវសមុទ្រ ជាសាកល្បង។ រហូតដល់ថ្ងៃទី២០ ខែតុលា បន្ទាប់ ពីសាកល្បងរួច យើងអាចកែសម្រួលឲ្យបានសមស្របនឹងស្ថានភាព។ យើងបាន កំណត់យ៉ាងច្បាស់ថា ការបើកប្រតិបត្តិការដឹកជញ្ជូនឡើងវិញ ត្រូវមានផែនការ ជំហានដ៏សមស្រប។ នេះគឺជាភាពបត់បែន”។
 កម្មការិនីនៅក្រុមហ៊ុន Thien Long ទីក្រុងហូជីមិញធ្វើការតាមទម្រង់ "នៅហ្នឹងកន្លែង៣យ៉ាង"។ (រូបថត៖ baobinhduong.vn) |
ធានាការងារបង្ការទប់ស្កាត់ជម្ងឺរាតត្បាត
តាមលោកTran Van Tuan អនុប្រធានគណៈកម្មាធិការប្រជាជនខេត្ត Ba Ria – Vung Tau បានឲ្យដឹងថា ខេត្តកំពុងផ្លាស់ប្ដូរស្ថានការណ៍ពីការប្រយុទ្ធប្រឆាំងនឹងជម្ងឺ រាតត្បាតទៅកាន់ការបង្ការការពារ និងសម្របខ្លួនប្រកបដោយសុវត្ថិភាព។ ខេត្តបាន បង្កើតក្រុមការងារពិសេសនិងក្រុមប្រតិកម្មរហ័ស ដើម្បីជួយឧបត្ថម្ភ ដោះស្រាយការ លំបាកសម្រាប់អង្គភាពអាជីវកម្ម ទប់ស្កាត់ការឆ្លងរីករាលដាលនៃជម្ងឺរាតត្បាត។
“នៅពេលផ្លាស់ប្ដូរស្ថានការណ៍ពីការប្រយុទ្ធប្រឆាំងជម្ងឺរាតត្បាតទៅការបង្ការការពារជម្ងឺរាតត្បាត ត្រូវមានក្រុមប្រតិកម្មរហ័ស។ ប្រសិនបើរកឃើញករណីឆ្លងក្នុងសហ គមន៍ គឺក្រុមប្រតិកម្មរហ័សត្រូវបានដាក់ពង្រាយភ្លាមមួយរំពិច ចូលរួមជាមួយមូលដ្ឋាន ដើម្បីកំណត់តំបន់កើតជម្ងឺ ហើយកំចាត់ការរីករាលដាលឲ្យបានឆាប់បំផុត។ យើងខ្ញុំ កំពុងស្ដារផលិតកម្មអាជីវកម្ម ប្រតិបត្តិការពាណិជ្ជកម្មសេវាកម្ម តាមជំហាននីមួយៗ ដើម្បីស្ដារសេដ្ឋកិច្ចសង្គម ដោយមានបាវចនា៖ សុវត្ថិភាពដល់ទីណាគឺបើកទ្វារដល់ ទីនោះ”។
សេចក្ដីសម្រេចចិត្តលេខ១២៨របស់រដ្ឋាភិបាលជាការសម្រេចចិត្តដោយទាន់ ពេលវេលាក្នុងយុទ្ធនាការបង្ការ ប្រយុទ្ធប្រឆាំងនឹងជម្ងឺរាតត្បាតកូវីដ-១៩នៅវៀតណាម នាបច្ចុប្បន្ន។ ការរៀបចំអនុវត្តសេចក្ដីសម្រេចចិត្តប្រកបដោយប្រសិទ្ធភាពនឹងបង្ហាញ ឲ្យឃើញនូវភាពបត់បែន ម្ចាស់ការនៃខេត្ត ក្រុងនីមួយៗ ក្រសួង ស្ថាប័ននីមួយៗ ហើយ បង្កើតឡើងវឌ្ឍនភាពសម្រាប់ការធ្វើផលិតកម្មអាជីវកម្ម នាំឲ្យជីវភាពរស់នៅរបស់ ប្រជាជនវិលត្រឡប់ទៅរកប្រក្រតីភាពឡើងវិញ៕