ប្រធានរដ្ឋសភា លោកស្រី Nguyen Thi Kim Ngan អញ្ជើញថតរូបអនុស្សាវរីយ៍ជាមួយព្រះសហគមន៍កាតូលិក Hue

មុនបុណ្យណូអែល តាងនាមថ្នាក់ដឹកនាំបក្ស រដ្ឋ និងគណៈកម្មាធិការមជ្ឈឹមរណសិរ្សមាតុភូមិវៀតណាម ប្រធានរដ្ឋសភា លោកស្រី Nguyen Thi Kim Ngan បានអញ្ជើញមកដល់ទីសំណាក់នៃអាសឺវែក Hue ដើម្បីអបអរសាទរដល់ គ្រូកង្វាល បូជាចារ្យ ប៉ុព្វជិតនិងព្រះសហគមន៍កាតូលិក សាសនិកជននូវរដូវបុណ្យគ្រីស្ទម៉ាស់រីករាយ ប្រកបដោយភាពសុខដុមរមនា និងស្វាគមន៍ឆ្នាំថ្មីឆ្នាំ ២០២១ ក្រោមព្រះពរជ័យរបស់ព្រះជាម្ចាស់។ លោកស្រីប្រធានរដ្ឋសភាបានសង្កត់ធ្ងន់ថា ក្នុងការកសាងនិងអភិវឌ្ឍន៍ប្រទេសជាតិតែងតែមានការចូលរួមចំណែកជាក់ស្តែងរបស់គ្រីស្តបរិស័ទនៃសមាគមកាតូលិកវៀតណាមនិយាយរួមនិងគ្រីស្តបរិស័ទនៃព្រះសហគមន៍ Hue និយាយដោយឡែក៖ “ក្នុងស្ថានភាពពោរពេញដោយការលំបាកនៃឆ្នាំ ២០២០ យើងខ្ញុំសូមកោតសរសើរចំពោះសាមគ្គីភាពនិងភាពសុខដុមនីយកម្មរបស់ប្រជាជន ក្នុងនោះមានតួនាទីសំខាន់របស់អង្គការសាសនា ជាពិសេស សមាគមកាតូលិកនិងសាសនិកជនទាំងអស់នៅ Thua Thien Hue និយាយដោយឡែកនិងទូទាំងប្រទេសនិយាយរួម ដែលតែងតែផ្តល់ការគាំទ្រជាច្រើន តាមរយៈ ព្រះអាសឺវែក គ្រូកង្វាល បូជាចារ្យ បុព្វជិតរួមទាំងសាសនិកជន ដែលបានគាំទ្រគោលនយោបាយរបស់បក្ស និងរដ្ឋ ក្នុងការកសាងនិងការពារប្រទេស។ ខ្ញុំក៏ដឹងដែរថា ប្រធានក្រុមប្រឹក្សាប៊ីស្សពវៀតណាម អារសឺវ៉ែក Nguyen Chi Linh មានវិធីសាស្ត្រថ្មី ដោយផ្លាស់ប្តូរសកម្មភាពសាសនា តាមរបៀបសមស្របដើម្បីឆ្លើយតបនឹងការបង្ការប្រយុទ្ធប្រឆាំងជំងឺរាតត្បាតកូវីដ ១៩”។

ក្នុងឱកាសនេះ ឧបនាយករដ្ឋមន្រ្តីវៀតណាម លោក Truong Hoa Binh ក៏បានអញ្ជើញចូលរួមអបអរសាទរថ្នាក់ដឹកនាំសាសនា និងសាសនិកជននៅទីសំណាក់នៃអេវែក Da Lat និងសមាគមប្រូតេស្តង់វៀតណាម (ខាងត្បូង) នៅខេត្ត Lam Dong។ នៅទីនេះ លោកឧបនាយករដ្ឋមន្រ្តីបានស្វាគម៍ប្រជាគ្រឹស្ត សាសនិកជន Lam Dong និងសាសនិកជននៅទូទាំងប្រទេស ដែលថ្វីត្បិតតែជួបការលំបាក ជួបគ្រោះមហន្តរាយធម្មជាតិនិងរោគរាតត្បាតក៏ដោយ ប៉ុន្តែសាសនិកជនទាំងអស់គ្នាតែងតែចូលរួម ជាមួយរដ្ឋាភិបាល ដើម្បីរួមចំណែកជួយឧបត្ថម្ភដល់ប្រជាជនវៀតណាមភាគកណ្តាលដែលរងផលប៉ះពាល់ដោយគ្រោះមហន្តរាយធម្ម ជាតិ ហើយស្ថិរភាពជីវភាពរស់នៅ។ លោកឧបនាយករដ្ឋមន្ត្រីបានគូសបញ្ជាក់ថា៖ “រដ្ឋាភិបាលមាន គោលនយោបាយសម្របសម្រួលជាមួយ ព្រះសហគមន៍កាតូលិកនានា អាជ្ញាធរគ្រប់លំដាប់ថ្នាក់និងរណសិរ្ស ដើម្បីរៀបចំពិធីបុណ្យណូអែលយ៉ាងកក់ក្តៅនិងប្រកបដោយភាពសុខដុមរមនា។ ធ្វើយ៉ាងម៉េចដើម្បីបុណ្យណូអែលអាចជាសេចក្តីអំណររួមនៃប្រទេសទាំងមូល និងរបស់អ្នកកាន់សាសនាកាតូលិកទាំងអស់ហើយនាំមកនូវសេចក្តីសុខជាច្រើននិងសុភមង្គល”។

ទន្ទឹមជាមួយគ្នានោះ លេខាគណៈកម្មាធិការបក្សទីក្រុងហាណូយ លោក Vuong Dinh Hue បានអញ្ជើញទៅសួរសុខទុក្ខដល់គ្រីស្តសានិកជននិងថ្នាក់ដឹកនាំសាសនាកាតូលិកនៅទីសំណាក់នៃអាសឺវែកហាណូយនាឱកាសបុណ្យណូអែល ២០២០ និងត្រៀមទទួលស្វាគមន៍ឆ្នាំថ្មី ២០២១។ លោក Vuong Dinh Hue បានវាយតម្លៃខ្ពស់ចំពោះសកម្មភាពនិងការចូលរួមវិភាគទានដ៏វិជ្ជមានរបស់ព្រះសហគមន៍សាសនិកហាណូយក៏ដូចជាសាសនិកជនរដ្ឋធានីក្នុងឆ្នាំ២០២០កន្លងមក។ ជាមួយគ្នានោះ ប្រធានគណៈកម្មាធិការមជ្ឈឹមរណសិរ្សមាតុភូមិវៀតណាម លោក Tran Thanh Man បានអញ្ជើញចូលរួមអបអរសាទរដល់ប្រជាគ្រឹស្ត សាសនិកជនទាំងអស់នៅខេត្ត Thai Binh និងខេត្ត Nam Dinh ផងដែរ។

នៅឆ្នាំ ២០២០ រួមជាមួយសាសនិកជននៃសាសនាផ្សេងៗគ្នានៅទូទាំងប្រទេស គ្រីស្តបរិស័ទវៀតណាម បានចូលរួមយ៉ាងសកម្មក្នុងការបង្ការនិងទប់ស្កាត់ជំងឺកូវីដ ១៩  លើកកម្ពស់ស្មារតីប្រឡងប្រណាំងស្នេហាជាតិ  រួមគ្នាកសាងផែនមហាសាមគ្គីភាពជនជាតិទាំងមូលកាន់តែខ្លាំងឡើង។ ហេតុដូច្នេះហើយ បុណ្យណូរអែលថ្ងៃនេះ គឺជាពិធីបុណ្យដ៏សំខាន់សម្រាប់គ្រីស្តបរិស័ទ ដើម្បីអបអរជាមួយសហគមន៍ជនជាតិទាំងមូល។

គិតដល់ចុងឆ្នាំ ២០១៩ នេះ វៀតណាមមានអង្គការចំនួន ៤៣ នៃសាសនាចំនួន ១៦ ដែលបានទទួលស្គាល់និងនិងបានចុះបញ្ជីធ្វើសកម្មភាព។ តថភាពជាក់ស្តែងនៃប៉ុន្មានឆ្នាំកន្លងមក បានបង្ហាញថា បរិយាកាសធ្វើសកម្មភាពជំនឿនិងសាសនានៅក្នុងប្រជាជនគ្រប់ស្រទាប់វណ្ណៈគឺមានភាពរស់រវើក។ យោងតាមការស្ថិតិបង្ហាញថា ៩៥% នៃប្រជាជនវៀតណាមមានជីវភាពខាងសាសនា។ គ្រាន់តែក្រឡេកមើលពីពិធីបុណ្យសាសនានិងជំនឿប្រជាប្រិយក៏អាចទទួលស្គាល់យ៉ាងច្បាស់ដែរថា សកម្មភាពទាំងនេះ មិនត្រឹមតែជាសកម្មភាពសាសនាជំនឿរបស់អ្នកកាន់សាសនាប៉ុណ្ណោះទេ ថែមទាំងកំពុងក្លាយជាពិធីបុណ្យមួយដែលទាក់ទាញមនុស្សជាច្រើនចូលរួមទៀតផង។ ទាំងនេះគឺជាសកម្មភាពដែលមានទាំងកត្តាព្រលឹងវិញ្ញាណ និងនិងជាតម្រូវការចាំបាច់របស់ប្រជាជន។ ប្រការនេះបង្ហាញថា បក្សនិងរដ្ឋតែងតែបង្កររាល់លក្ខណៈងាយស្រួលសម្រាប់ប្រជាជន ចូលរួមដោយសេរីក្នុងសកម្មភាពជំនឿសាសនា។ ក្នុងថ្ងៃបុណ្យណូអែលសម្រាប់គ្រីស្តបរិស័ទនេះ  ព្រះវិហារជាច្រើននៅទូទាំងប្រទេសបានក្លាយជាកន្លែងជួបជុំយ៉ាងសប្បាយរីករាយសម្រាប់ សហគមន៍សាសនាទាំងអស់នៅវៀតណាម៕