ខ្មាន់កាំភ្លើងនៃកម្លាំង "ថ្ងៃរះលីប៊ី" (រូបថត៖ Xinhua/TTXVN)

(VOVworld) - ក្រុមប្រឹក្សាអ.ស.បនាថ្ងៃទី១៤ កញ្ញា បានឯកភាពអនុម័តលើ សេចក្ដីសំរេចចិត្តដែលពន្យាពេលបេសកកម្មនយោបាយរបស់អ.ស.បនៅលីប៊ី រហូតដល់ថ្ងៃទី១៥ កញ្ញា ឆ្នាំ២០១៨ ដោយភារកិច្ចធ្វើជាអ្នកសម្របសម្រួលដើម្បី ជួយឧបត្ថម្ភដំណើរការបង្រួបបង្រួមខាងនយោបាយនិងផ្ទេរប្រគល់អំណាចនៅ ប្រទេសអាហ្វ្រិកខាងជើងនេះ។ សេចក្ដីសំរេចចិត្តនេះបានស្វាគមន៍ការខំប្រឹង ប្រែងនាពេលថ្មីៗនេះ ដែលបានរួមចំណែកធ្វើស្ពានតភ្ជាប់រវាងភាគីប្រឆាំងគ្នា នានានៅលីប៊ី សំដៅបញ្ចប់ស្ថានភាពវឹកវរនិងស្ដារសន្តិភាពនៅប្រទេសនេះឡើងវិញ។

        មុននោះ នាថ្ងៃទី១៣ កញ្ញា អគ្គលេខាធិការអ.ស.បលោក Antonio Guterres ប្រកាសថា ការផ្សះផ្សាជាវិធានការចម្បងសំដៅស្ដារស្ថិរភាពឡើងវិញ នៅលីប៊ី៕