រហូតមកដល់ពេលនេះ វៀតណាមបានកត់ត្រាករណីឆ្លង COVID-19 ចំនួន  ២៨៨  ករណីដែលក្នុងនោះមានករណីចំនួន ១៤៨ ករណីមកពីក្រៅប្រទេសត្រូវបានដាក់នៅដាច់ដោយឡែកភ្លាមៗបន្ទាប់ពីបានចូលមកក្នុងប្រទេស រីឯ  ១៤០ ករណីទៀតត្រូវបានឆ្លងជំងឺក្នុងសហគមន៍ផងដែរ។

ទន្ទឹមនឹងនេះ ពិភពលោកបានកត់ត្រាករណីឆ្លងវីរុស SARS-CoV-2 សរុបចំនួន ៣.៩១៣.៣៧៦ ករណី ដែលបង្កជំងឺរលាកផ្លូវដង្ហើម COVID-19 ក្នុងនោះមានអ្នកស្លាប់ចំនួន ២៧០.៤២០ នាក់។ ជំងឺនេះបានឆ្លងរីករាលដាលដល់ប្រទេសនិងតំបន់ដែនដីចំនួន ២១២។

សហរដ្ឋអាមេរិកនៅតែជាចំណុចកណ្តាលនៃការឆ្លងរាលដាលជំងឺនេះដោយមានករណីឆ្លងចំនួន ១.២៩២.៤១៣ ករណី ។ បន្ទាប់ពីសហរដ្ឋអាមេរិកគឺប្រទេសអេស្ប៉ាញ  អ៊ីតាលី អង់គ្លេស រុស្ស៊ី និងបារាំង។

រីឯនៅអាហ្រ្វិកខាងត្បូងវិញ ក្រសួងសុខាភិបាលបានកត់ត្រាថាមានអ្នកឆ្លងជំងឺ COVID-19 ចំនួន ៤២៤ នាក់បន្ថែមទៀតក្នុងរយៈពេល ២៤ ម៉ោងកន្លងមក ដែលធ្វើឲ្យអ្នកឆ្លងជំងឺសរុបកើនឡើងដល់ ៨.២៣២ នាក់៕