(VOV)_នាព្រឹកថ្ងៃទី៥​ កញ្ញា ប្រធានរដ្ឋវៀតណាម លោក Tran Dai Quang បាន
អញ្ជើញចូលរួមពិធីបើកបវេសនកាលឆ្នាំសិក្សាថ្មី ២០១៦-២០១៧ នៅសាលា​មធ្យម
សិក្សាទុតិយភូមិជំនាញហាណូយ-Amsterdam ។​ថ្លែងមតិនៅទីនេះ​ប្រធានរដ្ឋ លោក 
Tran Dai Quang បានលើកច្បាស់ថា៖ឆ្នាំសិក្សានេះ​ ដើរតួនាទី​ដ៏សែនសំខាន់ដើម្បី
អនុវត្តសេចក្ដីសម្រេចចិត្តនៃមហាសន្និបាតបក្ស លើកទី១២ ​របស់បក្សកម្មុយនីស្ត
វៀតណាម យុទ្ធសាស្ត្រអភិវឌ្ឍន៍អប់រំដល់ឆ្នាំ ២០២០។ដូច្នេះ ប្រធានរដ្ឋបានស្នើអោយ
សាលាត្រូវបើកទូលាយសកម្មភាពផ្លាស់ប្តូរ សហប្រតិបត្តិការអន្តរជាតិ ជាមួយសាលា
ផ្សេងៗលើពិភពលោក ដើម្បីចែករំឡែកព័ត៍មាន ផ្លាស់ប្តូរបទពិសោធន៍បង្ហាត់
បង្រៀននិងសិក្សារៀនសូត្រ លើកកំពស់គុណភាព​បណ្ដុះបណ្ដាល និងការសិក្សាស្រាវ
ជ្រាវរបស់សាលា ក្លាយទៅជាមជ្ឈមណ្ឌលបណ្ដុះបណ្ដាលបញ្ញាវ័ន្តជួរមុខរបស់ប្រទេស
ជាតិ របស់តំបន់និងលើពិភពលោក។

          ក៏ក្នុងព្រឹកថ្ងៃទី៥កញ្ញា នាយករដ្ឋមន្ត្រី លោកNguyen Xuan P huc បាន​អញ្ជើញ
​ចូលរួមពិធីបើកឆ្នាំសិក្សាថ្មី នៅសាលាមធ្យមសិក្សាតុតិយភូមិ Nguyen Dinh Chieu -
ជាសាលាសំរាប់កូនសិស្សពិការភ្នែកនៅទីក្រុងហាណូយ។

នាយករដ្ឋមន្ត្រីវៀតណាម លោក Nguyen Xuan Phuc ចូលរួមពិធីបើកបវេសនកាលឆ្នាំសិក្សាថ្មី ២០១៦-២០១៧ នៅសាលារៀន Nguyen Dinh Chieu (VNA)

          ក្នុងពេលជាមួយគ្នានោះ នាព្រឹកថ្ងៃទី៥កញ្ញា នៅទីក្រុង Vung Tau ខេត្ត Ba Ria
 Vung Tau ប្រធានរដ្ឋសភា លោកស្រី Nguyen Thi Kim Ngan បានអញ្ជើញចូលរួមពិធី
បើកឆ្នាំសិក្សាថ្មី ២០១៦-២០១៧ នៅសាលាមធ្យម​សិក្សាទុតិយភូមិជំនាញ Le Quy Don ។
ថ្លែងមតិនៅទីនេះប្រធាន​រដ្ឋសភា លោកស្រី Nguyen Thi Kim Ngan បានអោយដឹងថា៖

«បក្សនិងរដ្ឋរួមជាមួយមជ្ឈដ្ឋានឪពុកម្តាយនៅខេត្ត Ba Ria – Vung Tau ជឿជាក់
ទៅលើការបង្រៀននិងបណ្តុះបណ្ដាលសិស្សានុស្សិសរបស់គ្រូបង្រៀននៃសាលារៀន
ជំនាញ Le Quy Don។ ដោយហេតុនេះ ឆ្នាំសិក្សា ២០១៦-២០១៧ នឹងទទួលបានស្នា
ដៃខ្ពស់។»

        នាព្រឹកថ្ងៃទី ៥ កញ្ញា នៅខេត្ត Son La ប៉ែកខាងជើងវៀតណាម អនុប្រធាន
រដ្ឋសភាវៀតណាម លោកស្រី Tong Thi Phong បានចូលរួមពិធីបើក បវេសនកាល
នៅសាលារៀនមធ្យមសិក្សា Nguyen Trai ផងដែរ៕