ភាគីអ៊ីស្រាអែលដឹកជញ្ជូនគ្រាប់រំសេវ និងសព្វាវុធនៅក្នុងតំបន់ភាគខាងត្បូងនៃប្រទេសអ៊ីស្រាអែល ក្បែរព្រំដែនកាលពីថ្ងៃទី៣១ ខែធ្នូ ឆ្នាំ២០២៣។ រូបថត៖ AP

ជម្លោះនៅមជ្ឈិមបូព៌ាបានបន្តកើនឡើងគួរឱ្យព្រួយបារម្ភនៅពេលដែលទាំងសហរដ្ឋអាមេរិក និងអ៊ីស្រាអែលកាលពីថ្ងៃទី ៣ ខែកុម្ភៈ បានបង្កើនការវាយប្រហារលើក្រុមប្រដាប់អាវុធប្រជែងនៅក្នុងប្រទេសលីបង់ និងប្រទេសយេម៉ែន។

នៅក្នុងប្រទេសលីបង់ កងកម្លាំងស្វ័យការពារអ៊ីស្រាអែល (IDF) បានប្រកាសថា ពួកគេបានវាយប្រហារ និងបំផ្លាញគោលដៅសរុបចំនួន ៣៤០០ កន្លែង នៃចលនា Hezbollah ដោយយកឈ្នះលើយុទ្ធជនសត្រូវជាង ២០០ នាក់ពីការប្រយុទ្ធ។ ថ្លែងទៅកាន់សារព័ត៌មាននៅទីក្រុង Tel Aviv អ្នកនាំពាក្យកងកម្លាំងការពារជាតិអ៊ីស្រាអែល លោក Daniel Hagari ក៏បាននិយាយផងដែរថា កម្លាំងនេះបានវាយប្រហារ និងបំផ្លាញគោលដៅរបស់ក្រុម Hezbollah ប្រហែល ៥០ កន្លែងនៅក្នុងទឹកដីផ្សេងៗគ្នាជាច្រើននៅក្នុងប្រទេសស៊ីរី។

ការប្រយុទ្ធគ្នានៅជុំវិញព្រំដែនរវាងកងកម្លាំងការពារអ៊ីស្រាអែល និងក្រុមហេសបូឡាបានផ្ទុះឡើងនៅថ្ងៃទី ៨ ខែតុលា ឆ្នាំ ២០២៣ ត្រឹមតែមួយថ្ងៃបន្ទាប់ពីកងកម្លាំងស្វ័យការពារអ៊ីស្រាអែលបានវាយប្រហារតំបន់ហ្គាហ្សា។ នេះត្រូវបានគេចាត់ទុកថាជាការប្រយុទ្ធគ្នាយ៉ាងខ្លាំងនិងយូរបំផុតរវាងភាគីទាំងពីរចាប់តាំងពីជម្លោះបង្ហូរឈាមនៅរដូវក្ដៅឆ្នាំ ២០០៦ ដែលបណ្ដាលឲ្យមនុស្សរាប់ពាន់នាក់រងរបួស៕