ការដំឡើងរថយន្តអគ្គិសនីនៅរោងចក្រមួយក្នុងទីក្រុង Wuha ខេត្ត Hubei ប្រទេសចិន កាលពីថ្ងៃទី២៤ ខែមេសា ឆ្នាំ២០២៤។ រូបថត៖ THX/TTXVN

ការដាក់ពន្ធរបស់ EU លើរថយន្តអគ្គិសនីដែលផលិតក្នុងប្រទេសចិន ជាមួយនឹងអត្រាពន្ធរហូតដល់ ៤៥,៣% អូសបន្លាយរយៈពេល ៥ ឆ្នាំ បានចូលជាធរមានជាផ្លូវការចាប់ពីថ្ងៃទី ៣១ ខែតុលា ឆ្នាំ២០២៤ ដែលក្នុងនោះអត្រាពន្ធជាក់លាក់គឺអាស្រ័យលើក្រុមហ៊ុនរថយន្តនីមួយៗ។ កាលពីសប្តាហ៍ទៅមិញ  ក្រុមហ៊ុនផលិតរថយន្តរបស់ចិនគឺ SAIC ក៏បានដាក់ពាក្យបណ្តឹងទៅកាន់តុលាការយុត្តិធម៌អឺរ៉ុប ប្រឆាំងនឹងលទ្ធផលនៃការស៊ើបអង្កេតរបស់សហភាពអឺរ៉ុប ដើម្បី "ការពារសិទ្ធិនិងផលប្រយោជន៍ស្របច្បាប់របស់ខ្លួន"។ យោងតាម SAIC ការស៊ើបអង្កេតគឺមិនសមហេតុផលនោះទេ នៅពេលដែលបាន"អើពើ" ចំពោះព័ត៌មានសំខាន់ៗនិងអំណះអំណាងរបស់ក្រុមហ៊ុន។ ភាពតានតឹងពាណិជ្ជកម្មរវាងចិន និងសហភាពអឺរ៉ុបនាពេលបច្ចុប្បន្ន កំពុងតែកើនឡើង ហើយបានរីករាលដាលដល់ផលិតផលផ្សេងទៀតដូចជា ស្រា ផលិតផលទឹកដោះគោ និងសារធាតុគីមី៕