 (រូបថត៖ elespectador.com) |
(VOVworld) - នាថ្ងៃទី១១ ឧសភា តំណាងកម្លាំងប្រដាប់អាវុធបដិវត្តន៍កូឡុំប៊ី (FARC) និងកងទ័ពរំដោះជាតិ (ELN) បានចូលរួមកិច្ចសន្ទនានៅទីក្រុង La Habana របស់គុយបា សំដៅស្វែងរកដំណោះស្រាយបញ្ចប់ជំលោះប្រដាប់អាវុធ ដែលបានអូសបន្លាយក្នុងអំឡុងកន្លះសតវត្សនៅប្រទេសអាមេរិកខាងត្បូងនេះ។ភាគីទាំងពីរបានឯកភាពថា ការធានាផលប្រយោជន៍សំរាប់ជនរងគ្រោះនៃ ជំលោះគឺចំណុចស្នូលនៃដំណើរការរិះរកសន្តិភាព ក៏ដូចជាត្រូវដោះស្រាយ មូលហេតុដ៏ជ្រាលជ្រៅនៃជំលោះនេះយ៉ាងឆាប់រហ័សផងដែរ។តំណាងនៃភាគី ទាំងពីរក៏បានសង្កត់ធ្ងន់ទៅលើការប្ដេជ្ញាចិត្តប្រដេញតាមដំណោះស្រាយនយោបាយសំរាប់ជំលោះនេះ ឆ្ពោះទៅការបោះឆ្នោតសកលនាឆ្នាំ២០១៨ ព្រមទាំង អំពាវនាវការពារជីវភាពរស់នៅនិងដែនដីរបស់សហគមន៍ជនជាតិនានានៅកូឡុំប៊ីផងដែរ៕