ພິທີລົງນາມໃນບົດບັນທຶກຊ່ວຍຈຳໂຄງການປູກຢາງພາລາຢູ່ພາກເຫນືອລາວ ພາບ:vietnamplus.vn (vovword)- ວັນທີ 25/5 ຢູ່ ນະຄອນຫລວງ ວຽງຈັນ, ທ່ານ ບຸນທະວີ ສີສຸພັນທອງ ລັດຖະມົນຕີຊ່ວຍວ່າການກະຊວງແຜນການ ແລະ ການລົງທຶນ ລາວ ໄດ້ລົງນາມໃນບົດບັນທຶກຊ່ວຍຈຳການປະຕິບັດໂຄງການປູກຕົ້ນຢາງພາລາຢູ່ ພາກເຫນືອຂອງລາວ ກັບກຸ່ມບໍລິສັດອຸດສາຫະກຳຢາງພາລາ ຫວຽດນາມ. ນີ້ແມ່ນໂຄງການປູກຢາງພາລາທຳອິດຂອງ ຫວຽດນາມ ຢູ່ ພາກເຫນືອຂອງ ລາວ ດ້ວຍເນື້ອທີ່ 1000 ເຮັກຕາ. ໂຄງການນີ້ຈະປະກອບສ່ວນປ່ຽນແປງຄວາມຊີນເຄີຍໃນການປູກຝັງ, ສ້າງວຽກເຮັດງານທຳເປັນປົກກະຕິໃຫ້ແກ່ຊາວທ້ອງຖິ່ນ, ຊຸກຍູ້ການຮ່ວມມືລະຫວ່າງ ຫວຽດນາມ ແລະ ລາວ ເວົ້າລວມ ແລະ ສອງທ້ອງຖິ່ນດ້ຽນບຽນ ແລະ ອຸດົມໄຊ ເວົ້າສະເພາະ. ກ່າວຄຳເຫັນນະພິທີ, ທ່ານ ບຸນທະວີ ສີສຸພັນທອງ ຕີລາຄາສູງຕໍ່ເລື່ອງກຸ່ມບໍລິສັດຢາງພາລາ ຫວຽດນາມ ລົງທຶນປູກຢາງພາລາຢູ່ ພາກເຫນືອຂອງລາວ, ເປັນເຂດດິນແດນທີ່ຍັງປະສົບກັບຄວາມຫຍຸ້ງຍາກ ເປັນຕົ້ນແມ່ນພື້ນຖານໂຄງລ່າງຄົມມະນາຄົມຍັງຫລ້າຫລັງ. ລັດຖະບານ ລາວ ຈະເອື້ອອຳນວຍຄວາມສະດວກໃນການຜັນຂະຫຍາຍໂຄງການ, ປະກອບສ່ວນຊຸກຍູ້ການພົວພັນລົງທຶນລະຫວ່າງ ສອງປະເທດນັບມື້ນັບພັດທະນາ. Quoc Khanh ນັກຂ່າວ VOV ປະຈຳ ສປປ ລາວ. Từ khóa: ຢາງພາລາ
ການປະທະກັນລະຫວ່າງ ຮາມາດສ - ອິດສະຣາແອັນ: ທ່ານລັດຖະມົນຕີການຕ່າງປະເທດ ອາເມລິກາ ເດີນທາງໄປຍັງ ຈໍແດນ