ບ້ານ ຂວຍກີ ເບິ່ງຈາກມູມສູງ (ພາບ: ຫງອກແອັງ)

     ປະຈຸບັນ, ບ້ານຂວຍກີ ມີກ່ວາ 100 ຄອບຄົວແມ່ນຊາວເຜົ່າໄຕ່ທັງໝົດ. ໝູ່ບ້ານແຫ່ງນີ້ໄດ້ອີງຫຼັງໃສ່ພູຫີນ, ຢູ່ອ້ອມຂ້າງແມ່ນເຂດປ່າໄມ້, ຢູ່ຕໍ່ໜ້າແມ່ນຫ້ວຍຂວຍກີ, ດັ່ງນັ້ນ ໝູ່ບ້ານກໍ່ມີຊື່ວ່າບ້ານຂວຍກີ.

   ບ້ານຂວຍກີ ມີລັກສະນະພິເສດສະເພາະ ນັ້ນແມ່ນບັນດາຫຼັງເຮືອນທີີ່ເຮັດດ້ວຍຫີນ. ພິເສດແມ່ນເຮືອນຮ້ານເຮັດດ້ວຍຫີນ, ມຸ້ງດ້ວຍດິນຂໍ…ຊື່ງບັນດາທ້ອງຖິ່ນອື່ນບໍ່ມີ. ທ່າໄດ້ປຽບທ່ອງທ່ຽວຂອງບ້ານຂວຍກີ ແມ່ນນອນໃນໃຈກາງເຂດທ່ອງທ່ຽວທິວທັດທຳມະຊາດນ້ຳຕົກຕາດ ບານຢົກ ແລະ ຖ້ຳເງື່ອມງາວ. ໃນຊຸມປີມໍ່ໆມານີ້,  ບ້ານຂວຍກີ ໄດ້ດຶງດູດຈຳນວນແຂກທ່ອງທ່ຽວຫຼາຍພໍສົມຄວນ.

      Homestay ດອກກ້ວຍໄມ້ປ່າ ຫາກໍ່ໄດ້ກໍ່ສ້າງຂຶ້ນປະມານ 1 ປີ ຊື່ງຢາກອະນຸລັກຮັກສາຈຸດວັດທະນະທຳທ້ອງທ່ຽວທ້ອງຖິ່ນ, ດັ່ງນັ້ນໄດ້ກໍ່ສ້າງດ້ວຍຫີນ, ບັນດາຫ້ອງນອນໄດ້ເຮັດຕາມແບບຄົບວົງຈອນ, ບໍ່ເຮັດຫ້ອງນອນລວມ ເພື່ອສາມາດຕອບສະໜອງຄວາມສະດວກຄົບຖ້ວນກ່ວາໃຫ້ແກ່ແຂກທ່ອງທ່ຽວ. homestay ມີທັງໝົດ 9 ຫ້ອງນອນ, ສາມາດຮັບແຂກຫຼາຍສຸດແມ່ນ 34 ຄົນ. ແຂກທ່ອງທ່ຽວສາກົນສ່ວນຫຼາຍແມ່ນ ຝະລັ່ງ, ໂຮນລັງ, ອາເມລິກາ, ແອັດສະປາຍ.

   ຂ້າພະເຈົ້າໄດ້ໄປທ່ອງທ່ຽວຢູ່ຫຼາຍບ່ອນແລ້ວ ແຕ່ມານີ້ກໍ່ມີຄວາມຕົກສະເງີ້ ຍ້ອນວ່າສະຖາປັດຕະຍາກຳຢູ່ທີ່ນີ້ແມ່ນມີລັກສະນະພິເສດສະເພາະ, ບັນດາເຮືອນໄດ້ເຮັດດ້ວຍຫີນ, ງາມຫຼາຍ. ສະຖາປັດຕະຍາກຳບູຮານ ສະຫຼັບກັບທັນສະໄໝ. ຫ້ວຍຢູ່ທີ່ນີ້ສ້າງບັນຍາກາດເຢັນສະບາຍທີ່ສຸດ. ຢູ່ແຫ່ງນີ້ເໝາະກັບການພັກຜ່ອນບຳລຸງສຸຂະພາບ ແລະ ການຄົ້ນຫາ.

  ເພື່ອດຶງດູດແຂກທ່ອງທ່ຽວມາຢ້ຽມຢາມ ຂວຍກີ, ຊາວບ້ານໄດ້ເປີດບັນດາການບໍລິການທີ່ມີຫຼາຍຮູບຫຼາຍແບບ ຮັບໃຊ້ໃຫ້ແກ່ແຂກທ່ອງທ່ຽວ. ແຂກທ່ອງທ່ຽວມານີ້ຈະໄດ້ຮັບປະທານບັນດາເຍື່ອງອາຫານພິເສດຂອງຊາວເຜົ່າໄຕ່, ເຂົ້າຮ່ວມການເຕັ້ນສາບ ຫຼືຮັບຟັງການຂັບແທນ (ມໍລະດົກທີ່ບໍ່ເປັນວັດຖຸຕາງໜ້າມວນມະນຸດ) ແລະ ພິນຕິງ.

    ແຂກທ່ອງທ່ຽວ, ໂດຍສະເພາະແມ່ນແຂກທ່ອງທ່ຽວຕ່າງປະເທດ ມັກຄົ້ນຫາ ຂວຍກີ ຜ່ານລາຍການທ່ອງທ່ຽວປິນພູ, ຕັ້ງຄ້າຍຈູດໄຟ, ດຳນາ, ໄປເອົາຝືນ, ຈັບປາຢູ່ຫ້ວຍ ຫລື ຢູ່ກັບຊາວບ້ານ. ເປັນຄັ້ງທຳອິດທີ່ມາຢ້ຽມຢາມບ້ານ ຂວຍກີ, ອ້າຍ Redouane Mahi, ແຂກທ່ອງທ່ຽວຊາວ ຝະລັ່ງ ໃຫ້ຮູ້ວ່າ:

   ຂ້າພະເຈົ້າໄດ້ພັກຢູ່ບ້ານຂອງຊາວເຜົ່າໄຕ່ ຄືນໜຶ່ງ, ຫັນວ່າຄັກຫຼາຍ, ຈາກການບໍລິການ ຕະຫຼອດຮອດອາຫານການກິນ… ການແລກປ່ຽນຂໍ້ມູນລະຫວ່າງແຂກທ່ອງທ່ຽວ ແລະ ປຊຊ ຜ່ານເຄືອຄ່າຍອິນເຕີເນັດແມ່ນງ່າຍທີ່ສຸດ ແລະ ມີປະໂຫຍດ. ປຊຊ ຢູ່ທີ່ນີ້ມີຄວາມໃກ້ຊິດສະໜິດສະໜົມ, ຮັກແພງແຂກຄົນ. ວິທີເຮັດທ່ອງທ່ຽວຢູ່ນີ້ແມ່ນດີພໍສົມຄວນ. ທຸກຄົນຕ່າງກໍ່ຮູ້ວິທີສຳຜັດ ເພື່ອສະໜອງຂໍ້ມູນໃຫ້ແກ່ແຂກ, ອາຫານກໍ່ແຊບຫຼາຍ, ມີແຜນທີ່ທ່ອງທ່ຽວພ້ອມ ເພື່ອໃຫ້ແຂກທ່ອງທ່ຽວສາມາດໄປມາຢ່າງສະດວກສະບາຍ.

   ປີ 2008, ຂວຍກີ ໄດ້ຮັບຮູ້ແມ່ນ “ໝູ່ບ້ານວັດທະນະທຳທີ່ເປັນມູນເຊື້ອດີເດັ່ນຂອງປາຊາຄົມຊາວຊົນເຜົ່າສ່ວນໜ້ອຍ” ຈາກກະຊວງວັດທະນະທຳ, ກິລາ ແລະ ທ່ອງທ່ຽວ ຫວຽດນາມ. ດ້ວຍທິວທັດທຳມະຊາດທີ່ສວຍງາມ, ສີສັນວັດທະນະທຳພິເສດສະເພາະ, ສະຖາປັດຕະຍາກຳໄດ້ສ້າງຄວາມປະທັບໃຈ, ຊາວບ້ານ ຂວຍກີ ພວມພັດທະນາສະຖານທີ່ແຫ່ງນີ້ ກາຍເປັນຈຸດນັດພົບທີ່ດູດດື່ມໃຈແຂກທ່ອງທ່ຽວທັງຢູ່ພາຍໃນ ແລະ ຕ່າງປະເທດ./.