ປຸ້ງແຕ່ງໝາກມັງກອນຢູ່ ສະຫະກອນ ຮຶງທິ້ງຟາດ (ພາບ: VOV)

    ທ່ານດັ້ງຮ່ວາງມິນ, ຜູ້ເຮັດສວນຢູ່ບ້ານກວາງນິງ, ຕາແສງກວັນລອງ ໃຫ້ຮູ້ວ່າ: ຍ້ອນໄດ້ເຂົ້າຮ່ວມສະຫະກອນກະສິກຳປອດສານພິດ ຮຶງທິ້ງຟາດ ຈຶ້ງໄດ້ນຳໃຊ້ຮູບແບບປູກຕົ້ນໄມ້ຕາມມາດຕະຖານກຳນົດການປະຕິບັດການຜະລິດກະສິກຳທີ່ດີ ໃຫ້ແກ່ບັນດາຜະລິດຕະພັນກະເສດ, ສິນໃນນ້ຳຢູ່ຫວຽດນາມ (Viet GAP) ສຳເລັດ. ແລ້ວໄດ້ເຂົ້າຮ່ວມປະມວນບັນດາມາດຕະຖານສາກົນ ຢັ້ງຢືນກ່ຽວກັບການປະຕິບັດການຜະລິດກະສິກຳທີ່ດີ (Global GAP); ພ້ອມທັງໄດ້ແລກປ່ຽນ, ຖ່າຍຖອດເຕັກນິກການຜະລິດໝາກມັງກອນທີ່ບັນລຸສະມັດຕະພາບ, ຄຸນນະພາບເພື່ອສົ່ງອອກ. ປະຈຸບັນ, ທ່ານມິງ ແມ່ນຫົວໜ້າໜ່ວຍຜະລິດຂອງບ້ານກວາງມິງ ຊື່ງແມ່ນບ່ອນເຕົ້າໂຮມເອົາຜູ້ເຮັດສວນ ມາເຂົ້າຮ່ວມຮູບແບບການຮ່ວມສຳພັນຜະລິດ. ທ່ານມິງ ໃຫ້ຮູ້ວ່າ:

  ເຂົ້າຮ່ວມສະຫະກອນມີຜົນປະໂຫຍດທີ່ສຸດ, ເຖິງວ່າ ສະຫະກອນ ຮຶງທິ້ງຟາດ ຫາກໍ່ໄດ້ສ້າງຕັ້ງໃໝ່ກໍ່ຕາມ, ແຕ່ກໍ່ເຮັດໄດ້ດີຫຼາຍ, ມີການເຄື່ອນໄຫວຢ່າງແຮງທີ່ສຸດ. ຂ້າພະເຈົ້າໄດ້ປູກຕົ້ນໝາກມັງກອນໃນເນື້ອທີ່ດິນເກືອບ 1 ເຮັກຕາ, ປະຈຸບັນໄດ້ຮັບການຖ່າຍຖອດວິທະຍາສາດ ເຕັກນິກ, ໝູນໃຊ້ຮູບແບບຕາມມາດຖານ VietGAP, GlobalGAP, ເພື່ອສົ່ງອອກໄປບັນດາປະເທດທີ່ຮຽກຮ້ອງຄຸນນະພາບສູງ.

ກຳມະກອນເຮັດວຽກຢູ່ ສະຫະກອນ ຮຶງທິ້ງຟາດ (ພາບ: VOV)

    ສະຫະກອນກະສິກຳປອດສານພິດ ຮຶງທິ້ງຟາດ ມີຍຸດທະສາດການເຄື່ອນໄຫວໃໝ່, ສອດຄ່ອງກັບສະພາບການປະຈຸບັນ. ການເຄື່ອນໄຫວຂອງສະຫະກອນ ໄດ້ມຸ່ງໄປສູ່ຜະລິດຕະພັນປອດສານພິດ, ແຊກຊຶມເຂົ້າບັນດາຕະຫຼາດຮຽກຮ້ອງຄຸນນະພາບສູງທັງຢູ່ພາຍໃນ ແລະ ຕ່າງປະເທດ. ເພື່ອບັນລຸໄດ້ເປົ້າໝາຍທີ່ໄດ້ວາງອອກ, ສະຫະກອນກະສິກຳປອດສານພິດ ຮຶງທິ້ງຟາດ ໄດ້ສ້າງເຂດປູກຕົ້ນມັງກອນຕາມມາດຕະຖານ VietGAP ແລະ Global GAP; ຕັ້ງໜ້າພ້ອມກັນສ້າງເຄື່ອງໝາຍການຄ້າ. ມາຮອດປະຈຸບັນ, ສະຫະກອນໄດ້ເຕົ້າໂຮມ 39 ສະມາຊິກເຂົ້າຮ່ວມການຜະລິດຢູ່ 8 ໜ່ວຍຮ່ວມມື ຢູ່ຕາມບ້ານຕ່າງໆໃນຕາແສງກວັນລອງ. ເນື້ອທີ່ດິນປູກຕົ້ນມັງກອນທັງໝົດຂອງສະມາຊິກແມ່ນ 132 ເຮັກຕາ. ນອກຈາກການຜະລິດ, ປຸງແຕ່ງໝາກມັງກອນແລ້ວ, ທາງສະຫະກອນຍັງເກັບຊື້ໝາກນອດ, ໝາກມ່ວງ, ໝາກພຸກຂອງບັນດາສວນຢູ່ພາຍໃນ ແລະ ນອກແຂວງຕື່ມອີກ ເພື່ອສະໜອງໃຫ້ບັນດາຄູ່ຮ່ວມມື, ບັນດາວິສາຫະກິດສົ່ງອອກໄປຍັງ ຍີ່ປຸ່ນ, ອາເມລິກາ, ສ.ເກົາຫຼີ, ຈີນ…. ແລະ ສົ່ງໄປຂາຍຢູ່ບັນດາຮ້ານສັບພະສິນຄ້າ, ສູນການຄ້າພາຍໃນປະເທດ. ທ່ານວໍ້ວັນເລິບ, ຫົວໜ້າຫ້ອງການພັດທະນາຊົນນະບົດ-ພະແນກກະສິກຳ ພັດທະນາຊົນນະບົດແຂວງຕຽນຢາງ ຖືວ່າ:

   ສະຫະກອນ ຮຶງທິ້ງຟາດ ໄດ້ມຸ່ງໄປເຖິງການໝູນໃຊ້ຂັ້ນຕອນການຜະລິດກະສິກຳທີ່ດີ ເພື່ອສະໜອງໃຫ້ແກ່ລູກຄ້າ ຕິດພັນກັບບັນດາສະມາຊິກ. ກຳລັງພາຍໃນໄດ້ເສີມຂະຫຍາຍ, ມີເຂດວັດຖຸດິບ, ພື້ນຖານໂຄງລ່າງໂດຍພື້ນຖານ. ຫ້ອງການພັດທະນາກະສິກຳພວມໜູນຊ່ວຍສະຫະກອນລະຫັດເຂດປູກຕົ້ນໄມ້, ໜູນຊ່ວຍນະໂຍບາຍຕາມຂໍ້ຕົກລົງຂອງຄະນະກຳມະການ ປຊຊ ແຂວງ ເພື່ອຂະຫຍາຍເຂດປູກຕົ້ນໄມ້ທີ່ປອດໄພໃຫ້ແກ່ສະຫະກອນ.

   ດ້ວຍຄວາມສຸດຈິດສຸດໃຈຂອງຫົວໜ້າຫະສະກອນ,  ບັນດາສະມາຊິກ ແລະ ການໜູນຊ່ວຍຂອງບັນດາອົງການທີ່ມີໜ້າທີ່ຮັບຜິດຊອບ, ສະຫະກອນກະສິກຳປອດສານພິດ ຮຶງທິ້ງຟາດ ພວມສ້າງແຜນການຜະລິດ-ດຳເນີນທຸລະກິດຕາມລະບົບມູນຄ່າ. ທ່ານຫງວຽນຈຸງກຸຍ ຫົວໜ້າສະຫະກອນກະສິກຳປອດສານພິດ ຮຶງທິ້ງຟາດ ໃຫ້ຮູ້ວ່າ:

  ພວກຂ້າພະເຈົ້າພະຍາຍາມສ້າງຮູບແບບການຜະລິດໝາກມັງກອນປອດສານພິດ. ປະຈຸບັນ, ພວກຂ້າພະເຈົ້າ ໄດ້ສ້າງໂຄງປະກອບ, ການຈັດຕັ້ງ, ລະບົບຊັບພະຍາກອນຄືນໃໝ່ໝົດ. ກຳນົດລະຫັດເຂດປູກຄືນໃໝ່, ຈາກນັ້ນສະເໜີໃຫ້ກົມປູກຝັງອອກລະຫັດເຂດໃຫ້ ເພື່ອສາມາດສົ່ງອອກໄປຍັງຫຼາຍປະເທດ. ເມື່ອມີລະຫັດເຂດແລ້ວ ຈະປະຕິບັດໂຄງການຮ່ວມມືຈຳໜ່າຍໝາກມັງກອນ.

  ຮູບແບບຮ່ວມສຳພັນການຜະລິດຕາມລະບົບມູນຄ່າ, ແມ່ນມຸ່ງໄປເຖິງການຜະລິດສົ່ງອອກ ໄປຍັງຕະຫຼາດໂລກຂອງສະຫະກອນກະສິກຳປອດສານພິດ ຮຶງທິ້ງຟາດ ແມ່ນທິດເດີນທີ່ຈຳເປັນ ເໝາະສົມກັບຄວາມຕ້ອງການຂອງຕະຫຼາດຢູ່ພາຍໃນ ແລະ ຕ່າງປະເທດ. ດ້ວຍຍຸດທະສາດຜະລິດ, ດຳເນີນທຸລະກິດຢ່າງມີແບບມີແຜນ, ຖືກຕ້ອງ, ເຊື່ອໝັ້ນວ່າ ຮູບແບບການຮ່ວມສຳພັນຜະລິດນີ້ ຈະບັນລຸປະສິດທິຜົນສູງ, ປະກອບສ່ວນເຮັດໃຫ້ປ່ຽນແປງກ່ຽວກັບຄວາມຮັບຮູ້, ຈິນຕະນາການໃນການຜະລິດໝາກມັງກອນ ຂອງບັນດາຜູ້ເຮັດສວນຢູ່ທ້ອງຖິ່ນ./.