(ທ່ານນາງຮອງປະທານປະເທດ ຫວໍທິແອັງຊວນ ແລະ ທ່ານ Milos Vystrcil, ປະທານສະພາສູງ ສ.ເຊັກໂກ)

        ທ່ານນາງ ຫວໍທິແອັງຊວັນ, ຮອງປະທານປະເທດ ຫວຽດນາມ ພວມມີການຢ້ຽມຢາມ ສ.ເຊັກໂກ ຢ່າງເປັນທາງການ (ແຕ່ວັນທີ 13 – 16 ພະຈິກ), ຕາມຄຳເຊີນຂອງທ່ານນາຍົກລັດຖະມົນຕີ Petr Fiala. ຕອນເຊົ້າວັນທີ 14 ພະຈິກ (ຕາມເວລາທ້ອງຖິ່ນ), ຢູ່ສຳນັກງານສະພາສູງ ສ.ເຊັກໂກ, ທ່ານນາງຮອງປະທານປະເທດ ຫວໍທິແອັງຊວນ, ໄດ້ໂອ້ລົມສົນທະນາກັບທ່ານ Milos Vystrcil, ປະທານສະພາສູງ ສ.ເຊັກໂກ.

        ທີ່ການໂອ້ລົມສົນທະນາ, ເມື່ອແລກປ່ຽນກ່ຽວກັບບັນດາການກຳນົດທິດໃຫຍ່ໃນການຮ່ວມມື 2 ຝ່າຍໃນໄລຍະຈະມາເຖິງ, 2 ຝ່າຍໄດ້ເຫັນດີຍູ້ແຮງການຮ່ວມມືໃນບັນດາຂົງເຂດທີ່ເປັນມູນເຊື້ອໃຫ້ມີປະສິດທິຜົນ, ຄື: ການສຶກສາບຳລຸງສ້າງ, ວິທະຍາສາດເຕັກໂນໂລຊີ, ວັດທະນະທຳ, ການທ່ອງທ່ຽວ; ຊຸກຍູ້ການເປີດກວ້າງການຮ່ວມມືໃນບັນດາຂົງເຂດໃໝ່, ຄື: ພະລັງງານທົດແທນ, ການຫັນເປັນດີຈີຕອນ, ຫັນເປັນສີຂຽວ… 2 ຝ່າຍພ້ອມກັນສະໜັບສະໜູນບັນດາການເຄື່ອນໄຫວແລກປ່ຽນຄະນະຜູ້ແທນລະຫວ່າງ 2 ອົງການນິຕິບັນຍັດ ເພື່ອແບ່ງປັນບົດຮຽນໃນການສ້າງກົດໝາຍ, ຕິດຕາມກວດກາ; ສົມທົບກັນຢ່າງແໜ້ນແຟ້ນ, ສະໜັບສະໜູນເຊິ່ງກັນ ແລະ ກັນຢູ່ບັນດາເວທີປາໄສລັດຖະສະພາ.

        ຕອນບ່າຍວັນດຽວກັນ, ທ່ານນາງ ຫວໍທິແອັງຊວັນ ໄດ້ພົບປະກັບທ່ານ Petr Pavel, ປະທານາທິບໍດີ ສ.ເຊັກໂກ. ການນຳ 2 ທ່ານໄດ້ເຫັນດີສືບຕໍ່ຜັນຂະຫຍາຍສັນຍາການຄ້າເສລີ ຫວຽດນາມ - ອີຢູ (EVPTA) ໃຫ້ມີປະສິດທິຜົນ, ສ້າງຄວາມສະດວກໃຫ້ແກ່ສິນຄ້າຂອງກັນມີໜ້າຢູ່ຕະຫຼາດຂອງກັນໃຫ້ຫຼາຍກວ່າ, ເປັນປະຕູຂອງກັນເພື່ອແຊກຊຶມເຂົ້າຕະຫຼາດ ອາຊຽນ ແລະ ອີຢູ.