 (ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຫວຽດນາມ ບຸຍແທັງເຊີນ ເຂົ້າຮ່ວມກອງປະຊຸມ) |
ວັນທີ 14 ພະຈິກ, ຢູ່ສູນກອງປະຊຸມ ລີມາ, ນະຄອນຫຼວງ ລີມາ, ປະເທດ ເປຣູ, ໄດ້ຈັດກອງປະຊຸມລະຫວ່າງລັດຖະມົນຕີການຕ່າງປະເທດ - ເສດຖະກິດເວທີປາໄສການຮ່ວມມືເສດຖະກິດ ອາຊີ - ປາຊິຟິກ (APEC) ຄັ້ງທີ 35 (AMM 35). ກອງປະຊຸມໂດຍມີການເຂົ້າຮ່ວມຂອງລັດຖະມົນຕີການຕ່າງປະເທດ, ລັດຖະມົນຕີກະຊວງເສດຖະກິດ ແລະ ຫົວໜ້າຄະນະຜູ້ແທນຂອງ 21 ພື້ນຖານເສດຖະກິດສະມາຊິກ APEC. ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຫວຽດນາມ ບຸຍແທັງເຊີນ ນຳໜ້າຄະນະຜູ້ແທນ ຫວຽດນາມ ເຂົ້າຮ່ວມກອງປະຊຸມ.
ທີ່ວາລະປຶກສາຫາລືກ່ຽວກັບ “ນະວັດຕະກຳ ແລະ ຫັນເປັນດີຈີຕອນ ເພື່ອຊຸກຍູ້ການຫັນໄປສູ່ເສດຖະກິດທາງການ ແລະ ທົ່ວໂລກ”, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ບຸຍແທັງເຊີນ ໄດ້ເນັ້ນໜັກເຖິງບັນດາຄວາມມານະພະຍາຍາມຂອງ ຫວຽດນາມ ໃນການຫັນເປັນດີຈີຕອນ, ສ້າງເງື່ອນໄຂໃຫ້ວິສາຫະກິດ ແລະ ຜູ້ອອກແຮງງານສືບຕໍ່ສຳຜັດກັບໂອກາດວຽກເຮັດງານທຳ, ເຂົ້າຮ່ວມການພັດທະນາເສດຖະກິດ ແລະ ໄດ້ຮັບຜົນປະໂຫຍດຢ່າງຍຸຕິທຳຈາກການເຕີບໂຕເສດຖະກິດ.
ໂດຍຍົກອອກຂໍ້ສະເໜີຈຳນວນໜຶ່ງກ່ຽວກັບການຮ່ວມມືຂອງ APEC ໃນຂົງເຂດນີ້, ທ່ານ ບຸຍແທັງເຊີນ ເນັ້ນໜັກວ່າ, ບັນດາສະມາຊິກ APEC ຕ້ອງເພີ່ມທະວີການແບ່ງປັນບົດຮຽນນຳໃຊ້ເຕັກໂນໂລຊີດີຈີຕອນໃນບັນດາຂັ້ນຕອນຈົດທະບຽນດຳເນີນທຸລະກິດ, ຕິດຕາມການປະຕິບັດບັນດາກົດໝາຍ, ຂໍ້ກຳນົດດ້ານພາສີ, ແຮງງານ… ກ່ຽວກັບການໜູນຊ່ວຍວິສາຫະກິດ, ຕ້ອງຍູ້ແຮງການສ້າງສະພາບແວດລ້ອມທີ່ະດວກໃຫ້ແກ່ບັນດາຄອບຄົວດຳເນີນທຸລະກິດ ແລະ ສ່ວນບຸກຄົນໄດ້ເຂົ້າເຖິງແຫຼ່ງທຶນ ແລະ ຕະຫຼາດ.