ຮອງລັດຖະມົນຕີກະຊວງປ້ອງກັນປະເທດຕ້ອນຮັບຜູ້ຕາງໜ້າຂອງປະທານາທິບໍດີອາເມລິກາ
ທ່ານພົນໂທ ຫງວຽນຈີ໋ວີ້ງ, ຮອງລັດຖະມົນຕີກະຊວງປ້ອງກັນປະເທດ, ໄດ້ໃຫ້ການຕ້ອນຮັບທ່ານ Evan Medeiros
ທ່ານພົນໂທ ຫງວຽນຈີ໋ວີ້ງ ແລະ ທ່ານ Evan Medeiros
(ພາບ: baomoi.com)
(vovworld) – ຕອນບ່າຍວັນທີ 14/7, ຢູ່ຮ່າໂນ້ຍ, ທ່ານພົນໂທ ຫງວຽນຈີ໋ວີ້ງ, ຮອງລັດຖະມົນຕີກະຊວງປ້ອງກັນປະເທດ, ໄດ້ໃຫ້ການຕ້ອນຮັບທ່ານ Evan Medeiros, ຜູ້ຕາງໜ້າຂອງທ່ານປະທານາທິບໍດີ ອາເມລິກາ ພວມມີການຢ້ຽມຢາມ ແລະ ເຮັດວຽກຢູ່ ຫວຽດນາມ. ພົນໂທ ຫງວຽນຈີ໋ວີ້ງ, ເນັ້ນໜັກວ່າ: ໃນຊຸມປີມໍ່ໆມານີ້, ການພົວພັນລະຫວ່າງ ຫວຽດນາມ ແລະ ອາເມລິກາ ມີການພັດທະນາຕາມທິດນັບມື້ນັບດີງາມ. 2 ປະເທດໄດ້ສ້າງຕັ້ງການພົວພັນຄູ່ຮ່ວມມືຮອບດ້ານ, ໃນນັ້ນການຮ່ວມມືດ້ານປ້ອງກັນຊາດມີບາດກ້າວພັດທະນາໃໝ່ໃນບັນດາຂົງເຂດຄື: ການຮ່ວມມືບຳລຸງສ້າງພະນັກງານ, ແລກປ່ຽນບົດຮຽນໜູນຊ່ວຍມະນຸດສະທຳ, ຮັບມືກັບໄພພິບັດທຳມະຊາດ, ຮັບປະກັນຄວາມສະຫງົບ ແລະ ຄວາມປອດໄພໃນການເດີນທະເລ... ທ່ານ Evan Medeiros, ເຫັນດີເປັນເອກະສັນໃນໄລຍະຈະມາເຖິງ, 2 ຝ່າຍຄວນເພີ່ມທະວີການຮ່ວມມືໃນຂົງເຂດຕ່າງໆຄື: ແບ່ງປັນຂໍ້ມູນຂ່າວ, ແລກປ່ຽນຄະນະທະຫານຂັ້ນສູງ, ປະຕິບັດບົດບັນທຶກຊ່ວຍຈຳດ້ານປ້ອງກັນຊາດ 2 ຝ່າຍເປັນຢ່າງດີ, ປະກອບສ່ວນຍົກສູງປະສິດທິຜົນການຮ່ວມມືປ້ອງກັນຊາດ, ຍູ້ໄວການແກ້ໄຂຜົນຮ້າຍຢ້ອນຫຼັງຈາກສົງຄາມຢູ່ ຫວຽດນາມ.