(vovworld) – ໃນລະຫວ່າງວັນທີ 15 – 19/6, ຄະນະປະຕິບັດງານກະຊວງພາຍໃນ ຫວຽດນາມ ໂດຍທ່ານ ຟ້າມຢູ້ງ, ຮອງລັດຖະມົນຕີ, ຫົວໜ້າຄະນະສະສາໜາລັດຖະບານ ນຳໜ້າ ໄປຢ້ຽມຢາມ ແລະ ເຮັດວຽກຢູ່ ເມກຊີໂກ ເພື່ອແນໃສ່ແລກປ່ຽນບົດຮຽນກ່ຽວກັບສາສະໜາ ແລະ ເພີ່ມທະວີສາຍພົວພັນມິດຕະພາບ ແລະ ການຮ່ວມມືຫຼາຍດ້ານລະຫວ່າງ ຫວຽດນາມ - ເມກຊີໂກ.
ທີ່ການເຮັດວຽກກັບທ່ານ Eugenio Lara Rugarcía, ເລຂາສະພາສັງຄະລາດ ເມກຊີໂກ ແລະ ທ່ານນາງ Mercedes Del Varmen Guillén Vicente, ຮອງລັດຖະມົນຕີກະຊວງພາຍໃນ ຮັບຜິດຊອບບັນດາບັນຫາຊົນເຜົ່າ, ອົບປະຍົບ ແລະ ສາສະໜາ ເມກຊີໂກ, ທ່ານຮອງລັດຖະມົນຕີ ຟ້າມຢູ້ງ ແຈ້ງໂດຍຫຍໍ້ກັບຝ່າຍ ເມກຊີໂກກ່ຽວກັບສະພາບການສາສະໜາຢູ່ ຫວຽດນາມ, ບັນດານະໂຍບາຍຂອງລັດ ຫວຽດນາມ ທີ່ມີຕໍ່ບັນດາສາສະໜາ, ບັນດາຈຸດພິເສດສະເພາະຂອງສາສະໜາປະເພດຕ່າງໆຂອງ ຫວຽດນາມ. ພາຍຫຼັງການເຮັດວຽກ, ຝ່າຍເມກຊີໂກ ໄດ້ຕີລາຄາສູງຄວາມຄືບໜ້າຫຼາຍຢ່າງຂອງນະໂຍບາຍກ່ຽວກັບສາສະໜາຂອງ ພັກ ແລະ ລັດ ຫວຽດນາມ, ຖືນັ້ນແມ່ນບົດຮຽນທີ່ມີຜົນປະໂຫຍດໃຫ້ບັນດາປະເທດຖືສາສະໜາຄຼິດຄື ເມກຊີໂກ ແລະ ໃຫ້ຄຳໝັ້ນສັນຍາຊຸກຍູ້ການແລກປ່ຽນບົດຮຽນ, ແລກປ່ຽນຄະນະຜູ້ແທນເພື່ອປະກອບສ່ວນຍົກສູງຄຸນນະພາບວຽກງານສາສະໜາຢູ່ແຕ່ລະປະເທດ, ປະກອບສ່ວນເຂົ້າໃນການປັບປຸງ ແລະ ເປີດກ້ວາງສາຍພົວພັນມິດຕະພາບ ແລະ ການຮ່ວມມືຫຼາຍດ້ານລະຫວ່າງ ຫວຽດນາມ ແລະ ເມກຊີໂກ.