(vovworld) - ໃນວາລະເຮັດວຽກຕອນບ່າຍວັນທີ 26/02, ບັນດາສະມາຊິກຄະນະປະຈຳສະພາແຫ່ງຊາດ ໄດ້ໃຫ້ຄຳເຫັນໃສ່ຮ່າງກົດໝາຍວ່າດ້ວຍງົບປະມານແຫ່ງລັດ (ສະບັບປັບປຸງ), ໃນນັ້ນສຸມໃສ່ປຶກສາຫາລືກ່ຽວກັບບັນດາຂໍ້ກຳນົດຈັດແບ່ງຂັ້ນຄຸ້ມຄອງງົບປະມານແຫ່ງລັດລະຫວ່າງສູນກາງ ແລະ ທ້ອງຖິ່ນ. ທ່ານປະທານສະພາແຫ່ງຊາດ ຫງວຽນຊິງຮຸ່ງ ຖືວ່າ, ເພື່ອຮັບປະກັນການຈັດແບ່ງຂັ້ນຄຸ້ມຄອງງົບປະມານແຫ່ງລັດລະຫວ່າງສູນກາງ ແລະ ທ້ອງຖິ່ນ, ສະພາແຫ່ງຊາດຄວນຮັບຮອງເອົາກົດໝາຍວ່າດ້ວຍງົບປະມານແຫ່ງລັດ (ສະບັບປັບປຸງ) ພາຍຫຼັງກົດໝາຍວ່າດ້ວຍອຳນາດການປົກຄອງທ້ອງຖິ່ນ.
ກ່ຽວກັບຂັ້ນຕອນງົບປະມານ, ມີຫຼາຍຄຳເຫັນໃນຄະນະປະຈຳກຳມາທິການ ການເງິນງົບປະມານ ສະເໜີໃຫ້ສະພາແຫ່ງຊາດຕົກລົງງົບປະມານຜ່ານກອງປະຊຸມ 2 ສະໄໝ. ໄລຍະທີ 1, ແມ່ນໃນກອງປະຊຸມກາງປີ, ສະພາແຫ່ງຊາດຈະຕົກລົງຮ່າງງົບປະມານ, ຍອດລາຍຮັບ, ລາຍຈ່າຍບົນພື້ນຖານນັ້ນ, ທີ່ກອງປະຊຸມທ້າຍປີ, ລັດຖະບານລາຍງານກ່ຽວກັບຄາດຄະເນລາຍຮັບ, ລາຍຈ່າຍ ເພື່ອສະພາແຫ່ງຊາດພິຈາລະນາຕົກລົງ.
ຕອນເຊົ້າວັນທີ 26/2, ຄະນະປະຈຳສະພາແຫ່ງຊາດ ໄດ້ປະກອບຄຳເຫັນກ່ຽວກັບແຜນນະໂຍບາຍລົງທຶນກໍ່ສ້າງໂຄງການທ່າອາກາດສະຍານສາກົນ ລອງແທ່ງ. ນີ້ແມ່ນໂຄງການມີຍອດເງິນລົງທຶນຫຼາຍ ແລະ ດຳເນີນໃນໄລຍະຍາວ, ດັ່ງນັ້ນບັນດາສະມາຊິກຂອງຄະນະປະຈຳສະພາແຫ່ງຊາດສະເໜີຄວນມີການຕີລາຄາຜົນສະທ້ອນຮອບດ້ານກ່ຽວກັບເສດຖະກິດ, ສັງຄົມ, ການປ້ອງກັນຊາດປ້ອງກັນຄວາມສະຫງົບ, ພິເສດແມ່ນຜົນກະທົບເຖິງງົບປະມານແຫ່ງລັດ ແລະ ໜີ້ສາທາລະນະ. ທ່ານ ຟູ່ງກວກຫຽນ, ຫົວໜ້າກຳມາທິການການເງິນ - ງົບປະມານ ສະເໜີເຮັດແກ່ກົນໄກການເງິນໃຫ້ໂຄງການນີ້ຢ່າງຈະແຈ້ງ:
“ປະຈຸບັນແມ່ນນຳໃຊ້ກົນໄກການເງິນໃດ, ສະໜອງທຶນຊ່ວຍເຫຼືອລ້າສຳລັບງົບປະມານງວມສູນ ຫຼື ນີ້ແມ່ນສະໜອງທຶນເພື່ອເຄື່ອນໄຫວຄືດັ່ງວິສາຫະກິດດຳເນີນທຸລະກິດ, ຫຼືແມ່ນທຶນ ODA ກູ້ຢືມມາຈະໃຫ້ກູ້ຢືມຄືນ. ໃນບົດລາຍງານເວົ້າແຈ້ງວ່າມີບັນດາບ້ວງເງິນນອກງົບປະມານ, ໃນນັ້ນບ້ວງເງິນໃດລັດຖະບານຕ້ອງອາລັກຂາ? ດັ່ງນັ້ນງົບປະມານແມ່ນເທົ່າໃດ ແລະ ສຸດທ້າຍແມ່ນປະສິດທິຜົນຄືແນວໃດ, ເກັບທຶນຄືນຄືແນວໃດ?”
ກ່ຽວກັບດ້ານສິ່ງແວດລ້ອມ, ທ່ານ ຟານຊວນຢູ້ງ, ຫົວໜ້າກຳມາທິການວິທະຍາສາດ, ເຕັກໂນໂລຢີ ແລະ ສິ່ງແວດລ້ອມ, ສະເໜີວ່າ:
“ຄວາມຕ້ອງການຂອງບົດລາຍງານຂໍແຜນນະໂຍບາຍລົງທຶນແມ່ນຕ້ອງລາຍງານ, ຕີລາຄາຜົນກະທົບເຖິງສິ່ງແວດລ້ອມ, ສະເໜີໃຫ້ລັດຖະບານເຮັດໃຫ້ຈະແຈ້ງຕື່ມອີກ ແລະ ຕ້ອງມີເນື້ອໃນນີ້ກ່ອນທີ່ຍື່ນສະເໜີຕໍ່ສະພາແຫ່ງຊາດຂໍລົງທຶນ. ທີສອງ, ນີ້ແມ່ນໂຄງການໃຫຍ່ ແລະ ຍາວນານ. ດັ່ງນັ້ນຕ້ອງມີບັນດາເນື້ອໃນກ່ຽວຂ້ອງເຖິງເຕັກໂນໂລຢີ, ການປະມູນ, ເລືອກເຟັ້ນເຕັກໂນໂລຢີ”