 ພິທີສະເຫຼີມສະຫຼອງວັນສະບຽງອາຫານໂລກ ຄັ້ງທີ 38 ແລະ 40 ປີ ແຫ່ງວັນເຄື່ອນໄຫວຂອງ ອົງການ FAO ປະຈໍາຫວຽດນາມ (ພາບ: Hoang Hung/TTXVN) |
ວັນສະບຽງອາຫານໂລກ ແລະ ເປົ້າໝາຍ ບໍ່ມີໄພອຶດຫິວ ກໍໄດ້ສະແດງໃຫ້ເຫັນເນື້ອໃນຈິດໃຈຂອງການພົວພັນຮ່ວມມືຢ່າງສໍາເລັດຜົນລະຫວ່າງ ອົງການ FAO ແລະ ລັດຖະບານຫວຽດນາມ ໃນຕະຫຼອດ 4 ທົດສະວັດຜ່ານມາ, ຊ່ວຍນໍາຫວຽດນາມ ຈາກປະເທດໜຶ່ງ ທີ່ນໍາເຂົ້າສະບຽງອາຫານ ກາຍເປັນປະເທດສົ່ງອອກເຂົ້າສານໄປທົ່ວໂລກ ແລະ ຮັບປະກັນຄວາມສາມາດຊົມໃຊ້ສະບຽງອາຫານ ທີ່ມີຄຸນນະພາບ, ຊ່ວຍໃຫ້ປະຊາຊົນມີຊີວິດການເປັນຢູ່ທີ່ຕັ້ງໜ້າ ແລະ ມີສຸຂະພາບເຂັ້ມແຂງ. ກ່າວຄໍາເຫັນທີ່ພິທີ, ທ່ານ ເລກັວກແຢວງ ຮອງລັດຖະມົນຕີກະຊວງກະສິກໍາ ແລະ ພັດທະນາຊົນລະບົດຫວຽດນາມ ຢັ້ງຢືນວ່າ:
“ບັນດານັກຄຸ້ມຄອງ, ນັກວາງແຜນນະໂຍບາຍຂອງບັນດາປະເທດ ແຕ່ຂັ້ນສູນກາງຕະຫຼອດຮອດຂັ້ນທ້ອງຖິ່ນ, ບັນດານັກລົງທຶນ, ວິສາຫະກິດ, ວົງຄະນະຍາດ ແລະ ຊາວກະສິກອນ ລ້ວນແຕ່ສາມາດຮ່ວມແຮງຮ່ວມໃຈປະກອບສ່ວນ ເພື່ອເປົ້າໝາຍອັນສູງສົ່ງນີ້. ຜ່ານການຜັນຂະຫຍາຍນະໂຍບາຍ, ປະຕິບັດບັນດາມາດຕະການດຶງດູດການລົງທຶນຢ່າງແຮງກວ່າອີກ ເພື່ອແນໃສ່ສ້າງລະບົບຜະລິດສະບຽງອາຫານແບບຍືນຍົງ,ເພີ່ມສະມັດຕະພາບ ແລະ ລາຍຮັບໃຫ້ແກ່ບັນດາຄອບຄົວຜະລິດກະສິກໍາຂະໜາດນ້ອຍ; ຫຼຸດຜ່ອນຜົນເສຍຫາຍ,ການສິ້ນເປືອງສະບຽງອາຫານ ແລະ ມຸ່ງໄປເຖິງເປົ້າໝາຍ “ບໍ່ມີໃຜຖືກປະໄວ້ຢູ່ທາງຫຼັງ” ແລະ ທຸກຄົນລ້ວນແຕ່ມີຂອງກິນຢ່າງພຽງພໍ, ບໍ່ປະໃຫ້ເດັກນ້ອຍ ທີ່ມີອາຍຸໜ້ອຍກວ່າ 2 ປີ ຖືກຂາດອາຫານ ແລະ ຈ່ອຍເຕ້ຍ”.
ນະທີ່ນີ້, ອົງການ FAO ໃຫ້ຄໍາໝັ້ນສັນຍາວ່າ ຈະໜູນຊ່ວຍຫວຽດນາມ ປະຕິບັດ ໂຄງການດໍາເນີນງານ ປີ 2030 ແລະ ໂຄງການ “ເພີ່ມທະວີການປະຕິບັດບັນດາເປົ້າໝາຍ ແລະ ມາດຖານພັດທະນາແບບຍືນຍົງ ກ່ຽວກັບ ວຽກເຮັດງານທໍາທີ່ໝັ້ນຄົງຢູ່ຫວຽດນາມ” (SDG), ພ້ອມກັນນັ້ນ, ອົງການ FAO ກໍຈະສະໜັບສະໜູນຕໍ່ບັນດາການປ່ຽນແປງຂອງຫວຽດນາມ, ລວມທັງບັນດາບັນຫາທີ່ມີລັກສະນະພາກພື້ນ ແລະ ທົ່ວໂລກ.
ພິທີດັ່ງກ່າວໄດ້ເນັ້ນໜັກເຖິງຄວາມສໍາຄັນຂອງບັນດາຄູ່ຮ່ວມມື ເພື່ອແນໃສ່ມຸ່ງໄປເຖິງເປົ້າໝາຍ ບໍ່ມີໄພອຶດຫິວ ຢູ່ຂອບເຂດທົ່ວໂລກ ແລະ ປະເທດ.