ປະຊາຊົນປາແລດສະຕີນຊົມເຊີຍໄຊຊະນະ
(ພາບ: .baomoi.com)
(vovworld) - ປາແລດສະຕິນ ສືບຕໍ່ໄດ້ຮັບຄຳອວຍພອນຈາກຫຼາຍປະເທດຢູ່ໃນໂລກ, ພາຍຫຼັງສະພາຄວາມໝັ້ນຄົງສະຫະປະຊາຊາດ (ສປຊ) ຮັບຮອງເອົາມະຕິຍົກລະດັບຂໍ້ກຳນົດໃຫ້ປາແລດສະຕິນ ຈາກ ”ນັກສັງເກດການຂຶ້ນເປັນລັດສັງເກດການ”
ກ່າວຄຳເຫັນທີ່ການປະຊຸມຂ່າວນັດສາມັນຢູ່ນະຄອນຫຼວງປັກກິງ ໃນວັນທີ 30/11, ໂຄສົກກະຊວງການຕ່າງປະເທດຈີນ, ໃຫ້ຮູ້ວ່າ: ປາແລດສະຕິນ ໄດ້ມານະພະຍາຍາມເພື່ອຍາດເອົາສິດຜົນປະໂຫຍດອັນຊອບທຳຂອງຕົນ. ປາແລດສະຕິນ ໄດ້ຮັບການສະໜັບສະໜູນຢ່າງຫຼວງຫຼາຍຈາກປະຊາຄົມໂລກ ແລະ ຈີນຂໍຝາດຄຳອວຍພອນເຖິງ ປາແລດສະຕິນ ທີ່ໄດ້ກາຍເປັນລັດສັງເກດການຢູ່ ສປຊ
ວັນທີ 30/11, ໂຄສົກກະຊວງການຕ່າງປະເທດຫວຽດນາມ ເລືອງແທງງີ້ ໄດ້ເວົ້າວ່າ, ຫວຽດນາມຊົມເຊີຍ ປາແລດສະຕິນ ເຊິ່ງໄດ້ຮັບຂໍ້ກຳນົດຈາກ ສປຊ ເປັນລັດສັງເກດການ ບໍ່ເປັນພາຄີ, ແລະ ຖີວ່ານີ້ແມ່ນຂີດໝາຍສຳຄັນໃນພາລະກິດຕໍ່ສູ້ອັນເປັນທຳຂອງປະຊາຊົນ ປາແລດສະຕິນເພື່ອບັນດາສິດອັນເປັນພື້ນຖານຂອງຊາດ, ໃນນັ້ນມີສິດສ້າງຕັ້ງລັດ ປາແລດສະຕິນເອກະລາດ, ມີອະທິປະໄຕ, ພ້ອມກັນຄົງຕົວໂດຍສັນຕິພ້ອມກັບລັດ ອິດສະຮາແອນ.
ໃນຂະນະນັ້ນ, ປະຕິກິລິຍາທຳອິດ ພາຍຫຼັງ ສປຊ ຍົກລະດັບຂໍ້ກຳນົດໃຫ້ ປາແລດສະຕິນ ຈາກນັກສັງເກດການຂຶ້ນເປັນລັດສັງເກດການນັ້ນ, ວັນທີ 30/11, ລັດຖະບານ ອິດສະຮາແອນ ໄດ້ຕົກລົງກໍ່ສ້າງເຮືອນ 3000 ຫຼັງຢູ່ Jerusalem ຕາເວັນອອກ ແລະ ເຂດຝັ່ງຕາເວັນຕົກແມ່ນ້ຳຈໍແດນ..