ຕອນເຊົ້າວັນທີ 11 ເມສາ, ຢູ່ຮ່າໂນ້ຍ, ສະຫະພັນການຄ້າ ແລະ ອຸດສາຫະກຳ ຫວຽດນາມ (VCCI) ໄດ້ສົມທົບກັບອົງການພັດທະນາສາກົນ ອາເມລິກາ(USAID) ໄດ້ປະກາດ ດັດຊະນີຄວາມສາມາດແກ້ງແຍ້ງຂັ້ນແຂວງ (PCI) ປີ 2022. ບົດລາຍງານ PCI 2022 ໄດ້ຮັບການສ້າງຂຶ້ນໂດຍອີງຕາມຂໍ້ມູນສ່ອງແສງຂອງວິສາຫະກິດເກືອບ 12.000 ແຫ່ງ ທີ່ພວມເຄື່ອນໄຫວຢູ່ ຫວຽດນາມ. ການສຳຫຼວດ PCI ອາດຖືວ່າແມ່ນການສຳຫຼວດວິສາຫະກິດປະຈຳປີ ທີ່ມີຂອບຂະໜາດໃຫຍ່ທີ່ສຸດ, ໄດ້ຮັບການປະຕິບັດຢ່າງພິຖີພິຖັນທີ່ສຸດຢູ່ ຫວຽດນາມ ໃນປັດຈຸບັນ, ສ່ອງແສງຄວາມຮູ້ສຶກຂອງປະຊາຄົມວິສາຫະກິດ ກ່ຽວກັບສະພາບແວດລ້ອມແຫ່ງການດຳເນີນທຸລະກິດຢູ່ ຫວຽດນາມ ໃນທຸກປີ.
ໄປຄຽງຄູ່ກັນນັ້ນ, ຕາຕະລາງຈັດອັນດັບຄວາມສາມາດດ້ານແກ້ງແຍ້ງຂອງບັນດາແຂວງ, ນະຄອນ, ບົດລາຍງານ PCI 2022 ຍັງສ່ອງແສງໃຫ້ເຫັນການຕີລາຄາຂອງບັນດານັກລົງທຶນຕ່າງປະເທດກ່ຽວກັບສະພາບແວດລ້ອມແຫ່ງການດຳເນີນທຸລະກິດຢູ່ ຫວຽດນາມ ໃນຫຼາຍແງ່ມູມ, ຄື: ການປະຕິບັດລະບຽບການ ລົງທຶນ, ພາສີ, ປະກັນສັງຄົມ, ທີ່ດິນ, ການນຳເຂົ້າສົ່ງອອກ, ຄຸນນະພາບແຮງງານ.