ແຂວງກຽນຢາງ (ພາບ:hoquocnam.blogspot.com) (vovworld) - ຕອນເຊົ້າວັນທີ 18/10, ຄະນະປະຕິບັດງານຂອງຄະນະເລຂາສູນກາງພັກກອມມູນິດຫວຽດນາມ ໂດຍທ່ານພົນໂທ Ngo Xuan Lich ເລຂາສູນກາງພັກ, ຫົວໜ້າກົມໃຫ່ຍການເມືອງກອງທັບປະຊາຊົນຫວຽດນາມ ນຳໜ້າໄດ້ມີການເຮັດວຽກກັບຄະນະພັກແຂວງ ກຽນຢາງ ກ່ຽວກັບການປະຕິບັດຄຳສັ່ງເລກທີ 03 ຂອງກົມການເມືອງກ່ຽວກັບການສືບຕໍ່ຍູ້ແຮງການຮ່ຳຮຽນ ແລະ ປະຕິບັດຕາມແບບຢ່າງຄຸນສົມບັດປະທານໂຮ່ຈິມິນ. ຜ່ານໄລຍະເວລາ 3 ປີໄດ້ປະຕິບັດຄຳສັ່ງເລກທີ 03 ຂອງກົມການເມືອງ, ອົງຄະນະພັກຂັ້ນແຕ່າງໆຂອງແຂວງກຽນຢາງ ໄດ້ຊາບຊືມຢ່າງເຂັ້ມງວດຂໍ້ກຳນົດຂອງຄະນະເລຂາກ່ຽວກັບຄວາມຮັບຜິດຊອບເປັນແບບຢ່າງຂອງພະນັກງານຫຼັກແຫຼ່ງ. ຫຼາຍແຫ່ງໄດ້ມີວິທີປະຕິບັດທີ່ດີ, ມີບັນດາຮູບແບບ, ແບບຢ່າງດີເດັ່ນໃໝ່ໃນການຮ່ຳຮຽນ ແລະ ປະຕິບັດຕາມແບບຢ່າງຄຸນສົມບັດປະທານໂຮ່ຈິມິນ. ທີ່ການເຮັດວຽກ, ທ່ານພົນໂທ Ngo Xuan Lich ໄດ້ຕີລາຄາສູງບັນດາຄວາມມານະພະຍາຍາມຂອງແຂວງໃນການຜັນຂະຫຍາຍຄຳສັ່ງເລກທີ 03 ຂອງກົມການເມືອງ, ໃນນັ້ນໄດ້ຫັນ 8 ກຸ່ມບັນຫາທີ່ໃກ້ຊິດກັບສະພາບການຂອງທ້ອງຖິ່ນເປັນລະອຽດ, ຖອດຖອນບົດຮຽນເທື່ອລະກ້າວ ແລະ ທະວີຄູນຂະບວນການອອກສູ່ວົງກ້ວາງ. Từ khóa: ກຽນຢາງ ຄຳສັ່ງເລກທີ 03