(ພາບປະກອບ)
(vovworld) - ສັນຍາການຄ້າເສລີທີ່ໃກ້ຈະລົງນາມລະຫວ່າງ ຫວຽດນາມ ກັບ ອີຢູ ຈະນຳມາເຊິ່ງບັນດາໂອກາດຍິ່ງໃຫຍ່ ແຕ່ສິ່ງທ້າທາຍກໍບໍ່ນ້ອຍ. ແລະ ຫວຽດນາມ ຕ້ອງມີການກະກຽມເປັນຢ່າງດີ ເພື່ອກຳໄດ້ບັນດາໂອກາດນີ້. ນັ້ນແມ່ນຄຳຢືນຢັນຂອງທ່ານເອກອັກຄະລັດຖະທູດ ເວືອງເທື່ອຟອງ, ພົວໜ້າຄະນະຜູ້ຕາງໜ້າ ຫວຽດນາມ ຢູ່ ສະຫະພາບ ເອີລົບ (ອີຢູ) ເມື່ອຕອບສຳພາດນັກຂ່າວວິທະຍຸກະຈາຍສຽງ ຫວຽດນາມ ປະຈຳ ຝຼັ່ງ.
ຕາມທ່ານເອກອັກຄະລັດຖະທູດ ເວືອງເທື່ອຟອງ, FTA ລະຫວ່າງ ຫວຽດນາມ ແລະ ອີຢູ ແມ່ນສັນຍາຮອບດ້ານທີ່ສຸດ ຊຶ່ງ ຫວຽດນາມ ເຊັນກັບຕ່າງປະເທດ, ລວມມີທັງໝົດຂົງເຂດຢ່າງກ້ວາງຂວາງຄື: ການລົງທຶນ, ການຄ້າ…ຍ້ອນເຫດຜົນນັ້ນ, ຈະມີຄວາມແກ່ງແຍ່ງຢ່າງຂ້ຽວຂາດ, ທັງເປັນສິນຄ້າທີ່ມີທ່າແຮງຄື: ຜະລິດຕະພັນກະເສດ, ສະບຽງອາຫານ…ທ່ານເອກອັກຄະລັດຖະທູດ ເວືອງເທື່ອຟອງ ໃຫ້ຮູ້ວ່າ:
“ ຖ້າຫາກສິນຄ້າຂອງພວກເຮົາມີຄຸນນະພາບຕ່ຳ ກໍ່ອາດຈະຖືກປັດເຂ່ຍ ແລະ ສູນເສຍຕະຫລາດພາຍໃນປະເທດສຳລັບບັນດາປະເພດສິນຄ້າຄື: ຊີ້ນ, ນ້ຳນົມ, ຜັກໝາກໄມ້. ບັນດາປະເພດສິນຄ້ານີ້ຂອງ ອີຢູ ອາດຈະມີທ່າແຮງ ແລະ ຜູ້ບໍລິໂພກ ຫວຽດນາມ ຈະນິຍົມສິນຊົມໃຊ້ຄ້າຂອງ ອີຢູ ຖ້າຕຸນນະພາບຂອງ ຫວຽດນາມ ບໍ່ເທົ່າກັນ. ນອກຈາກນັ້ນ, ສັນຍານີ້ ກໍຮຽກຮ້ອງຝ່າຍ ຫວຽດນາມ ຕ້ອງປັບປຸງນະໂຍບາຍ, ບັນດາຂໍ້ກຳນົດໃຫ້ເມາະສົມ.”