VOVWORLD_គណៈកម្មាធិការគ្រប់គ្រងវិថីបុរាណក្រុងហាណូយទើបនឹង
សហការជាមួយក្រុមវិចិត្រករមជ្ឈមណ្ឌល UNESCO វិចិត្រសិល្បៈហាណូយបើក
ពិពណ៌ក្រោម​ប្រធានបទផ្កាឈូកនៅមជ្ឈមណ្ឌលប្រាស្រ័យវប្បធម៌វិថីបុរាណហា
ណូយ។ប្រធានបទផ្កាឈូកនេះផ្សាភ្ជាប់ជាមួយរូបភាពលោកប្រធានហូជីមិញនិង
ប្រទេសវៀតណាម។

        នៅពិពណ៌នេះមានតាំងបង្ហាញស្នាដៃចំនួន៤២របស់វិចិត្រករ៤នាក់ដែល
ប្រកបការងារនៅមជ្ឈមណ្ឌល UNESCO វិចិត្រសិល្បៈហាណូយរួមមានលោក 
Vu Tuyen អ្នក​ស្រី Phan Thi Thanh Mai លោក Dang Dinh Ngo និងលោកBui
 Trong Du។ គំនូរ​នីមួយៗ​ជាការសំឡឹងមើលដោយឡែកដោយនាំមកជូនទ
ស្សនិកជននូវបរិយាកាសពោរពេញទៅដោយពណ៌ចំរុះដើម្បីចាប់អារម្មណ៍អំពី
សោភ័ណភាពនៃផ្កាឈូក។ តាមវិចិត្រករ Vu Tuyenឲ្យដឹងថាលោកជក់ចិត្តនឹង
ការគូររូបផ្កាឈូកហាក់ដូចជាមាននិស្ស័យតាំងពីជាតិមុន។ ពេលកាន់ជក់
ម្ដងៗលោកតែងតែគិតដល់ផ្កាឈូក។ គិតរហូរមកដល់ពេលនេះលោកបាន
គូរគំនូរផ្កាឈូកចំនួន១០០០ផ្ទាំង។ នៅការតាំងពិពណ៌លើកនេះលោកយក
គំនូរចំនួន១៦ផ្ទាំងមកឧទ្ទេសនាមជាមួយទស្សនិកជន។ វិចិត្រករ Vu
Tuyenបានចែក​រំលែក​ថា

   “ ក្នុងឱកាសរំលឹកទិវាកំណើតរបស់លោកប្រធានហូជីមិញគឺប្រធានបទ
ផ្កាឈូក​មាន​ភាពសមស្របបំផុត។ ព្រោះថាផ្កាឈូកជានិមិត្តរូបនៃសេចក្ដី
ថ្លៃថ្នូហើយតាម​រយៈ​នោះស្ដែងឡើងបុគ្គលិកលក្ខណៈដ៏ខ្ពង់ខ្ពស់ឧត្តុងឧត្តម
របស់លោកប្រធានហូជីមិញ”។

        កម្រងគំនូរ”រដូវស្នេហ៍”របស់វិចិត្រករ Vu Tuyenដែលមាន១៦ផ្ទាំងហើយ
បាន​យក​មក​ដាក់តាំងនៅពិព័រណ៍នេះបានបង្កការចាប់អារម្មណ៍យ៉ាងខ្លាំង
ចំពោះអ្នកទស្សនា។ ​គំនូរផ្កាឈូកនានាបានរំលេចចេញបរិយាកាសខៀវ
ស្រងាត់នៃបឹងឈូកហើយធ្វើឲ្យទស្សនិកជននឹកគិតដល់សម្រស់ស្រស់ស្អាត
របស់ប្រភេទផ្កាពិសេសមួយនេះ។វិចិត្រករ Vu Tuyenបានសំណេះសំណាលថា

“ ចំពោះខ្ញុំ គំនូរមួយផ្ទាំងសុទ្ធតែបង្ហាញនូវអារម្មណ៍របស់មនុស្ស។ ផ្កា
ឈូកជារូបភាពដែលខ្ញុំឆ្លុះបញ្ចាំងនូវព្រលឹងរបស់មនុស្សហើយសុំឲ្យមនុស្ស
គ្រប់រូបចូររាប់អានស្រលាញ់គ្នា“។

គំនូរផ្កាឈូកនានាបានរំលេចចេញបរិយាកាសខៀវស្រងាត់នៃបឹងឈូក

        វិចិត្រករស្រី្តតែមួយនាក់គតនៅពិព័រណ៍នេះគឺអ្នក​ស្រី Phan Thi Thanh
Mai។ ​ស្នាដៃ​​​គំនូររបស់អ្នក​ស្រីដែលបានយកមកតាំងបង្ហាញនៅទិនេះ​សុទ្ធតែ
ជាគំនូរ​ប្រេង។​ប្រធានបទនៃស្នាដៃទាំងនេះរួមមាន ផ្កាឈូកក្នុងសួន បឹងឈូក
​ ឈូករដូវក្ដៅ ​ឈូក​នាខែឧសភា និង ផ្កាឈូកជាមួយក្រមុំ។ គំនូរទាំងអស់នេះ
សុទ្ធតែបង្ហាញនូវភាពស្រស់ស្អាត​ហើយពោរពេញទៅដោយមនោសញ្ចេតនា។ 
តាមបណ្ឌិត Nguyen Van Huy នាយករងមជ្ឈមណ្ឌលសា្រវជ្រាវនិងពង្រីកតំលៃ
បេតិកភ័ណ្ឌវប្បធម៌បានចែករំលែកថា

   “ ខ្ញុំបានទស្សនាគំនូរផ្កាឈូកទាំងអស់នៅពិពណ៌នេះហើយសង្កេតឃើញ
ថា​វណ្ណកម្មទាំងនេះសំបូរបែបណាស់ដោយបានបង្ហាញនូវមនោសណ្ចេតនារបស់
ក្រុមវិចិត្រករចំពោះផ្កាឈូក។ កម្រងគំនូរផ្កាឈូកបានធ្វើឲ្យទស្សនិកជនមាន
ចំណាប់អារម្មណ៍យ៉ាងខ្លាំង ជាពិសេសជនវៀតណាមគ្រប់រូបសុទ្ធតែផ្សាភ្ជាប់
រូបភាពផ្កាឈូកជាមួយលោកប្រធានហូជីមិញ ”។

          តាមរយៈការតាំងពិពណ៌ក្រោមប្រធានបទផ្កាឈូករបស់វិចិត្រករ៤រូ
បនេះជាការពិតទស្សនិកជននឹងមានការរំជួលចិត្តអំពីក្រុងហាណូយ អំពី
ផ្កាឈូក ហើយទើបយល់ថាជនវៀតណាមស្រលាញ់ឈូកយ៉ាងណា៕