 |
| សាស្ត្រាចារ្សបណ្ឌិត Vu Van Hien អនុប្រធានក្រុមប្រឹក្សាទ្រឹស្តីមជ្ឈឹម (VOV) |
Vovworld-រដ្ឋធម្មនុញ្ញនៃសាធារណៈរដ្ឋសង្គមនិយមវៀតណាម(ធ្វើវិសោធន
កម្មនាឆ្នាំ២០១៣) លើកច្បាស់ថា “សាធារណៈរដ្ឋសង្គមនិយមវៀតណាមជារដ្ឋ
ដោយប្រជាជនជាម្ចាស់ សិទ្ធិអំណាចរដ្ឋទាំងអស់ចំណុះប្រជាជនមូលគ្រឹះជា
សម្ព័ន្ធភាពរវាងវណ្ណកម្មករវណ្ណកសិករនិងជួរបញ្ញាវ័ន្ត”។
បើពិនិត្យលើវិស័យទ្រឹស្តីនិងការពិតជាក់ស្ដែង ការដែលរដ្ឋធម្មនុញ្ញ(ធ្វើ
វិសោធនកម្មឆ្នាំ២០១៣) អះអាងថា សិទ្ធិអំណាចរដ្ឋទាំងអស់ចំណុះប្រជាជន
ដោយឈរលើមូលដ្ឋានយ៉ាងរឹងមាំ។
សិទ្ធិអំណាចរដ្ឋទាំងអស់សុទ្ធតែចំណុះប្រជាជន
ក្នុងអំឡុង៨៣ឆ្នាំដឹកនាំប្រជាជាតិទាំងមូលដំណើរការបដិវត្តន៍រំដោះជាតិនិង
កសាងលិទ្ធិសង្គមនិយម មេរៀនប្រវត្តិសាស្ត្រដ៏ជ្រាលជ្រៅដែលបក្សកុម្មុយនីស្ត
វៀតណាមដកចេញបានគឺ បដិវត្តន៍ជាបុព្វហេតុរបស់ប្រជាជន ដោយប្រជាជននិង
ដើម្បីប្រជាជន។
លោកប្រធានហូជីមិញ អគ្គមគ្គុទេសដ៏ឈ្លាសវៃរបស់ប្រជាជាតិ ជានិច្ចកាលអះអាងនូវសតិអារម្មណ៍ “យកប្រជាជនជាឬសគល់” ដោយហេតុនេះ ក្រៅពីដណ្ដើម
បានរដ្ឋអំណាចបង្កើតរដ្ឋថ្មីនោះ រដ្ឋនោះជារដ្ឋរបស់ប្រជាជនដោយប្រជាជននិង
ដើម្បីប្រជាជន។
ក្នុង “កម្មវិធីនយោបាយកសាងប្រទេសជាតិក្នុងអន្តរកាលឡើងលិទ្ធិសង្គមនិយម
នាឆ្នាំ១៩៩១” គោលដៅចាត់តាំងរបស់រដ្ឋត្រូវបានកំណត់ថា “រដ្ឋវៀតណាម ឯកភាព
លើសិទ្ធិចំនួន៣ គឺសិទ្ធិនិតិបញ្ញត្តិ សិទ្ធិនិតិប្រតិបត្តិនិងសិទ្ធិអំណាចតុលាការហើយ
សិទ្ធិទាំងបីនេះមានការបែងចែកដ៏ច្បាស់លាស់”។ សេចក្តីសម្រេចចិត្តនៃ មហា
សន្និបាតលើកទី៩របស់បក្សកម្មុយនិស្តវៀតណាមបានអះអាងថា រដ្ឋវៀតណាម
ជានីតិរដ្ឋ សង្គមនិយមរបស់ប្រជាជន ដោយប្រជាជននិងដើម្បីប្រជាជន។ បន្ទាប់
មក នៅ មហាសន្និបាតបក្សលើកទី១១ បានអនុម័តលើ កម្មវិធីនយោបាយកសាង
ប្រទេសជាតិក្នុងសម័យអន្តរកាលឈានឡើងលិទ្ធិសង្គមនិយម(បំពេញបន្ថែម
អភិវឌ្ឍន៍នាឆ្នាំ២០១១)ដោយបន្តអះអាងថា “វៀតណាមជាប្រទេសនីតិរដ្ឋសង្គម
និយម របស់ប្រជាជន ដោយប្រជាជន និងដើម្បីប្រជាជន”។
ដោយហេតុនេះ ការកំណត់សិទ្ធកំពូលរបស់រដ្ឋវៀតណាមចំណុះប្រជាជន ជាគោលជំហឥតប្រែប្រួលបស់បក្សកុម្មុយនិស្តវៀតណាម។
កំណត់សិទ្ធអំណាចរបស់ប្រជាជនក្នុងរដ្ឋធម្មនុញ្ញ
ក្នុងបណ្តាជំពូក មាត្រារបស់រដ្ឋធម្មនុញ្ញ ខ្លឹមសារទូទៅ នឹងលេចធ្លោនោះគឺ
សិទ្ធិអំណាចរបស់រដ្ឋគឺចំណុះប្រជាជន មានន័យថា សិទ្ធអំណាចរបស់រដ្ឋ លើ
គ្រប់វិស័យសុទ្ធតែមានគោលដៅរួមគឺបំរើប្រជាជន ដោយប្រជាជនប្រគល់សិទ្ធិ។ ទាំងអស់នេះជាមូលដ្ឋានរឹងមាំ ដើម្បីរាំងស្កាត់រាល់កត្តាជ្រុលនិយម ខ្វះការទទួល
ខុសត្រូវរបស់ស្ថាប័ននានាឬបុគ្គលដែលប្រជាជនប្រគល់សិទ្ធិក្នុងការអនុវត្តការ
ងារ។
ដោយឈរលើទស្សនៈមុនក៏ដូចជាក្រោយសិទ្ធិអំណាចរដ្ឋចំណុះប្រជាជន
រដ្ឋធម្មនុញ្ញបានកំណត់ច្បាស់រាល់ការងារជាក់ស្ដែងដែលប្រជាជនអនុវត្តសិទ្ធិ
អំណាចរបស់ខ្លួន។ នោះជាការជ្រើសតាំងសមាជិកសភាដោយផ្ទាល់។ សមាជិក
សភាដោយប្រជាជនជ្រើសតាំងនឹងត្រូវបានប្រជាជនឃ្លាំមើលវាយតំលៃ។
រដ្ឋធម្មនុញ្ញក៏បង្ហាញច្បាស់សិទ្ធិសំរេចសិទ្ធិចូលរួមមតិរបស់ប្រជាជនដើម្បីសំរេចរាល់បញ្ហាទាក់ទងចំពោះវាសនារបស់ប្រទេសជាតិរឺតាមការសំរេចចិត្តធ្វើប្រជាមតិរបស់រដ្ឋសភាដោយគណៈកម្មាធិការអចិន្ត្រៃយ៍រដ្ឋសភារៀបចំអនុវត្ត។
យន្តការអនុវត្តសិទ្ធិអំណាចរបស់ប្រជាជន
ការអនុវត្តសិទ្ធិអំណាចរបស់ប្រជាជនប្រកបដោយប្រសិទ្ធភាពគឺការអនុវត្តល្អ
បែបបទ “បក្សដឹកនាំ ប្រជាជនធ្វើម្ចាស់ រដ្ឋគ្រប់គ្រង”។
តាមយន្តការនេះ ប្រជាជនធ្វើម្ចាស់ត្រូវជាកត្តាសមខាន់ បក្សនិងរដ្ឋមិននៅក្រៅ
ពីក្របខ័ណ្ឌប្រជាជនឡើយ។
ដើម្បីអនុវត្តគោលការណ៍ “ប្រភពកំលាំងទាំងអស់ក្នុងសង្គមនិងរបស់រដ្ឋសុទ្ធតែ
ចំណុះប្រជាជន”នោះ ត្រូវធានាលក្ខណៈខាងសម្ភារៈវប្បធម៍សង្គមនៅកំរិតអភិវឌ្ឍន៍
ពិតប្រាកដនិងត្រូវលើកកំពស់ការយល់ដឹងរបស់ប្រជាជន។ នោះគឺជាការធានាឲ្យ
ជីវភាពរស់នៅខាងសម្ភារៈនិងស្មារតីរបស់ប្រជាជនបានកែលំអរដោយយឥតឈប់
ឈរ សុខុមាលភាពសង្គមចីរភាព ប្រជាជននៅគ្រប់ដំបន់ទទួលបានការយកចិត្តទុក
ដាក់ ជនជាតិទាំងឡាយសុទ្ធតែមានសមភាព។
ដោយចំណេះដឹងរបស់ប្រជាជនកាន់តែបានលើកកំពស់ពីមួយថ្ងៃទៅមួយថ្ងៃ
និងលក្ខណៈសេដ្ឋកិច្ចនយោបាយវប្បធម៍សង្គមមានការអភិវឌ្ឍន៍នោះ សិទ្ធិអំណាចប្រជាជននឹងបានពង្រីក។ គោលដៅប្រជាជនសម្បូរធូធាប្រទេសជាតិខ្លាំងមាំមួនប្រជាធិបតេយ្យសមភាពអរិយ្យធម៍ត្រូវបានអនុវត្តយ៉ាងល្អប្រសើរជាពិតប្រាកដ៕