(VOV)_បញ្ហាបង្ការប្រឆាំងអំពើពុករលួយ និងតម្លាភាវូបនីយកម្មជាការយកចិត្ត
ទុកដាក់ជួរមុខ របស់ប្រទេសនីមួយៗ និងនេះក៏ជាខ្លឹមសារមួយដែលបានលើកយក
មកពិភាក្សាក្នុងក្របខ័ណ្ឌកិច្ចប្រជុំ នៃសន្និសីទមន្ត្រីជាន់ខ្ពស់ APEC លើកទី១ (SOM1)
ដែលបានប្រព្រឹត្តទៅនៅទីក្រុង Nha Trang ខេត្ត Khanh Hoa(ភាគកណ្ដាលវៀតណាម)។
នៅទីនេះ គំនិតថ្មីជាច្រើនស្ដីអំពីការចូលរួមរបស់សង្គមក្នុងការងារបង្ការប្រឆាំងអំ
ពើពុករលួយ របស់ប្រទេសម្ចាស់ផ្ទះវៀតណាម ទទួលបានការគាំទ្រយ៉ាងខ្លាំងពីដំណាង
ខឿនសេដ្ឋកិច្ចជាសមាជិកនានា។
 |
| លោក Nguyen Van Thanh អគ្គនាយករង អធិការកិច្ចរដ្ឋាភិបាលវៀតណាមពិភាក្សាជាមួយដំណាងនានា (Thái Bình - VOV) |
អំពើពុករលួយជាបទល្មើសគ្មានព្រំដែន។ ក្នុងសភាពការណ៍ធ្វើសមាហរណកម្ម
សេដ្ឋកិច្ចសកល នាបច្ចុប្បន្ន បទល្មើសអំពើពុករលួយអាចគំរាមកំហែងដល់ស្ថិរភាព
សុខុមាលភាពសង្គម រំលោភបែបបទ និងតំលៃប្រជាធិបតេយ្យ តំលៃអំពីសីលធម៌
យុត្តិធម៌ រារាំងការអភិវឌ្ឍន៍ចីរភាព និងគោលការណ៍ នីតិរដ្ឋ។ ដូច្នេះ ចំពោះប្រទេស
នីមួយៗ ការងារបង្ការប្រឆាំងអំពើពុករលួយ ជាភារកិច្ចសំខាន់ ប្រចាំនិងបន្ទាន់។
ជំរុញការចូលរួមរបស់សង្គមក្នុងការងារបង្ការប្រឆាំងអំពើពុករលួយ
ដូច្នេះ សិក្ខាសាលាស្ដីអំពីការជំរុញតួនាទីរបស់សង្គម ក្នុងការងារបង្ការប្រឆាំងអំ
ពើពុករលួយ ជាសកម្មភាពដើមដំបូង ដែលបានរៀបចំឡើង ក្នុងក្របខ័ណ្ឌ APEC
ដោយវៀតណាមជាអធិបតី។ ប្រការនេះទទួលបានការយកចិត្តទុកដាក់ជាច្រើនពី
ដំណាងខឿនសេដ្ឋកិច្ចនានា។
នៅទីនេះ ដំណាងវៀតណាម លោក Nguyen Van Thanh អគ្គនាយករង អធិ
ការកិច្ចរដ្ឋាភិបាលវៀតណាម បានចាត់ទុកថា៖បង្កើនការចូលរួមរបស់សង្គមក្នុង
ការងារបង្ការប្រឆាំងអំពើពុករលួយ ជំរុញការចូលរួមរបស់ប្រជាជន សហគ្រាស ក្នុង
ការងារបង្ការប្រឆាំងអំពើពុករលួយនោះនឹងរួមចំណែកកសាងបរិយាកាសអាជីវកម្ម
វិនិយោគតម្លាភាព ស្អាតស្អំ៖
“ ជំរុញតួនាទីរបស់ប្រជាជននិងសហគមន៍អាជីវករ តភ្ជាប់ជាមួយគោលដៅ
ស្នូលរបស់ APEC គឺជំរុញពាណិជ្ជកម្ម និងវិនិយោគ រវាងខឿនសេដ្ឋកិច្ចជាសមាជិក
នានា។ ដូច្នេះ បរិយាកាសអាជីវកម្មតម្លាភាព ស្អាតស្អំជាគោលបំណងរួម របស់ភាគី
ទាំងឡាយ។“
ឯកភាពជាមួយទស្សនះនេះ លោក Pham Trong Dat ប្រធាន នាយកដ្ឋាន
បង្ការប្រឆាំងអំពើពុករលួយ អធិការកិច្ចរដ្ឋាភិបាល បានអះអាងថា៖ នៅវៀតណាម
រដ្ឋាភិបាលកំពុងខំប្រឹងប្រែងតស៊ូប្រឆាំងនឹងបទល្មើសនេះ និងនាពេលថ្មីៗនេះ
បានបង្កើតក្រុមអ្នកជំនាញទទួលព័ត៌មាន ដែលទាក់ទិនដល់អំពើពុករលួយ។ លោក
Pham Trong Dat បានអោយដឹងថា៖
“ ការបង្កើតក្រុមនេះ ដោយមានគ្រប់គ្រាន់បទបញ្ញត្តិ ភារកិច្ចច្បាស់លាស់។
ក្រុមនេះបានប្រមូលផ្តុំ ទទួលព័ត៌មានក្រប់ប្រភេទ ហើយពីនោះនាំចេញដំណោះ
ស្រាយទាន់ពេលវេលា។”
ជំរុញការសន្យាបង្ការប្រឆាំងអំពើពុករលួយក្នុង APEC
ក្នុងសភាពការណ៍នាបច្ចុប្បន្ននេះ ការងារបង្ការប្រឆាំងអំពើពុករលួយមិន
គ្រាន់តែជាការងាររបស់រដ្ឋ ឬរបស់រដ្ឋាភិបាលតែប៉ុណ្ណោះទេ ថែមទាំងជាភារកិច្ច
របស់សង្គមទាំងមូលទៀតផង។ ដោយមានគំនិតរៀបចំសិក្ខាសាលាលើកដំបូងស្ដី
អំពីការងារជំរុញតួនាទីរបស់សង្គមក្នុងការងារបង្ការប្រឆាំងអំពើពុករលួយក្នុង
ក្របខ័ណ្ឌ APEC វៀតណាមមានគោលបំណង៖ បានរួមវិភាគទានយ៉ាងសកម្ម
ជំរុញការអនុវត្តកិច្ចសន្យាស្ដីអំពីការបង្ការប្រឆាំងអំពើពុករលួយ ក្នុង APEC ដែល
បានបណ្ដាថ្នាក់ដឹកនាំ APEC អនុម័តមុននេះ ។លោក Phan Van Sau អគ្គអធិ
ការកិច្ចរដ្ឋាភិបាលវៀតណាម បានអះអាងថា៖
“ លទ្ធផលនៃសិក្ខាសាលានេះ ជាមូលដ្ឋានដំបូង ដើម្បីក្រុមការងារបង្ការប្រ
ឆាំងអំពើពុករលួយ និងធានាតម្លាភាពរបស់ APEC ស្រាវជ្រាវអនុវត្ត។តាមនោះ
កសាងឯកសារកំណត់ និងណែនាំការអនុវត្តដើម្បីធានាការចូលរួមប្រកបដោយប្រសិទ្ធភាព សុវត្ថិភាពរបស់សង្គម។”
ការផ្តើមគំនិតស្ដីអំពីការចូលរួមរបស់សង្គម ក្នុងការងារបង្ការប្រឆាំងអំ
ពើពុករលួយ របស់ប្រទេសម្ចាស់ផ្ទះវៀតណាម នៅរបៀបវារះ របស់សន្និសីទ APEC
លើកនេះ នឹងរួមចំណែកអនុវត្តជាក់ស្ដែង ដើម្បីសមាជិក APEC បន្តជួយឧបត្ថម្ភ
លើកកំពស់ប្រសិទ្ធភាពកិច្ចសន្យាបង្ការប្រឆាំងអំពើពុករលួយ ជំរុញកិច្ចសហប្រ
តិបត្តិការអន្តរជាតិដើម្បីលុបបាត់ជំរកសុវត្ថិភាពរបស់ជនប្រព្រឹត្តអំពើពុក
រលួយនិងបណ្ដាញជួញដូរខុសច្បាប់ឆ្លងដែនក្នុងតំបន់ទាំងមូល៕