ឧបនាយករដ្ឋមន្ត្រី លោក Le Minh Khai បានចូលរួមនិងថ្លែងមតិនៅក្នុងសន្និសីទអនាគតអាស៊ីលើកទី ២៩

Chia sẻ

(VOVWORLD) - នាព្រឹកថ្ងៃទី ២៣ ឧសភា តបតាមការអញ្ជើញរបស់ប្រធាន និងជាអគ្គនាយកក្រុមហ៊ុន Nikkei Group លោក Tsuyoshi Hasebe ឧបនាយករដ្ឋមន្ត្រីវៀតណាម លោក Le Minh Khai បានអញ្ជើញចូលរួម និងថ្លែងសុន្ទរកថាសំខាន់នៅសន្និសីទអនាគតអាស៊ីលើកទី ២៩ ក្រោមប្រធានបទ “តួនាទីភាពជាអ្នកដឹកនាំរបស់អាស៊ីក្នុងពិភពលោកមួយមិនប្រាកដប្រជា” នៅទីក្រុងតូក្យូ ប្រទេសជប៉ុន។

ឧបនាយករដ្ឋមន្ត្រី លោក Le Minh Khai បានចូលរួមនិងថ្លែងមតិនៅក្នុងសន្និសីទអនាគតអាស៊ីលើកទី ២៩ - ảnh 1ឧបនាយករដ្ឋមន្ត្រី Le Minh Khai អញ្ជើញថ្លែងក្នុងសន្និសីទ (រូបថត៖ TTXVN)

ដោយមានសារថា វៀត ណាមគឺជាផ្នែកមួយនៃ “មហាគ្រួសារអាស៊ី” លោកឧបនាយករដ្ឋមន្ត្រី Le Minh Khai បានសម្តែងនូវបំណងចង់លើកកំពស់តួនាទីរបស់ខ្លួនជា “មិត្តល្អ ដៃគូដែលអាចទុកចិត្តបាន និងជាសមាជិកដែលមានទំនួលខុសត្រូវ” នៃតំបន់ និងសហគមន៍អន្តរជាតិ។ លោកឧបនាយករដ្ឋមន្ត្រីជឿជាក់ថា ជាមួយនឹងគុណតម្លៃជាមូលដ្ឋាននៃភាពសម្បូរបែប ថាមវន្ត និងខ្លួនទីពឹងខ្លួន អាស៊ីនឹងបន្តបោះជំហានទៅមុខ បន្តសរសេរឡើងរឿងដ៏រុងរឿង និងបំពេញបេសកកម្មរបស់ខ្លួនក្នុងសតវត្សទី ២១នេះ។

ឈរលើមូលដ្ឋានទំនាក់ទំនង “ភាពជាដៃគូយុទ្ធសាស្ត្រលើគ្រប់ជ្រុងជ្រោយដើម្បីសន្តិភាព និងវិបុលភាពនៅអាស៊ី និងពិភពលោក” លោកឧបនាយករដ្ឋមន្ត្រីបានស្នើថា សហគមន៍ធុរកិច្ចនៃប្រទេសទាំងពីរធ្វើសកម្មភាពយ៉ាងសកម្មនូវក្របខ័ណ្ឌភាពជាដៃគូថ្មី ជំរុញទំនាក់ទំនងសេដ្ឋកិច្ច កិច្ចសហប្រតិបត្តិការ ធានាបាននូវសន្តិសុខសេដ្ឋកិច្ច និងការកសាងខ្សែសង្វាក់ផ្គត់ផ្គង់ប្រកបដោយស្ថិរភាព៕

ប្រតិកម្មទៅវិញ