យោងតាមឯកអគ្គរដ្ឋទូត លោកស្រី Le Thi Tuyet Mai ប្រធានគណៈប្រតិភូវៀតណាមប្រចាំនៅអង្គការសហប្រជាជាតិ អង្គការពាណិជ្ជកម្មពិភពលោក (WTO) និងអង្គការអន្តរជាតិនានានៅទីក្រុងហ្សឺណែវ (ស្វីស) ការដែលឧបនាយករដ្ឋមន្ត្រី លោក Le Minh Khai  អញ្ជើញចូលរួមកិច្ចប្រជុំប្រចាំឆ្នាំនៃវេទិកាសេដ្ឋកិច្ចពិភពលោក (WEF) ឆ្នាំ២០២២ នៅទីក្រុង Davos (ស្វីស) បានបង្ហាញពីការប្តេជ្ញាចិត្តរបស់វៀតណាមក្នុងការរួមដៃជាមួយសហគមន៍អន្តរជាតិក្នុងការដោះស្រាយបញ្ហាសកល។

ក្នុងឱកាសចូលរួម WEF ២០២២នេះ លោកឧបនាយករដ្ឋមន្ត្រី Le Minh Khai នឹងជួបពិភាក្សាការងារជាមួយប្រធាន WEF លោក Borge Brende ស្ដីពីការបន្តជំរុញកិច្ចសហប្រតិបត្តិការរវាងវៀតណាម និង WEF; ពិភាក្សាឆ្ពោះទៅការចុះហត្ថលេខាលើកិច្ចព្រមព្រៀងសហប្រតិបត្តិការរវាងវៀតណាម និង WEF ដោយផ្អែកលើមូលដ្ឋាននៃសំណើរបស់ប្រធានស្ថាបនិក WEF; បង្កើតក្របខ័ណ្ឌកម្មវិធីសហប្រតិបត្តិការ និងសកម្មភាពនាពេលខាងមុខរវាងវៀតណាម និង WEF ព្រមទាំងបណ្តាញសាជីវកម្មអន្តរជាតិធំៗដែលជាសមាជិក WEF   ដោយហេតុនេះ ជួយវៀតណាមក្នុងការអនុវត្តប្រកបដោយជោគជ័យនូវយុទ្ធសាស្ត្រអភិវឌ្ឍន៍សេដ្ឋកិច្ចសង្គមរបស់វៀតណាមដំណាក់កាល ២០២១-២០២៥ និងឆ្ពោះទៅឆ្នាំ ២០៣០ ហើយទន្ទឹមនឹងនោះ បានបង្ហាញពីការខិតខំប្រឹងប្រែងរបស់វៀតណាមក្នុងនាមជាសមាជិកនៃ WEF៕