អូស្ត្រាលីព្រួយបារម្ភអំពីការដែលចិនដំណើរសកម្មភាពយោធាភាវូបនីយកម្មនៅសមុទ្រខាងកើត

(VOVworld) – ក្នុងប្រកាសន៍មួយនាថ្ងៃទី ១០ មករា ឯកអគ្គរដ្ឋទូតអូស្រ្តាលីប្រចាំនៅហ្វីលីពីន លោកស្រី Amanda Gorely បានលើកច្បាស់ថា៖ អូស្រ្តាលីមិនគាំទ្រសកម្មភាពនៃប្រទេស ណាក៏ដោយដែលផ្ទុយទៅនឹងសាលក្រមនែតុលាការអាជ្ញាកណ្តាលអចិន្ត្រៃយ៍ (PCA) នៅទី ក្រុងឡាអេរ (ហូឡង់) ស្តីអំពីសមុទ្រខាងកើត ក្នុងនោះមានសកម្មភាពយោធាភាវូបនីយកម្ម ព្រមទាំង លើកទឹកចិត្តទាំងចិននិងហ្វីលីពីនប្រតិបត្តិតាមសាលក្រមនេះ។ លោកស្រី  Gorely  រំលឹកថា៖ សាលក្រមនៃ PCA  «គឺជាតំលៃ គោលការណ៍ដ៏សែនសំខាន់និងសារវ័ន្តក្នុងគោល នយោបាយកិច្ចការបរទេសរបស់អូស្រ្តាលី»។ តាមឯកអគ្គរដ្ឋទូតអូស្រ្តាលីថា៖ មូលដ្ឋានដែល កសាងដោយឯតោភាគីលើសមុទ្រខាងកើតនឹងបង្កើនភាពតានតឹងក្នុងតំបន់ ឬតាមរយៈវិធានការណ៍ណាមួយនោះដើម្បីទប់ស្កាត់ផ្លូវឆ្លងកាត់សមុទ្រខាងកើតដែលធ្វើឲ្យអូស្រ្តាលីនិងប្រទេសផ្សេងៗ ទៀតជះឥទ្ធិពល។ លោកស្រីអះអាងដែរថា៖ ការទាក់ទងនិងគោលនយោបាយរបស់ អូស្រ្តាលីចំពោះសមុទ្រខាងកើតគឺមុនក៏ដូចជាក្រោយក្នុងរយៈពេលយូរអង្វែង។ ក្នុងសេចក្តី ប្រកាសមួយ លោក Brain Hook អ្នកពិគ្រោះយោបល់ជាន់ខ្ពស់ទទួលបន្ទុកគោលនយោបាយនៅទ្វីបអាស៊ីនៃរដ្ឋមន្ត្រីការបរទេសអាមេរិក លោក Rex Tillerson បានឲ្យដឹងថា៖ អាមេរិក ប្រឆាំងជំទាស់រាល់ទង្វើឯកតោភាគីដែលចិនអនុវត្តនៅសមុទ្រខាងកើត៕