អគ្គលេខាបក្ស ប្រធានរដ្ឋ លោក To Lam និងភរិយា អញ្ជើញមកដល់ទីក្រុងប៉េកាំង ប្រទេសចិន (រូបថត៖ VOV)

ទទួលស្វាគមន៍អគ្គលេខាបក្ស ប្រធានរដ្ឋលោក To Lam និងភរិយា ព្រមទាំងគណៈប្រតិភូជាន់ខ្ពស់វៀតណាម នៅអាកាសយានដ្ឋានអន្តរជាតិ ប៉េកាំង ភាគីចិនមានវត្តមានលោក Wang Yi ប្រធានការិយាល័យគណៈកម្មាធិការកិច្ចការបរទេសមជ្ឈិម រដ្ឋមន្ត្រីក្រសួងការបរទេសចិន។ លោក Xiong Bo ឯកអគ្គរដ្ឋទូតចិនប្រចាំនៅវៀតណាម។ ខាងភាគីវៀតណាម មានកម្មាភិបាលស្ថានទូតវៀតណាមប្រចាំនៅចិន សហគមន៍ និងនិស្សិតវៀតណាមប្រចាំនៅចិន។

ដំណើរទស្សនកិច្ចផ្លូវរដ្ឋទៅកាន់សាធារណៈរដ្ឋប្រជាមានិតចិន គឺជាដំណើរទស្សនកិច្ចទៅកាន់បរទេសលើកដំបូងរបស់លោកអគ្គលេខាបក្ស ប្រធានរដ្ឋ To Lam  ក្នុងតំណែងថ្មី; គឺជាសកម្មភាពគោលនយោបាយការបរទេសដ៏សំខាន់ជាពិសេសរវាងវៀតណាមនិងចិនក្នុងឆ្នាំ ២០២៤ ដែលមានឥទ្ធិពលយ៉ាងធំធេងទៅលើនិន្នាការអភិវឌ្ឍន៍នៃទំនាក់ទំនងរវាងភាគីទាំងពីរនិងប្រទេសទាំងពីរនាពេលខាងមុខ៕