ការបាញ់សាកល្បងកាំជ្រួចផ្លូវរថភ្លើងនៅខេត្ត Pyongan ខាងជើង នៃស.ប.បកូរ៉េ។ (រូបថត៖ AFP/VNA)

នៅក្នុងសេចក្តីថ្លែង ការណ៍មួយ រដ្ឋមន្ត្រីការបរទេសស.ប.បកូរ៉េលោកស្រី Choe Son-hui បានសម្តែងការ ជំទាស់នឹងសេចក្តីថ្លែងការណ៍រួមរបស់រដ្ឋមន្ត្រីការបរទេស G7 នៅក្នុងកិច្ចប្រជុំកាល ពីថ្ងៃទី ១៨ ខែមេសា កន្លងទៅ ដោយថ្កោលទោសការបាញ់បង្ហោះមីស៊ីលផ្លោងរបស់ ស.ប.បកូរ៉េ ហើយបានបញ្ជាក់ថា ទីក្រុងព្យុងយ៉ាង "មិនអាច ហើយមិនដែល” មាន ឋានៈជាប្រទេសមួយដែលមានអាវុធនុយក្លេអ៊ែរក្រោមសន្ធិសញ្ញាមិនរីកសាយភាយ អាវុធនុយក្លេអ៊ែរ (NPT)។ រដ្ឋមន្ត្រីការបរទេស លោកស្រី Choe Son-hui ក៏បានចោទ ប្រកាន់ប្រទេស G7 ពីការជ្រៀតជ្រែកខុសច្បាប់ក្នុងកិច្ចការផ្ទៃក្នុងរបស់ស.ប.បកូរ៉េ ដោយទាមទារឱ្យមានការរំសាយអាវុធនុយក្លេអ៊ែរ ព្រមទាំងប្រកាសថា ទីក្រុង ព្យុងយ៉ាងនឹងចាត់វិធានការខ្លាំងក្លាប្រសិនបើបណ្ដាប្រទេសនេះរំលោភលើអធិបតេយ្យភាព និងផលប្រយោជន៍ជាមូលដ្ឋានរបស់ស.ប.បកូរ៉េ៕