រូបភាពនៃការធ្វើរោគវិនិច្ឆ័យពីចម្ងាយតាមរយៈមូលដ្ឋានបច្ចេកវិទ្យាព័ត៌មាន (រូបថត៖ laodong.vn)

មូលដ្ឋានពិគ្រោះយោបល់ ធ្វើរោគវិនិច្ឆ័យនិងព្យាបាលជំងឺពីចម្ងាយ បង្កើតឡើងដោយសម្ព័ន្ធទូរគមនាគមន៍កងទ័ព (Viettel) ដើម្បីឆ្លើយតបយ៉ាង ពេញលេញនូវសេវាកម្មសុខាភិបាលពីចម្ងាយរបស់ក្រសួងសុខាភិបាល ដូចជា៖ ពិគ្រោះយោបល់សុខាភិបាលពីចម្ងាយ ធ្វើរោគវិនិច្ឆ័យ ព្យាបាលជំងឺ ពីចម្ងាយ និងបណ្ដុះបណ្ដាលការផ្ទេរប្រគល់បច្ចេកទេសវេជ្ជសាស្ត្រ ជាដើម។

        ចំពោះកម្មវិធី Bluezone វិញ នេះជាកម្មវិធីទូរស័ព្ទដែលអនុវត្តបច្ចេក វិទ្យា Bluetooth។ ទូរស័ព្ទឆ្លាតវៃនានាដែលត្រូវបានដាក់កម្មវិធី Bluezone ចូលនោះ នឹងមានសមត្ថភាពរកឃើញគ្នាក្នុងចម្ងាយ២ម៉ែត្រហើយចងចាំជា ស្វ័យប្រវត្តិ។ ប្រសិនបើម្ចាស់ទូរស័ព្ទនោះគឺ F0 ពោលគឺអ្នកផ្ទុកវីរុស SARS-CoV-2 គឺនៅពេលនោះ ស្ថាប័នសុខាភិបាលអាចកំណត់ករណី F1 ដែល មានការប៉ះពាល់ក្នុងចម្ងាយខ្លីៗជាមួយ F0 តាមរយៈទិន្នន័យដែលត្រូវបាន ចងចាំ ហើយនឹងផ្ញើរការព្រមានដល់អ្នកមានហានិភ័យឆ្លង Covid-19 ភ្លាមៗ។

        អញ្ជើញថ្លែងនៅពិធីនេះ លោកនាយករដ្ឋមន្រ្តី Nguyen Xuan Phuc បានអះអាងថា៖

        “ការប្រើប្រាស់សេវាកម្មសាធារណៈតាមអនឡាញ និងការធ្វើរោគ វិនិច្ឆ័យ ព្យាបាលជំងឺពីចម្ងាយ មានប្រសិទ្ធភាពខ្ពស់ជាងទ្វេដង ក៏ដូចជា ឆ្លើយតបនឹងសំណូមពរក្នុងការប្រយុទ្ធប្រឆាំងជំងឺ រក្សាគម្លាតសង្គម ជួយ សម្រួលដល់បែបបទរដ្ឋបាល កាត់បន្ថយការចំណាយសម្រាប់ប្រជាជន ផងដែរ។ ហេតុដូច្នេះ ត្រូវការបង្កើនការណែនាំឲ្យប្រជាជនចេះប្រើប្រាស់ សេវាកម្មសាធារណៈតាមអនឡាញនិងមូលដ្ឋានធ្វើរោគវិនិច្ឆ័យ ព្យាបាល ជំងឺពីចម្ងាយ”៕