សម័យប្រជុំលើកទី ៥១ នៃក្រុមប្រឹក្សាសិទ្ធិមនុស្សអង្គការសហប្រជាជាតិ នៅទីក្រុងហ្សឺណែវប្រទេសស្វីស។

ក្នុងរយៈពេលពីរថ្ងៃចុងក្រោយនៃសម័យប្រជុំ ក្រុមប្រឹក្សាសិទ្ធិមនុស្សដែលមានប្រទេសជាសមាជិកចំនួន ៤៧ បានអនុម័តសេចក្តីព្រាងសេចក្តីសម្រេចចិត្ត ចំនួន ៣៩ សេចក្តីសម្រេចរបស់ប្រធានក្រុមប្រឹក្សាសិទ្ធិមនុស្សចំនួន ១ ស្តីពីការគាំទ្រលក្ខខណ្ឌការងារសម្រាប់ក្រុមប្រឹក្សាសិទ្ធិមនុស្ស និងសេចក្តីថ្លែងការណ៍របស់ប្រធានចំនួន ១។ គណៈប្រតិភូវៀតណាមដឹកនាំដោយឯកអគ្គរដ្ឋទូត លោកស្រី Le Thi Tuyet Mai ប្រធានគណៈប្រតិភូអចិន្ត្រៃយ៍វៀតណាមប្រចាំនៅអង្គការសហប្រជាជាតិ អង្គការពាណិជ្ជកម្មពិភពលោក (WTO) និងអង្គការអន្តរជាតិនានានៅទីក្រុងហ្សឺណែវ បានចូលរួមយ៉ាងសកម្មក្នុងកិច្ចប្រជុំនេះ។

សម័យប្រជុំជាប្រចាំ លើកទី៥១ របស់ក្រុមប្រឹក្សាសិទ្ធិមនុស្ស មានសម័យប្រជុំចំនួនសរុប ៤៤ មាន ៥ សម័យពិភាក្សា និងសម័យសន្ទនាចំនួន ២៨ ស្តីពីយន្តការសិទ្ធិមនុស្សរបស់អង្គការសហប្រជាជាតិ និងការពិនិត្យឡើងវិញនូវរបាយការណ៍ក្រោមប្រធានបទជិត ៨០។

ក្នុងកិច្ចប្រជុំជាច្រើន ឯកអគ្គរដ្ឋទូត លោកស្រី Le Thi Tuyet Mai បានសង្កត់ធ្ងន់លើអាទិភាព និងការប្តេជ្ញាចិត្តរបស់វៀតណាមក្នុងនាមបេក្ខភាពជាសមាជិកក្រុមប្រឹក្សាសិទ្ធិមនុស្សអង្គការសហប្រជាជាតិសម្រាប់អាណត្តិ ២០២៣-២០២៥; អះអាងជាថ្មីនូវគោលការណ៍ណែនាំ និងគោលនយោបាយយ៉ាងខ្ជាប់ខ្ជួនរបស់បក្ស និងរដ្ឋវៀតណាម ដោយដាក់ប្រជាជនជាមជ្ឈភាពនៃការអភិវឌ្ឍនិងធានាថា ប្រជាជនទទួលនបានការចែករំលែកនូវផ្លែផ្កានៃដំណើរការអភិវឌ្ឍន៍។ ឯកអគ្គរដ្ឋទូតលោកស្រី Le Thi Tuyet Mai បានលើកត្រដែត នូវការខិតខំប្រឹងប្រែងនិងសមិទ្ធផល ក៏ដូចជា លទ្អភាពរួមចំណែករបស់វៀតណាម សម្រាប់សហគមន៍អន្តជាតិ ក្នុងការធានាសិទ្ធមនុស្សលើពិភពលោក; ជំរុញកិច្ចសន្ទនា កិច្ចសហប្រតិបត្តិនៅក្រុមប្រឹក្សាសិទ្ធមនុស្សឈរលើមូលដ្ឋានបរានុម័ត និងស្ថាបនា រួមទាំងផ្សាភ្ជាប់ជាមួយបញ្ហាស្នូលៗនៃអង្គការសហប្រជាជាតិ៕