 អនុប្រធានរដ្ឋសភា Nguyen Duc Hai ជួបជាមួយប្រធានគណៈប្រតិភូកាណាដា - ព្រឹទ្ធសមាជិក Stan Kutcher (រូបថត៖ Pham Ha/VOV-Jakarta) |
នៅក្នុងជំនួបនេះ អនុប្រធានរដ្ឋសភា លោក Nguyen Duc Hai បានសង្កត់ធ្ងន់ថា វៀតណាមមានបំណងចង់ធ្វើការជាមួយកាណាដា ជំរុញទំនាក់ទំនងដៃគូគ្រប់ជ្រុងជ្រោយកាន់តែខ្លាំងឡើង រួមចំណែករក្សាសន្តិភាព ស្ថិរភាព និងការអភិវឌ្ឍប្រកបដោយវិបុលភាពក្នុងតំបន់ និងលើពិភពលោក សំដៅ បង្កើនទំនាក់ទំនងនៅ ពេលដែលលក្ខខណ្ឌអនុញ្ញាត។ វៀតណាមស្វាគមន៍ចំពោះយុទ្ធសាស្ត្រថ្មីរបស់កាណាដាសម្រាប់តំបន់ឥណ្ឌូ-ប៉ាស៊ីហ្វិក (IPS) ក្នុងនោះផ្តោតការយកចិត្តទុកដាក់លើតួនាទីជាមជ្ឈភាពរបស់អាស៊ាន និងគោរពនូវឋានៈរបស់វៀតណាមក្នុងតំបន់ ដោយចាត់ទុកជា “ច្រកទ្វារពាណិជ្ជកម្ម” និង “ស្ពាន” តភ្ជាប់សម្រាប់តំបន់។
 ភាគីទាំងពីរបានទទួលស្គាល់ថា កិច្ចសហប្រតិបត្តិការរវាងរដ្ឋសភានៃប្រទេសទាំងពីរមានយថាទស្សន៍ជាច្រើន និងកាន់តែមានប្រសិទ្ធភាពពីមួយថ្ងៃទៅមួយថ្ងៃ (រូបថត៖ Pham Ha/VOV-Jakarta) |
ភាគីទាំងពីរបានទទួលស្គាល់ថា កិច្ចសហប្រតិបត្តិការរវាងរដ្ឋសភានៃប្រទេសទាំងពីរមានយថាទស្សន៍ជាច្រើន និងកាន់តែមានប្រសិទ្ធភាព។ ភាគីវៀតណាមបានវាយតម្លៃខ្ពស់ចំពោះការបន្តចែករំលែកបទពិសោធន៍របស់ភាគីកាណាដាក្នុងវិស័យបង្កើតច្បាប់ក្នុងវិស័យសន្តិសុខសង្គម សមភាពយេនឌ័រ កម្លាំងពលកម្ម ការប្រែប្រួលអាកាសធាតុ ការផ្លាស់ប្តូរថាមពលប្រកបដោយនិរន្តរភាព និងសេដ្ឋកិច្ចតែបៃតង។ ភាគីវៀតណាមក៏បានស្នើថា នាពេលខាងមុខ រដ្ឋសភាកាណាដាបន្តគាំទ្ររដ្ឋសភាវៀតណាមលើវិស័យលើកកំពស់សមត្ថភាពកម្មាភិបាលសភា; គាំទ្ររដ្ឋសភាវៀតណាមកសាងរដ្ឋសភា អេឡិចត្រូនិក៕