អ្នកបច្ចេកទេសវេជ្ជសាស្រ្តបន្ទាន់ (EMT) រុញអ្នកជម្ងឺចេញពីមណ្ឌលថែទាំមួយនៅរដ្ឋញូវយ៉កសហរដ្ឋអាមេរិក កាលពីថ្ងៃទី ១៧ ខែមេសា ( រូបថត៖ REUTERS) |
អ្នកជំងឺដែលបានជាសះស្បើយមានចំនួន ៥៧១.៥៧៧ នាក់។ សហរដ្ឋអាមេរិកនៅតែជាចំណុចកណ្តាលនៃការផ្ទុះជំងឺរាតត្បាតលើពិភពលោក ដោយមានអ្នកឆ្លងចំនួនជិត ៧១ ម៉ឺននាក់ និងមានអ្នកស្លាប់ជាង ៣៧.០០០ នាក់។ បន្ទាប់ពីសហរដ្ឋអាមេរិក គឺប្រទេសអេស្ប៉ាញមានអ្នកឆ្លងជំងឺជិត ១៩១.០០០ នាក់និងមានអ្នកស្លាប់ជាង ២ ម៉ឺននាក់ រីឯប្រទេសអ៊ីតាលីមានអ្នកឆ្លងជិត ១៧២.៥០០ នាក់និងអ្នកស្លាប់ជាង ២២.៧០០ នាក់ និងប្រទេសបារាំងមានអ្នកឆ្លងជម្ងឺចំនួន១៤៨.០០០ នាក់ និងជិត ១៨.៧០០ នាក់ត្រូវបានស្លាប់ ហើយប្រទេសអាល្លឺម៉ង់មានអ្នកឆ្លងជិត ១៤១.៤០០ នាក់និងអ្នកស្លាប់លើសពី ៤៣០០ នាក់ផងដែរ។
ទន្ទឹមនឹងនេះដែរ អង្គការសុខភាពពិភពលោក (WHO) បានព្រមានអំពីការវិវឌ្ឍន៍យ៉ាងឆាប់រហ័សនៃជំងឺរាតត្បាត សកល COVID-19 នៅទ្វីបអាហ្វ្រិក។ អគ្គនាយក អង្គការសុខភាពពិភព លោក Tedros Adhanom Ghebreyesus បានបញ្ជាក់ថាក្នុងមួយសប្តាហ៍កន្លងមកនេះ ទ្វីបអាហ្វ្រិកបានកត់ត្រាករណីឆ្លងថ្មីនៃជំងឺនេះបានកើនឡើង ៥០% និងអ្នកស្លាប់បានកើនឡើង ៦០%ផងដែរ៕