 |
| ពិធីមិទ្ទិញរំលឹកខួបអនុស្សាវរីយ៍លើកទី៥៥ទិវាគ្រោះមហន្តរាយជាតិគីមីពុលពណ៌លឿងទុំវៀតណាម |
(VOV)_ពិធីមិទ្ទិញរំលឹកខួបអនុស្សាវរីយ៍លើកទី៥៥ទិវាគ្រោះមហន្តរាយជាតិគីមី ពុលពណ៌លឿងទុំ/Dioxin វៀតណាម បានប្រារព្វឡើង នាព្រឹកថ្ងៃទី១០សីហា នៅទីក្រុង
ហាណូយ។អញ្ជើញចូលរួមពិធីនេះមានប្រធានរដ្ឋវៀតណាម លោក Tran Dai Quang និង
ថ្នាក់ដឹកនាំក្រសួង ស្ថាប័នមជ្ឈឹម និងទីក្រុងហាណូយ។
ក្នុងរយៈពេលប៉ុន្មានឆ្នាំកន្លងទៅ បក្ស រដ្ឋជានិច្ចកាលយកចិត្តទុកដាក់ បញ្ជា
ណែនាំ និងមានគោលការណ៍ គោលនយោបាយជាច្រើនដោះស្រាយផលវិបាកដោយ
ជាតិគីមីពុលពណ៌លឿងទុំ/Dioxin។ ជាប្រចាំឆ្នាំ រដ្ឋបានផ្តល់ថវិការដ្ឋចំនួនជាងមួយ
ហ្មឺនលានដុងដើម្បីជួយឧបត្ថម្ភជាប្រចាំខែ ថែទាំសុខភាពសំរាប់ជនរងគ្រោះដោយ
ជាតិគីមីពុលពណ៌លឿងទុំ/Dioxin។ថ្លែងមតិនៅពិធីនេះ ប្រធានរដ្ឋ លោក Tran Dai
Quang បានលើកច្បាស់ថា៖
“ ខ្ញុំស្នើគ្រប់ក្រសួង ស្ថានប័នពីមជ្ឈឹមដល់មូលដ្ឋានត្រូវបង្កើនការដឹកនាំ បញ្ជា
ណែនាំដើម្បីដោះស្រាយផលវិបាកដោយជាតិគីមីពុលពណ៌លឿងទុំ/Dioxin ប្រមូលផ្តុំ
ផ្លាស់ប្តូរថ្មី បង្កើនការងារឃោសនា អប់រំ ចលនាប្រជាជនគ្រប់ស្រទាប់ និងជនរួម
ជាតិវៀតណាមនៅឯបរទេស និងមិត្តភក្តិអន្តរជាតិយល់ដឹងច្បាស់ថែមទៀត អំពី
គ្រោះមហន្តរាយជាតិគីមីពុលពណ៌លឿងទុំនៅវៀតណាម។ ខ្ញុំក៏បានស្នើគ្រប់ក្រសួង
ស្ថាប័ន ជួយជ្រោមជ្រែងចលនាធ្វើសកម្មភាពដើម្បីជនរងគ្រោះដោយជាតិគីមីពុល ពណ៌លឿងទុំ/Dioxin វៀតណាម ចូលរួមការថែទាំ ជួយឧបត្ថម្ភដោយសកម្មភាពជាក់
ស្ដែង ដោយស្មារតីម្ចាស់ការ និងការទទួលខុសត្រូវខ្ពស់បំផុត។”
ប្រធានរដ្ឋលោក Tran Dai Quang បានសង្កត់ធ្ងន់ថា ជំនះពុះពារផលវិបាកនៃ
ជាតិគីមីពុល ព័ណ៌លឿងទុំ/dioxin ចំពោះសុខភាពរបស់មនុស្សនិងបរិស្ថានជាបញ្ហា
ចំបាច់ផងនិងយូរ អង្វែងផង នោះជាមនសិការ និងការទទួលខុសត្រូវរបស់ប្រព័ន្ធ
នយោបាយនិងប្រជាជន ទាំងមូល។ មានវត្តមានក្នុងពិធី លោកស្រី Susan Schnall
ប្រធានសាខាសមាគមន៍យុទ្ធជន ដើម្បីសន្តិភាពទីក្រុង New York អាមេរិកបាន
ឲ្យដឹងថា៖
“ក្រុមហ៊ុននិងរោងចក្ររបស់យើងខ្ញុំបានផលិតអាវុធធ្វើសង្គ្រាម។ហើយកង
ទ័ពរបស់យើងខ្ញុំវបានរោយគ្រាប់បែកនិងជាតិគីមីពុលទៅលើទឹកដីនិងមនុស្សវៀត
ណាម។ក្នុងនាមជា អតីតទាហានចូលរួមសង្គ្រាមនៅវៀតណាមនិងទទួលស្គាល់ផង
ទទួលខុសត្រូវផងចំពោះ ការដែលរដ្ឋាភិបាលអាមេរិកបានប្រើប្រាស់ជាតិគីមីពុល
ពណ៌លឿងទុំ/dioxin ទៅលើទឹកដី និងប្រជាជនវៀតណាម”។
ក៏ក្នុងពិធីនេះដែរ ប្រធានរដ្ឋលោក Tran Dai Quang បានប្រគល់គ្រឿងឥស្ស
រិយយស ពលកម្មថ្នាក់ទី១ជូនចំពោះសមាគមជនរងគ្រោះដោយជាតិគីមីពុលពណ៌លឿងទុំ/dioxinវៀតណាមដើម្បីរាល់ការខំប្រឹងប្រែងជួយឧបត្ថម្ភជនរងគ្រោះ
ទាំងអស់ជំនះពុះពារការលំបាក សម្របខ្លួនចូលក្នុងសហគមន៍៕