រូបថត៖ Đuc Tuan/TTXVN

ព្រឹត្តិការណ៍នាំ នេះមានការចូលរួមរបស់យុវជនស្ម័គ្រចិត្តមកពីបណ្តាប្រទេសអាស៊ាន និងជប៉ុន ជាមួយនឹងសម័យពិភាក្សា និងកន្សោមសកម្មភាពសន្តិសុខសង្គមជាបន្តបន្ទាប់ដែលត្រូវបានដាក់ពង្រាយនៅខេត្ត Quang Binh។ 

នេះជាឱកាសសម្រាប់យុវជនអាស៊ាន+ ដើម្បីផ្លាស់ប្តូរ ចែករំលែកបទពិសោធន៍ តភ្ជាប់ និងពង្រឹងកិច្ចសហប្រតិបត្តិការលើវិស័យស្ម័គ្រចិត្ត; រួមចំណែកឧទ្ទេសនាមដល់មិត្តភក្កិអន្តរជាតិអំពីប្រទេស ប្រជាជន និងវប្បធម៌វៀតណាម ក៏ដូចជាសមិទ្ធិផលអភិវឌ្ឍន៍សេដ្ឋកិច្ចសង្គមរបស់ប្រទេសជាតិ និងប្រៀបខ្លាំងរបស់យុវជនវៀតណាមក្នុងវិស័យស្ម័គ្រចិត្ត ដែលលើកកំពស់ឋានៈរបស់វៀតណាមក្នុងតំបន់ និងអន្តរជាតិ។

នៅក្នុងពិធីបើកវេទិកានេះ លេខាគណៈកម្មាធិការមជ្ឈិមសម្ព័ន្ធយុវជន និងជាអនុប្រធានអចិន្ត្រៃយ៍នៃគណៈកម្មាធិការជាតិសម្រាប់យុវជនវៀតណាម លោក Nguyen Tuong Lam បានឲ្យដឹងថា ក្នុងរយៈពេលដ៏យូរដែលរងផលប៉ះពាល់ដោយជំងឺរាតត្បាតកូវីដ-១៩ សកម្មភាពនិងគម្រោងការងារស្ម័គ្រចិត្តជាចច្រើនត្រូវបានដាក់ពង្រាយនៅទូទាំងតំបន់ និងពិភពលោក។ ក្នុងដំណាក់កាលនេះ យុវជនវៀតណាមបានម្ចាស់ការអនុវត្តយ៉ាងសកម្មនូវសកម្មភាពជាក់ស្តែងជាច្រើន អនុវត្តគំនិតផ្តួចផ្តើមសម្រាប់សហគមន៍ ដោយផ្តោតលើសកម្មភាពនៅលើមូលដ្ឋានឌីជីថល ពង្រឹងការអនុវត្តន៍បច្ចេកវិទ្យាព័ត៌មាន និងទូរគមនាគមន៍។

ពានរង្វាន់យុវជនស្ម័គ្រចិត្តអាស៊ាន+ លើកនេះ គឺជាឱកាសមួយដើម្បីផ្តល់កិត្តិយសដល់បុគ្គល និងអង្គការនានា ដើម្បីទទួលស្គាល់គំរូយុវជនស្ម័គ្រចិត្តឆ្នើម ពីបណ្តាប្រទេសអាស៊ាន+។ លោក Nguyen Tuong Lam សង្ឃឹមថា ការតភ្ជាប់ទំនាក់ទំនង និងការចែករំលែករបស់គណៈប្រតិភូស្ម័គ្រចិត្តវ័យក្មេងនីមួយៗ នឹងមិនត្រឹមតែក្នុងក្របខ័ណ្ឌនៃវេទិកាប៉ុណ្ណោះទេ ប៉ុន្តែបន្ទាប់ពីកម្មវិធីនឹងកសាងបណ្តាញបុគ្គល និងអង្គការស្ម័គ្រចិត្តក្នុងតំបន់ សំដៅរីកសាយភាយស្មារតីឈានទៅមុខ ការស្ម័គ្រចិត្ដ និងរួមគ្នារួមចំណែកដល់ការស្តារឡើងវិញ និងអភិវឌ្ឍក្នុងតំបន់ និងពិភពលោក៕