ពិធីគោរពវិញ្ញាណក្ខន្ធលោកអគ្គលេខាបក្ស ង្វៀន ភូ ជុង បានប្រព្រឹត្តទៅនៅផ្ទះបុណ្យសពជាតិលេខ ៥ Tran Thanh Tong នៃទីក្រុងហាណូយ ដោយចាប់ផ្តើមពីម៉ោង ០៧:០០ ដល់ម៉ោង ២២:០០ ថ្ងៃទី ២៥ ខែកក្កដា និងចាប់ពីម៉ោង ០៧:០០ ដល់ម៉ោង ១៣:០០ ថ្ងៃទី ២៦ ខែកក្កដា ឆ្នាំ ២០២៤

គណៈកម្មាធិការបុណ្យសពមានសមាជិក ៣៥ នាក់ដែលដឹកនាំដោយសមាជិកការិយាល័យនយោបាយ ប្រធានរដ្ឋនៃសាធារណរដ្ឋសង្គមនិយម វៀតណាម លោក តូ ឡឹម។ គណៈកម្មាធិការរៀបចំបុណ្យសពមានសមាជិកចំនួន ២៧រូប ដឹកនាំដោយសមាជិកការិយាល័យនយោបាយ លេខាធិការអចិន្ត្រៃយ៍នៃលេខាធិការដ្ឋាន លឿង គឿង។

ពិធីគោរពវិញ្ញាណក្ខន្ធលោកអគ្គលេខាបក្ស ង្វៀន ភូ ជុង បានប្រព្រឹត្តទៅនៅផ្ទះបុណ្យសពជាតិលេខ ៥ Tran Thanh Tong នៃទីក្រុងហាណូយ ដោយចាប់ផ្តើមពីម៉ោង ០៧:០០ ដល់ម៉ោង ២២:០០ ថ្ងៃទី ២៥ ខែកក្កដា និងចាប់ពីម៉ោង ០៧:០០ ដល់ម៉ោង ១៣:០០ ថ្ងៃទី ២៦ ខែកក្កដា ឆ្នាំ ២០២៤។

ពិធីគោរពវិញ្ញាណក្ខន្ធលោកអគ្គលេខាបក្ស ង្វៀន ភូ ជុង នៅស្រុកកំណើត ឃុំ Dong Hoi ស្រុក Dong Anh ទីក្រុងហាណូយ

ចាប់ផ្តើមពិធីគោរពវិញ្ញាណក្ខន្ធនៅផ្ទះបុណ្យសពជាតិ ក្រុមគ្រួសាររបស់លោកអគ្គលេខាបក្ស ង្វៀន ភូ ជុង ដឹកនាំដោយលោកស្រី Ngo Thi Man ភរិយាលោកអគ្គលេខាបក្ស អញ្ជើញចូលគោរពវិញ្ញាណក្ខន្ធ។

ក្រុមគ្រួសាររបស់លោកអគ្គលេខាបក្ស ង្វៀន ភូ ជុង ដឹកនាំដោយលោកស្រី Ngo Thi Man ភរិយាលោកអគ្គលេខាបក្ស អញ្ជើញមកគោរពវិញ្ញាណក្ខន្ធ (រូបថត៖ VOV)

សមាជិកការិយាល័យនយោបាយ សមាជិកអចិន្ត្រៃយ៍នៃលេខាធិការដ្ឋាន លោកលឿង គឿង ប្រធានគណៈកម្មាធិការរៀបចំបុណ្យសព ថ្លែងមតិ (រូបថត៖ VOV)

បន្ទាប់មក គណៈប្រតិភូរដ្ឋាភិបាលនៃសាធារណៈរដ្ឋសង្គមនិយមវៀតណាម ដឹកនាំដោយសមាជិកការិយាល័យនយោបាយ លោកនាយករដ្ឋមន្ត្រី ហ្វាម មិញ ជិញ; ប្រធានរដ្ឋនៃសាធារណរដ្ឋសង្គមនិយមវៀតណាម ដឹកនាំដោយសមាជិកការិយាល័យនយោបាយ ប្រធានរដ្ឋ តូ ឡឹម; គណៈប្រតិភូរដ្ឋសភានៃសាធារណៈរដ្ឋសង្គមនិយមវៀតណាមដឹកនាំដោយសមាជិកការិយាល័យនយោបាយ ប្រធានរដ្ឋសភាលោក ត្រឹម ថាញ់ មិន; គណៈប្រតិភូគណៈកម្មាធិការមជ្ឈិមរណសិរ្សមាតុភូមិវៀតណាម ដឹកនាំដោយសមាជិកការិយាល័យនយោបាយ ប្រធានគណៈកម្មាធិការមជ្ឈិមរណសិរ្សមាតុភូមិ វៀតណាម លោក ដូ វ៉ាន់ ចៀន អញ្ជើញចូលគោរពវិញ្ញាណក្ខន្ធលោកអគ្គលេខាបក្ស។

ថ្នាក់ដឹកនាំបក្ស និងរដ្ឋ អតីតថ្នាក់ដឹកនាំបក្ស និងរដ្ឋ ត្រៀមចូលគោរពវិញ្ញាណក្ខន្ធលោកអគ្គលេខាបក្ស ង្វៀន ភូ ជុង (រូបថត៖ VOV)

អញ្ជើញសរសេរលើសៀវភៅកាន់ទុក្ខ បន្ទាប់ពីបានគោរពវិញ្ញាណក្ខន្ធមក លោកប្រធានរដ្ឋ តូ ឡឹម បានសរសេរថា “ខ្ញុំសូមចូលរួមរំលែកទុក្ខយ៉ាងក្រៀមក្រំចំពោះសមមិត្ត អគ្គលេខាបក្ស ង្វៀន ភូ ជុង- កុលបុត្រជាទីស្រឡាញ់របស់ប្រជាជាតិវៀតណាម ថ្នាក់ដឹកនាំឆ្នើមពិសេស បក្ខជន កុម្មុយនិស្តដ៏ស្មោះត្រង់ ជាគំរូដ៏ភ្លឺស្វាងនៃការសិក្សាឥតឈប់ឈរ  គោរពតាមមនោគមវិជ្ជា ក្រមសីលធម៌ និងរចនាបថហូជីមិញ មានកិត្យានុភាពដ៏ធំធេងរបស់បក្ស រដ្ឋ និងប្រជាជនវៀតណាម ដែលជាមិត្តដ៏ធំរបស់ប្រជាជនលើពិភពលោក អ្នកដែលបានលះបង់អស់មួយជីវិត លះបង់អស់ពីកម្លាំងកាយចិត្ត ជូនប្រទេសជាតិ ជូនបក្ស ជូនប្រជាជន អ្នកដែលមានគុណូបការៈនិងការលះបង់ដ៏ធំធេងសម្រាប់បុព្វហេតុបដិវត្តន៍របស់បក្ស ប្រទេសជាតិ និងសម្រាប់ចលនាកុម្មុយនិស្តអន្តរជាតិ និងការរក្សាសន្តិភាព ស្ថិរភាព និងការអភិវឌ្ឍក្នុងតំបន់ និងពិភពលោក”។ លោកប្រធានរដ្ឋ តូ ឡឹម បានអះអាងថា កេរ្ត៍ឈ្មោះ អាជីព បុគ្គលិកលក្ខណៈ និងការរួមវិភាគទានដ៏ធំធេងរបស់លោកអគ្គលេខាបក្ស ង្វៀន ភូ ជុង បានដក់ជាប់ក្នុងដួងចិត្តប្រជាជនយ៉ាងជ្រាលជ្រៅ ដក់ជាប់ក្នុងប្រវត្តិសាស្ត្រវីរភាពរបស់ប្រជាជាតិវៀតណាមជារៀងរហូត។

គណៈប្រតិភូប្រធានរដ្ឋនៃសាធារណរដ្ឋសង្គមនិយមវៀតណាម ដឹកនាំដោយសមាជិកការិយាល័យនយោបាយ ប្រធានរដ្ឋនៃសាធារណរដ្ឋសង្គមនិយមវៀតណាម លោក តូ ឡឺម អញ្ជើញចូលគោរពវិញ្ញាណក្ខន្ធលោកអគ្គលេខាបក្ស។

អញ្ជើញសរសេរក្នុងសៀវភៅកាន់ទុក្ខ លោកនាយករដ្ឋមន្ត្រី ហ្វាម មិញ ជិញ បានអះអាងនូវការគោរព និងដឹងគុណយ៉ាងជ្រាលជ្រៅចំពោះការរួមចំណែកដ៏ធំធេង និងការលះបង់អស់មួយជីវិតក្នុងបុព្វហេតុបដិវត្តន៍របស់ប្រជាជន ប្រទេសជាតិ និងបុព្វហេតុកសាងការពារមាតុភូមិក្នុងយុគសម័យថ្មីរបស់លោកអគ្គលេខាបក្ស ង្វៀន ភូ ជុង។  លោកនាយករដ្ឋមន្ត្រីបានអះអាងថា នឹងធ្វើតាមគំរូ រួបរួមសាមគ្គីគ្នា រួមកម្លាំងកាយចិត្ត  ប្តេជ្ញាចិត្តខ្ពស់ ខិតខំប្រឹងប្រែងយ៉ាងខ្លាំង ពុះពារគ្រប់ឧបសគ្គ និងខិតខំអស់ពីសមត្ថភាពដើម្បីការពារ និងកសាងមាតុភូមិសង្គមនិយមវៀតណាមកាន់តែរឹងមាំ និងវិបុលភាព ប្រជាជនវៀតណាមកាន់តែសម្បូរធូធារនិងមានសុភមង្គល។

គណៈប្រតិភូរដ្ឋាភិបាលនៃសាធារណៈរដ្ឋសង្គមនិយមវៀតណាមដឹកនាំដោយលោក ហ្វាម មិញ ជិញ សមាជិកការិយាល័យនយោបាយ នាយករដ្ឋមន្ត្រីនៃសាធារណរដ្ឋសង្គមនិយមវៀតណាម អញ្ជើញចូលគោរពវិញ្ញាណក្ខន្ធលោកអគ្គលេខាបក្ស។

អញ្ជើញសរសេរក្នុងសៀវភៅកាន់ទុក្ខ ប្រធានរដ្ឋសភាវៀតណាម លោក ត្រឹន ថាញ់ មិន បានអះអាងថា អគ្គលេខាបក្សលោក ង្វៀន ភូ ជុង បានចំណាយពេលវេលា កម្លាំងកាយចិត្ត និងភាពវៃឆ្លាតលើការច្នៃប្រឌិត  និងលើកកំពស់ប្រសិទ្ធភាពប្រតិបត្តិការរបស់រដ្ឋសភា។ មរណភាពរបស់លោកអគ្គលេខាបក្សង្វៀន ភូ ជុង គឺជាការបាត់បង់ដ៏ធំធេងសម្រាប់បក្ស រដ្ឋ និងប្រជាជនវៀតណាម ដោយបន្សល់ទុកនូវការសោកស្តាយយ៉ាងក្រៀមគ្រាំសម្រាប់មិត្តរួមជាតិ ក្រុមគ្រួសារ និងមិត្តភក្តិអន្តរជាតិ ...។

គណៈប្រតិភូរដ្ឋសភានៃសាធារណៈរដ្ឋសង្គមនិយមវៀតណាមដឹកនាំដោយសមមិត្ត ត្រឹន ថាញ់ មិន សមាជិកការិយាល័យនយោបាយ ប្រធានរដ្ឋសភានៃសាធារណៈរដ្ឋសង្គមនិយមវៀតណាម អញ្ជើញចូលគោរពវិញ្ញាណក្ខន្ធលោកអគ្គលេខាបក្ស។

នាព្រឹកមិញនេះផងដែរ ពិធីគោរពវិញ្ញាណក្ខន្ធ ដាក់ផ្កា និងអុជធូបរំលឹកដល់វិញ្ញាណក្ខ័ន្ធលោកអគ្គលេខាបក្សង្វៀន ភូ ជុង បានប្រព្រឹត្តទៅនៅសាល Thong Nhat ទីក្រុងហូជីមិញ។ លេខាគណៈកម្មាធិការបក្សទីក្រុង លោក Nguyen Van Nen បានដឹកនាំគណៈប្រតិភូគណៈកម្មាធិការបក្សទីក្រុង  ក្រុមប្រឹក្សាប្រជាជន គណៈកម្មាធិការប្រជាជន និងគណៈកម្មាធិការរណសិរ្សមាតុភូមិវៀតណាមនៃទីក្រុងហូជីមិញ ទៅគោរពវិញ្ញាណក្ខន្ធលោកអគ្គលេខាបក្សង្វៀន ភូ ជុង។ ប្រជាពលរដ្ឋក៏បានចេញមុខតាំងពីព្រឹកព្រលឹម ដើម្បីរង់ចាំគោរពវិញ្ញាណក្ខន្ធលោកអគ្គលេខាបក្ស ផងដែរ។

នៅសាល Thong Nhat គណៈប្រតិភូគណៈកម្មាធិការបក្សទីក្រុង ក្រុមប្រឹក្សាប្រជាជន គណៈកម្មាធិការប្រជាជន និងគណៈកម្មាធិការរណសិរ្សមាតុភូមិវៀតណាម ដឹកនាំដោយសមាជិកការិយាល័យនយោបាយ និងលេខាគណៈកម្មាធិការបក្សទីក្រុងហូជីមិញ លោក Nguyen Van Nen  អញ្ជើញចូលគោរពវិញ្ញាណក្ខន្ធលោកអគ្គលេខាបក្ស។

ក៏នៅផ្ទះបុណ្យសពជាតិហាណូយ គណៈប្រតិភូគណៈកម្មាធិការបក្សនគរបាលមជ្ឈិម ក្រសួងនគរបាល ដឹកនាំដោយឧត្តមសេនីយឯក Luong Tam Quang លេខាគណៈកម្មាធិការនគរបាលមជ្ឈិមបក្ស  រដ្ឋមន្ត្រីក្រសួងនគរបាល។

គណៈប្រតិភូគណៈកម្មាធិការបក្សនគរបាលមជ្ឈិម ក្រសួងនគរបាល ដឹកនាំដោយលោកនាយឧត្តមសេនីយ៍ Luong Tam Quang លេខាគណៈកម្មាធិការបក្សនគរបាលមជ្ឈិម  រដ្ឋមន្ត្រីក្រសួងនគរបាល អញ្ជើញចូលគោរពវិញ្ញាណក្ខន្ធលោកអគ្គលេខាបក្ស ង្វៀន ភូ ជុង

នាព្រឹកថ្ងៃនេះដែរ ប្រទេសជាច្រើនបានបញ្ជូនគណៈប្រតិភូតំណាងទៅគោរពវិញ្ញាណក្ខន្ធលោកអគ្គលេខាបក្ស ង្វៀន ភូ ជុង។ 

គណៈប្រតិភូកម្ពុជាដឹកនាំដោយសម្តេច ហ៊ុនសែន ប្រធានគណបក្សប្រជាជនកម្ពុជា ប្រធានព្រឹទ្ធសភាកម្ពុជា  (រូបថត៖ VOV)

គណៈប្រតិភូនៃព្រះរាជាណាចក្រកម្ពុជាអញ្ជើញចូលគោរពវិញ្ញាណក្ខន្ធលោកអគ្គលេខាបក្ស ង្វៀន ភូ ជុង (រូបថត៖ VOV)

គណៈប្រតិភូរដ្ឋគុយបាដឹកនាំដោយប្រធានរដ្ឋសភាគុយបា Esteban Lazo Hernandez ចូលគោរពវិញ្ញាណក្ខន្ធ។

គណៈប្រតិភូគុយបា អញ្ជើញចូលគោរពវិញ្ញាណក្ខ័ន្ធលោកអគ្គលេខាបក្ស ង្វៀន ភូ ជុង (រូបថត៖ VOV)

គណៈប្រតិភូនៃសាធារណរដ្ឋឥណ្ឌូនេស៊ីដឹកនាំដោយរដ្ឋមន្ត្រីក្រសួងកសិកម្ម Andi Amran Sulaiman ចូលគោរពវិញ្ញាណក្ខន្ធ; នាយករដ្ឋមន្ត្រី Han Duck-soo បេសកជនពិសេសរបស់ប្រធានាធិបតីកូរ៉េខាងត្បូងបានដឹកនាំគណៈប្រតិភូកូរ៉េចូលគោរពវិញ្ញាណក្ខន្ធលោកអគ្គលេខាបក្ស ង្វៀន ភូ ជុង។ បន្ទាប់មក លោកស្រី Sue Lines ប្រធានព្រឹទ្ធសភាអូស្ត្រាលី បានដឹកនាំគណៈប្រតិភូអូស្ត្រាលី ចូលគោរពវិញ្ញាណក្ខន្ធ; គណៈប្រតិភូនៃសាធារណរដ្ឋឥណ្ឌាដឹកនាំដោយទីប្រឹក្សាសន្តិសុខជាតិឥណ្ឌាលោក Ajit Doval ចូលគោរពវិញ្ញាណក្ខ័ន្ធ។ រដ្ឋមន្ត្រីក្រសួងអតីតយុទ្ធជន និងប្រជាជនអាល់ហ្សេរី លោក Laïd Rebiga ក្នុងនាមប្រធានាធិបតី Abdelmadjid Tebboune បានអញ្ជើញគោរពវិញ្ញាណក្ខន្ធលោកអគ្គលេខាបក្ស ង្វៀន ភូ ជុង។ គណៈប្រតិភូនៃសាធារណរដ្ឋវ៉ានូអាទូ ដឹកនាំដោយរដ្ឋមន្ត្រី និងអគ្គមេធាវី Arnold Kiel Loughman ចូលគោរពវិញ្ញាណក្ខន្ធ។ គណៈប្រតិភូស្វីសដឹកនាំដោយរដ្ឋលេខាធិការក្រសួងការបរទេស  លោក Alexandre Fasel ចូលគោរពវិញ្ញាណក្ខន្ធ។

គណៈប្រតិភូសហភាពអឺរ៉ុប ដឹកនាំដោយលោក Josep Borrell អនុប្រធានគណៈកម្មការអឺរ៉ុប តំណាងជាន់ខ្ពស់ទទួលបន្ទុកសន្តិសុខ និងគោលនយោបាយការបរទេសនៃសហភាពអឺរ៉ុបចូលគោរពវិញ្ញាណក្ខន្ធ លោកអគ្គលេខាបក្ស ង្វៀន ភូ ជុង (រូបថត៖ VOV)

ក្នុងថ្ងៃនេះផងដែរ ប្រទេសជាច្រើនបានបញ្ជូនគណៈប្រតិភូតំណាងមកគោរពវិញ្ញាណក្ខន្ធលោកអគ្គលេខាបក្ស ង្វៀន ភូ ជុង។

គណៈប្រតិភូសហព័ន្ធរុស្ស៊ី ដឹកនាំដោយអនុប្រធានឌុយម៉ាជាតិរុសកស៊ី Pyotr Tolstoy អញ្ជើញចូលគោរពវិញ្ញាណក្ខន្ធអគ្គលេខាបក្ស ង្វៀន ភូ ជុង (រូបថត៖ VOV)

គណៈប្រតិភូជាន់ខ្ពស់នៃបក្ស និងរដ្ឋឡាវ ដឹកនាំដោយអគ្គលេខាបក្ស ប្រធានរដ្ឋឡាវលោក ថងលូន ស៊ីសូលីត អញ្ជើញចូលគោរពវិញ្ញាណក្ខន្ធលោកអគ្គលេខាបក្សង្វៀន ភូ ជុង។ អមដំណើរលោកអគ្គលេខាបក្ស ប្រធានរដ្ឋឡាវ មានលោកជំទាវភរិយា ណាលី ស៊ីសូលីត។

គណៈប្រតិភូនៃសាធារណរដ្ឋប្រជាធិបតេយ្យប្រជាមានិតឡាវ ដឹកនាំដោយអគ្គលេខាបក្ស ប្រធានរដ្ឋឡាវលោក ថងលូន ស៊ីសូលីត បានអញ្ជើញគោរពវិញ្ញាណក្ខន្ធលោកអគ្គលេខាបក្ស ងៀន ភូ ជុង (រូបថត៖ VOV)

លោក Wang Huning សមាជិកអចិន្ត្រៃយ៍នៃការិយាល័យនយោបាយនៃគណៈកម្មាធិការមជ្ឈិមបក្សកុម្មុយនិស្តចិន តំណាងពិសេសរបស់លោកអគ្គលេខាបក្ស ប្រធានរដ្ឋចិន Xi Jinping បានដឹកនាំគណៈប្រតិភូអញ្ជើញមកគោរពវិញ្ញាណក្ខន្ធលោកអគ្គលេខាបក្ស ង្វៀន ភូ ជុង។

លោក Wang Huning សមាជិកអចិន្ត្រៃយ៍នៃការិយាល័យនយោបាយនៃគណៈកម្មាធិការមជ្ឈិមបក្សកុម្មុយនីស្តចិន និងជាប្រធានសភាប្រឹក្សានយោបាយប្រជាជនទូទាំងប្រទេសចិន ដែលជាតំណាងពិសេសរបស់អគ្គលេខាបក្ស ប្រធានរដ្ឋចិន លោក Xi Jinping  អញ្ជើញដឹកនាំគណៈប្រតិភូបក្សកុម្មុយនីស្តចិន ចូលរួមគោរពវិញ្ញណក្ខន្ធលោកអគ្គលេខាបក្ស ង្វៀន ភូ ជុង

នៅស្រុកកំណើតរបស់អគ្គលេខាបក្សនៅភូមិ Lai Da ឃុំ Dong Hoi ស្រុក Dong Anh, គណៈប្រតិភូវិទ្យុសម្លេងវៀតណាមដឹកនាំដោយលោក Do Tien Sy សមាជិកគណៈកម្មាធិការមជ្ឈិមបក្ស អគ្គនាយកវិទ្យុសម្លេងវៀតណាម អញ្ជើញចូលគោរពវិញ្ញាណក្ខន្ធលោកអគ្គលេខាបក្ស ង្វៀន ភូ ជុង ផងដែរ។

គណៈកម្មាធិការរៀបចំពិធីបុណ្យសពនឹងត្រៀមរៀបចំ ដើម្បីឲ្យប្រជាជនចូលគោរពវិញ្ញាណក្ខ័ន្ធលោកអគ្គលេខាបក្ស ង្វៀន ភូ ជុង។ នៅពេលចូល សូមប្រជាជននាំយកអត្តសញ្ញាណប័ណ្ណដែលភ្ជាប់បន្ទះឈីប អេឡិច ត្រូនិក ឬទូរសព្ទដៃបានដំឡើង VNeID កម្រិត ២ ដើម្បីស្កេនកូដ QR។

នៅទីលាន Ba Dinh ទង់ជាតិនឹងត្រូវព្យួរនៅពាក់កណ្តាល ក្នុងអំឡុងពេលពីរថ្ងៃកាន់ទុក្ខថ្នាក់ជាតិគឺថ្ងៃទី ២៥ និង ២៦ ខែកក្កដា ដើម្បីរំលឹកដល់វិញ្ញាណក្ខន្ធលោកអគ្គលេខាបក្សង្វៀនភូ ជុង  (រូបថត៖ VOV)

ទូរទស្សន៍វៀតណាម និងវិទ្យុសំឡេងវៀតណាមបានផ្សាយបន្តផ្ទាល់ពីពិធីគោរពវិញ្ញាណក្ខន្ធ ពិធីរំលឹកវិញ្ញាណក្ខន្ធ និងពិធីបញ្ចុះសពលោកអគ្គលេខាបក្ស ង្វៀន ភូ ជុង នៅទីក្រុងហាណូយ និងទីក្រុងហូជីមិញ៕