បណ្តាប្រទេសនៅតែបន្តមានប្រតិកម្មចំពោះផែនការសន្តិភាពមជ្ឈឹមបូព៌ារបស់សហរដ្ឋអាមេរិក (រូបថត៖ AFP/TTXVN) |
អ្នកនាំពាក្យក្រសួងការបរទេសឥណ្ឌាលោក Raveesh Kumar បានសង្កត់ធ្ងន់លើគោលជំហររបស់ទីក្រុង New Delhi ថានេះគឺជា«បញ្ហាបទប្បញ្ញត្តិចុងក្រោយដែលចាំបាច់ត្រូវដោះស្រាយតាមរយៈការចរចាដោយផ្ទាល់រវាងភាគីទាំងពីរ និងត្រូវបានទទួលយកដោយភាគីទាំងពីរផងដែរ»។
ទន្ទឹមនឹងនេះ ក្រសួងការបរទេសបារាំង ក៏បានចេញសេចក្តីប្រកាសមួយដោយសង្កត់ធ្ងន់ទៅលើដំណោះស្រាយរដ្ឋពីរ ចំពោះជម្លោះរវាងអ៊ីស្រាអែលនិងប៉ាឡេស្ទីនផងដែរ។
ក្នុងពេលនោះដែរ រដ្ឋាភិបាលកាតា បានសំដែងប្រតិកម្មយ៉ាងប្រុងប្រយ័ត្នចំពោះផែនការសន្តិភាពដែលពោលខាងលើនេះ។ ប្រទេសកាតាបានអះអាងសារជាថ្មីនូវការប្តេជ្ញាចិត្តរបស់ខ្លួនក្នុងការគាំទ្ររបបរបស់ប៉ាឡេស្ទីន ព្រមទាំងបានព្រមានថា សន្តិភាពយូរអង្វែងមិនអាចសម្រេចបានឡើយ ប្រសិនបើផលប្រយោជន៍របស់ជនប៉ាឡេស្ទីនមិនត្រូវបានធានាផងដែរ៕