លោក Tedros Adhanom Ghebreyesus អគ្គនាយកអង្គការសុខភាពពិភពលោក (រូបថត៖ AFP/TTXVN) |
នៅក្នុងសេចក្ដីប្រកាសកាលពីថ្ងៃទី ១ ខែមេសា លោក Tedros Adhanom Ghebreyesus អគ្គនាយកអង្គការសុខភាពពិភពលោក បានមានប្រសាសន៍ថា ថ្នាក់ដឹកនាំជាង ២៥ រូបមកពីក្រុមប្រទេស G20 និងក្រុមប្រទេស G7 ក៏ដូចជាមកពីគ្រប់តំបន់ទាំងអស់នៅលើពិភពលោកក៏ឯកភាពថា សន្ធិសញ្ញាស្តីពីជំងឺរាតត្បាតកូវីដ-១៩ នឹងជាការប្តេជ្ញាចិត្តអន្តរជំនាន់ ដើម្បីធានាឲ្យពិភពលោកមានសុវត្ថិភាពនៅចំពោះមុខជំងឺឆ្លងថ្មី ដែលទំនងជាបង្កឡើងជំងឺរាតត្បាតសកលតែម្តង។
ថ្លែងក្នុងសន្និសីទសារព័ត៌មានរបស់អង្គការសុខភាពពិភពលោកលោក Tedros Adhanom Ghebreyesus បានបញ្ជាក់ថាថ្នាក់ដឹកនាំទាំងអស់បានទទួលស្គាល់ថាពិភពលោក មិនបានត្រៀមខ្លួនសម្រាប់ការឆ្លើយតបនឹងជំងឺរាតត្បាតសកលកូវីដ-១៩ ដែលផ្ទុះឡើងជាលើកដំបូងទេ ហើយមនុស្សជាតិចាំបាច់ត្រូវអនុវត្តន៍ឱ្យបានប្រសើរឡើងថែមទៀតចំពោះការផ្ទុះឡើងជំងឺរាតត្បាតនេះនាពេលអនាគត៕