ទិដ្ឋភាពនៃសន្និសីទ (រូបថត៖ VOV)

ឧបនាយករដ្ឋមន្ត្រី លោក Tran Hong Ha បានដឹកនាំដូច្នេះនៅក្នុងសន្និសីទស្តីពី អភិវឌ្ឍន៍ការអប់រំ និងបណ្តុះបណ្តាលនៅតំបន់ណាមបូខាងកើត ដល់ឆ្នាំ ២០៣០ ជាមួយនឹងចក្ខុវិស័យដល់ឆ្នាំ ២០៤៥; អនុវត្តន៍សេចក្តីសម្រេចចិត្តរបស់ការិយាល័យនយោបាយ ស្តីពីទិសដៅអភិវឌ្ឍន៍សេដ្ឋកិច្ច-សង្គម ធានាការពារជាតិ និងសន្តិសុខក្នុងតំបន់ណាមបូខាងកើតដល់ឆ្នាំ២០៣០ ចក្ខុវិស័យដល់ឆ្នាំ២០៤៥។ សន្និសីទនេះត្រូវបានក្រសួងអប់រំ និងបណ្តុះបណ្តាល រៀបចំឡើងនាថ្ងៃទី ១៨ មេសា នៅទីក្រុង Binh Duong។

ឧបនាយករដ្ឋមន្ត្រី លោក Tran Hong Ha បានស្នើថា ក្រសួងអប់រំ និងបណ្តុះបណ្តាល និងតំបន់ណាមបូខាងកើត គួរតែមានគោលនយោបាយទាក់ទាញគ្រូបង្រៀន។ ទន្ទឹមជាមួយគ្នានោះ ក្រសួងត្រូវមានយន្តការសង្គមភាវូបនីយកម្ម ទាក់ទាញធនធានអប់រំដែលមានគុណភាពខ្ពស់។ គោលដៅគឺបម្រើឱ្យកំណែទម្រង់ទូលំទូលាយនៃការអប់រំ រួមចំណែកដល់ការអភិវឌ្ឍប្រទេសជាតិ។

ឧបនាយករដ្ឋមន្ត្រី លោក Tran Hong Ha ថ្លែងមតិក្នុងសន្និសីទ (រូបថត៖ VOV)

សូមគូសបញ្ជាក់ថាតំបន់ណាមបូខាងកើតមានខេត្តចំនួន ៦ រួមមានៈ ទីក្រុង ហូជីមិញ ខេត្ត Tay Ninh, Binh Duong, Binh Phuoc, Dong Nai និង Ba Ria-Vung Tau។  តំបន់ទាំងមូលបច្ចុប្បន្នមានសាកលវិទ្យាល័យចំនួន ៥៧ កន្លែង និងគ្រឹះស្ថានអប់រំវិជ្ជាជីវៈចំនួន ៣១៦កន្លែង។ គ្រឹះស្ថានឧត្តមសិក្សាជាច្រើនបានជាប់ចំណាត់ថ្នាក់ខ្ពស់ និងបានឡើងចំណាត់ថ្នាក់លើចំណាត់ថ្នាក់អន្តរជាតិដ៏មានកិត្យានុភាព។ សមាមាត្រនៃនិស្សិតសាកលវិទ្យាល័យជាប់ចំណាត់ថ្នាក់ទីពីរក្នុងប្រទេស បន្ទាប់ពីតំបន់ដីសណ្ដទន្លេក្រហម។ ជាមធ្យមក្នុងមួយឆ្នាំមាននិស្សិតជាង ៧ម៉ឺន នាក់ និងសិក្ខាកាម អ្នកស្រាវជ្រាវបានបញ្ចប់ការសិក្សា។ វិស័យអប់រំ និងបណ្តុះបណ្តាលនៅតំបន់ណាមបូខាងកើតបានកំណត់គោលដៅថា នៅឆ្នាំ ២០៣០ ជាមួយនឹងចក្ខុវិស័យដល់ឆ្នាំ ២០៤៥ នឹងស្ថិតនៅលំដាប់កំពូលលើទូទាំងប្រទេស និងស្ថិតក្នុងក្រុមឈានមុខគេនៃតំបន់អាស៊ីអាគ្នេយ៍ផងដែរ៕