 ផ្ទះជាច្រើនត្រូវបានបំផ្លាញបន្ទាប់ពីការវាយប្រហារតាមអាកាសរបស់អ៊ីស្រាអែល (រូបថត៖ THX / VNA) |
នាថ្ងៃទី ២៧ ឧសភា ថ្លែងនៅក្នុងសម័យប្រជុំពិសេសនៃក្រុមប្រឹក្សាសិទ្ធិមនុស្សរបស់អង្គការសហប្រជាជាតិនោះ ឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្សលោកស្រី Michelle Bachelet បានបង្ហាញការព្រួយបារម្ភយ៉ាងជ្រាលជ្រៅអំពីទំហំនៃការខូចខាតនៅតំបន់ហ្គាហ្សា បន្ទាប់ពីជម្លោះបានផ្ទុះឡើងរវាងអ៊ីស្រាអែល និងចលនាឥស្លាម ហាម៉ាស របស់ប៉ាឡេស្ទីននាពេលថ្មីៗនេះ។ លោកស្រីបានសង្កត់ធ្ងន់ថាការវាយប្រហារតាមជើងអាកាសរបស់អ៊ីស្រាអែលទៅលើហេដ្ឋារចនាសម្ព័ន្ធស៊ីវិលបានបណ្តាលឱ្យជនស៊ីវិលបានស្លាប់ និងរងរបួស ព្រមទាំងអំពាវនាវឱ្យចលនាឥស្លាមហាម៉ាស និងក្រុមប្រដាប់អាវុធទាំងអស់កាត់បន្ថយការប្រើប្រាស់រ៉ុក្កែត និងកាំភ្លើងត្បាល់។
បច្ចុប្បន្ននេះ UNHRC កំពុងពិភាក្សាលើសេចក្តីព្រាងនៃសេចក្តីសម្រេចចិត្តមួយដែល ប៉ាគីស្ថានបានដាក់ជូនដោយអំពាវនាវឱ្យស្ថាប័ននេះបង្កើតគណៈកម្មការស៊ើបអង្កេតអន្តរជាតិឯករាជ្យដើម្បីបំភ្លឺរាល់អំពើរំលោភសិទ្ធិមនុស្សនៅក្នុងទឹកដីប៉ាឡេស្ទីនដែលត្រូវទន្ទ្រានកាន់កាប់រួមមានទីក្រុង ហ្សេរុយសាឡឹមខាងកើត និងអ៊ីស្រាអែលចាប់តាំងពីថ្ងៃទី ១៣ ខែមេសាផងដែរ៕