កងកម្លាំងអ៊ីស្រាអែលប៉ះទង្គិចជាមួយបាតុករប៉ាឡេស្ទីននៅក្រុងរ៉ាម៉ាឡាភាគខាងលិចថ្ងៃទី២៦ ខែមករា ឆ្នាំ២០២៣។ (រូបថត៖ AFP/TTXVN)

នាថ្ងៃដដែល IDF បានប្រកាសថា ទាហានអ៊ីស្រាអែលបានវាយឆ្មក់លើជំរុំជនភៀសខ្លួននៅក្រុង Jenin សំដៅរាំងខ្ចប់ងផែនការវាយប្រហារលើអ៊ីស្រាអែលរបស់សាខានៃក្រុមសកម្មប្រយុទ្ធជីហាតអ៊ីស្លាមប៉ាឡេស្ទីន (PIJ)។ ទន្ទឹមនឹងនេះ សាខា PIJ នៅក្រុង Jenin បានឲ្យដឹងថា សមាជិកនៃក្រុមនេះបានប្រយុទ្ធជាមួយកងទ័ពអ៊ីស្រាអែលដោយកាំភ្លើង និងឧបករណ៍បំផ្ទុះដែលបានដំឡើងទុករួចស្រាប់។

នាថ្ងៃដដែលនោះ ខុទ្ទកាល័យនាយករដ្ឋមន្ត្រីអ៊ីស្រាអែលបានឲ្យដឹងថា នាយករដ្ឋមន្ត្រីអ៊ីស្រាអែលលោក Benjamin Netanyahu បានជួបប្រជុំតាមអ៊ីនធឺណែតជាមួយមន្ត្រីសន្តិសុខអ៊ីស្រាអែល ដើម្បីវាយតម្លៃស្ថានភាពបន្ទាប់ពីការប៉ះទង្គិចគ្នាខាងលើ។ ទន្ទឹមនឹងនោះ ក្រោយហេតុការណ៍បានកើតឡើង ចលនាហាម៉ាសនៅតំបន់ហ្គាហ្សា និង PIJ នៅតំបន់ West Bank បានអំពាវនាវឱ្យជនប៉ាឡេស្ទីន ក្រោកឈរឡើងដើម្បីសងសឹក។ អាជ្ញាធរអ៊ីស្រាអែលកំពុងព្រួយបារម្ភអំពីរលកថ្មីនៃអំពើហិង្សាបន្ទាប់ពីឧបទ្ទវហេតុនេះ៕