យោងតាមសេចក្តីប្រកាសព័ត៌មានស្តីពីជំងឺកូវីដ-១៩ របស់ក្រសួងសុខាភិបាលនាយប់ថ្ងៃទី ១៦ ខែសីហានេះបានឲ្យដឹងថា ចាប់ពីម៉ោង ១៨ ថ្ងៃទី ១៥ ខែសីហា ដល់ម៉ោង ១៨ ថ្ងៃទី ១៦ ខែសីហា វៀតណាមបានកត់ត្រាករណីឆ្លងកូវីដ ១៩ ចំនួន ៨.៦៥២ ករណី ក្នុងនោះមានករណីនាំចូល ៨ ករណី និងករណីឆ្លងក្នុងប្រទេសចំនួន ៨.៦៤៤ ករណី។
នៅថ្ងៃទី ១៦ ខែសីហា អ្នកជំងឺចំនួន ៤.៤៧៣ នាក់បានជាសះស្បើយ ដែលនាំឱ្យចំនួនអ្នកជាសះស្បើយសរុបមានចំនួន ១០៦.៩៧៧ នាក់។ ចាប់តាំងពីមានការផ្ទុះឡើងនៃជំងឺរាតត្បាត វៀត ណាមបានកត់ត្រាករណីឆ្លងកូវីដ ១៩ ចំនួន ២៨៣.៦៩៦ ករណី។
សូមបញ្ជាក់ផងដែរថា នៅថ្ងៃទី ១៦ ខែសីហា អនុគណៈកម្មការព្យាបាលនៃគណៈកម្មាធិការជាតិដឹកនាំការបង្ការនិងទប់ស្កាត់ជំងឺកូវីដ -១៩ បានប្រកាសពីករណីស្លាប់ចំនួន ៣៦៨ នាក់ដែលករណីភាគច្រើនគឺនៅទីក្រុងហូជីមិញមានចំនួន ៣១៥ ករណី៕