Tung Tung da da- របាំសក្ការថ្វាយទេវតារបស់ជនរួមជាតិជាជនជាតិ Co Tu។ (namgiang.quangnam.gov.vn)

         VOV-របាំ Tung Tung da da បានផ្សាភ្ជាប់ជាមួយសហគមន៍ដែលច្រើន ប្រារព្ធ
ឡើងក្នុង​ជីវភាព​រស់នៅសហគមន៍និងពិធីបុណ្យធំៗរបស់ជនរួមជាតិជាជនជាតិ
Co Tu ដូចជាពិធីបុណ្យចាក់ក្របី ពិធីអំណរស្រូវថ្មី ពិធីសាងសង់ភូមិ សាងសង់ផ្ទះ
Guol ជាដើម។ គ្មានជន Co Tu ណាពី Quang Nam, Da Nang រឺ Thua Thien Hue ដែល
មិនស្គាល់ដល់របាំនេះឡើយ។ គេគោរពនិងមានការយល់ដឹងថែរក្សានិងពង្រីក​
ប្រភេទ​សិល្បៈដ៏វិសេសវិសាលនេះរបស់ជនជាតិខ្លួន។ ជារៀងរាល់ថ្ងៃ ក្រោយ
ពេល​មកពីស្រែ បងស្រី Bling Thi Xiec នៅស្រុក Dong Giang បានលៃទុកពេលវេលា​បង្រៀនឲ្យកុមារក្នុងភូមិហាត់រៀនរាំរបាំ Tung Tung da da ទៀតផង។

        “ក្នុងទូទាំងភូមិនេះអ្នកណាក៏ចេះរាំដែរ។ រាំពិបាកណាស់ ពីព្រោះយើងត្រូវ​
ហាត់។ ពីជនចាស់ជរាដល់កុមារសុទ្ធតែចេះពីព្រោះអ្នកចាស់បង្រៀនឲ្យកុមារ។ ដូចជាខ្ញុំត្រូវបានជនចាស់ជរាបង្រៀនឲ្យ និងខ្ញុំបានបង្រៀនឲ្យកុមារ។ ពីព្រោះខ្ញុំ​
ចង់ថែ​​រក្សាផ្នែកវប្បធម៍ប្រពៃណីដើម្បីក្រោយនេះមិនឲ្យសាបសូន្យឡើយ។”

        ទោះបីគ្មានសម្លេងអ៊ូអរដូចជានៅពិធីបុណ្យក្តី ប៉ុន្តែពួកកុមារពីអាយុទើបនឹង
​ចេះ​ដើរដល់អាយុពេញក្រមុំកំពុងយកចិត្តទុកដាក់រាំតាមការណែនាំរបស់បងស្រី
Xiec។ ទោះបីបានរាំស្ទាត់ហើយក្តី ប៉ុន្តែប្អូនៗនៅចង់បានរាំល្អជាងទៀតដើម្បី​មាន​ឱកាសសម្ដែងចំពោះអ្នកភូមិ។ Briu Lii មានអាយុ១៤ឆ្នាំ បានឲ្យដឹងថា ប្អូនចូល​ចិត្ត​
រៀនរាំណាស់៖

        “ខ្ញុំហាត់បាន១ខែហើយ។ ខ្ញុំចូលចិត្តហាត់រាំពីព្រោះនេះជារបាំប្រពៃណី​របស់
​ជនជាតិ Co Tu។ ប្អូនបានឃើញបងពូមារាំដូច្នេះប្អូនក៏ចូលចិត្តរាំដែរ។ ខ្ញុំចង់រាំល្អ​
ដូចជាពូមាដែរ។”

កុមារក្នុងភូមិហាត់រៀនរាំរបាំ Tung Tung da da (namgiang.quangnam.gov.vn)

        Tung Tung តាមភាសា Co Tu មានន័យថា ឈានឡើងខ្ពស់ខ្លាំងក្លានិងរឹងមាំ​
ជាង​ទៀត។ នេះក៏ជាបំណងប្រាថ្នាចង់ឲ្យមនុស្សមានជីវភាពថ្មីល្អប្រសើរជាង។
ដូច្នេះរបាំ Tung tung សំរាប់បុរស។ រីឯ da da មាននៃថា​ត្រង់តាមជួរ សង្វាក់មាន
បំណង​ប្រាថ្នា​របស់អត្ថន័យព្រលឹងគឺស្វាគមន៍ថ្លែងអំណរគុណចំពោះមេឃដី។
បង Tinh Pai នៅស្រុក Dong Giang បានឲ្យដឹងថា ដោយសារងត្ថន័យដូច្នេះ ដែល
ក្នុងពេល​រាំ​នារីលើកដៃឡើងដើម្បីបង្ហាញការស្មោះត្រង់។

        “បរុសរាំបង្ហាញឲ្យកំលាំងរបស់ខ្លួន រីឯនារីរាំបង្ហាញភាពស្លូតបូតនិងចុះ​ចាញ់។ គេលើកដៃឡើងខ្ពស់ដើម្បីចុះចាញ់ជាមួយមេឃដីនិងថ្លែងអំណរគុណ​ចំពោះ​មេឃ
ដី។ រួមផ្សំនឹងជើងរបស់ខ្លួនផង។ អ្នកណាមិនធ្លាប់គឺមិនរាំរបាំ Tung Tung da da បាន
ឡើយ ដើម្បីបង្ហាញភាពស្លូតបូតរបស់នារីក្នុងរបាំ។”

        ក្នុងរបាំជាច្រើន ជនរួមជាតិជាជនជាតិ Co Tu ចូលចិត្តបំផុតគឺរបាំ Tung Tung
da da។ Tung Tung da da ជារបាំប្រជាជនរួមផ្សំសឲ្យឃើញពីការរួម​កំលាំង​របស់
បុរសនារី Co Tu។ ក្នុងបរិយាកាសដ៏ទូលំទូលាយរបស់ភ្នំព្រៃ វង់បុរសនារីយុវជនរាំ
​ដ៏​រស់រវើករួមជាមួយសម្លេងគងឃ្មោះនិងបណ្ដាប្រភេទប្រពៃណីផ្សេងៗដូចជាការ​បួងសួងរបស់ជនរួមជាតិជាជនជាតិ Co Tu ផ្ញើរជូនទេវតានិងជីដូនជីតា។ គេជឿ​ជាក់​
ថា ទេវតាដី ទេវតាទន្លេបានឲ្យគេមានការហូបចុកនិង Giang គឺជាមេឃឲ្យគេការ​គិត​គូរការជឿជាក់ទៅលើកំលាំងពលំដើម្បីឆ្លងផុត រស់យ៉ាងខ្លាំងក្លាជាមួយកំដៅ​ខ្យល់
និងព្រៃភ្នំ Truong Son ដ៏មហិមារ៕