ຍົກສູງຄວາມຮູ້ກ່ຽວກັບທະເລ, ເກາະ
ໃຫ້ພະນັກງານຊາວໜຸ່ມ,ສະມາຄົມນັກສຶກສາ
(ພາບ: VGP)
(vovworld) - ວັນທີ 19/9, ຢູ່ນະຄອນ ໂຮ່ຈີມິນ, ຄະນະໂຄສະນາສຶກສາສູນກາງ ສົມທົບກັບສູນກາງຊາວໜຸ່ມກອມມູນິດ ໂຮ່ຈິມິນ ຈັດຕັ້ງກອງປະຊຸມອົບຮົມ, ບຳລຸງຄວາມຮູ້ ກ່ຽວກັບທະເລ, ເກາະໃຫ້ພະນັກງານຊາວໜຸ່ມ, ສະມາຄົມນັກສຶກສາເຂດພາກໃຕ້. ເຂົ້າຮ່ວມກອງປະຊຸມມີຜູ້ແທນ 1000 ຄົນ, ເຊິ່ງແມ່ນ ພະນັກງານຊາວໜຸ່ມ, ສະມາຄົມນັກສຶກສາບັນດາແຂວງ, ນະຄອນທາງພາກໃຕ້. ທີ່ກອງປະຊຸມ, ບັນດາຜູ້ແທນປຶກສາຫາລືກ່ຽວກັບບັນດາບັນຫາກ່ຽວຂ້ອງເຖິງທະເລ, ເກາະ; ທີ່ຕັ້ງ, ບົດບາດ, ຄວາມສຳຄັນຂອງທະເລ, ເກາະ, ຊັບພະຍາກອນທະເລ, ການປົກປັກຮັກສາສິ່ງແວດລ້ອມທະເລ. ບັນດາຂໍ້ກຳນົດສາກົນກ່ຽວກັບທະເລ, ບັນດາເນື້ອໃນຕົ້ນຕໍກ່ຽວກັບກົດໝາຍວ່າດ້ວຍທະເລຫວຽດນາມ; ບັນດາພື້ນຖານນິຕິກຳ, ປະຫວັດສາດຢືນຢັນອະທິປະໄຕຂອງຫວຽດນາມ ທີ່ມີຕໍ່ໝູ່ເກາະ ຮ່ວາງຊາ ແລະ ເຈື່ອງຊາ; ແຜນນະໂຍບາຍ, ແນວທາງຂອງພັກ ແລະ ລັດຫວຽດນາມ ກ່ຽວກັບການແກ້ໄຂຄວາມຂັດແຍ້ງອະທິປະໄຕທະເລ, ເກາະ. ຄຽງຂ້າງບັນດາເນື້ອໃນປຶກສາທີ່ກອງປະຊຸມ, ຍັງມີງານວາງສະແດງ “ໄວໜຸ່ມນະຄອນ ໂຮ່ຈິມິນ ກັບທະເລ, ເກາະແຫ່ງບ້ານເກີດເມືອງນອນ” ແລະ ລາຍການພົບປະແລກປ່ຽນ, ສະແດງສິລະປະດ້ວຍຫົວຂໍ້ທະເລ, ເກາະແຫ່ງບ້ານເກີດເມືອງນອນອີກດ້ວຍ.